|
مسافر المانيا ولا استغني عن آرائكم السلام عليكم اخواني واخواتي ارغب بالسفر الى المانيا طبعا بشكل اولي السفر لمده 13 يوم الذهاب من الرياض بتاريخ 18 اغسطس والعوده بتاريخ 30 اغسطس طبعا الخطه الاوليه النزول في ميونخ او فرانكفورت ( ايهما انسب ) ورغبتي من ميونخ الى النمسا ( فيينا وزيلامسي ) وانتهاء بانترلاكن السفر لشخصين ( انا والمدام ) طبعا ابي نصايحكم وتوجيهاتكم للتخطيط وكيف الاليه المناسبه للسفر هل انزل في فرانكفورت وبعدها بالسياره الى ميونخ ومن ثم فيينا و بعدها زسلامسي ومن ثم انترلاكن والسياره تنصحوني استاجر للرحله كامله انتظر نصايحكم وتوجيهاتكم |
وعليكم السلام ورحمه الله وبركاتو حياك الله اخوي المده 13يوم مناسبه لكن لاتناسب الاماكن المختاره من رايي اما تكتفي ب بهذا المسار وصول 4 فينا بالقطار الى وتسنلم السياره 5 زيلامسسي وثم الميونخ ومن ميونخ الى الرياض او الوصول فرانكفورك 1يوماستلام السياره ثم الى فرابورغ والغابات السوداء 4 ايام ثم 5 انتر لاكن ايام ثم زيورخ باقي الايام ومنها الى الرياض او الوصول والغادره ميونخ الوصول ثم السياره مباشره الى قارمش 3 ايام وزيارة ماحولها ثم زيلاميسي وكابرون 5 ايام و2 يوم سالزبورغ و3 ايام ميونخ هل انزل في فرانكفورت وبعدها بالسياره الى ميونخ ومن ثم فيينا و بعدها زسلامسي ومن ثم انترلاكن ش المسافات جدا بعيده بين المدن اقل مده بين المدن 4 ساعات بالسياره من فرانكفورك وميونخ و 4ساعات بين فينا وزيلامسي بالقطار وبين زيلاميسي وانترلاكن 6 ساعات ونص سياره ذهاب فقط ورحلتك كلها 13 يوم ولاتنسى يوم الوصول والعوده اذا بتحسبهم مع 13 يوم فبتكون رحلتك 11 يوم و مايمديك يعني كل تنقل يوم ضايع ننصح باجار السياره في انترلاكن وزيلامسي وكابون واقارمش وبالنسبه لا ن مثل ميونخ وفرانكفوت وفينا الموصلات العامه تغنيك لكن اذا زدت عدد الايام الى 15 يوم من غير يوم الوصول والمغادره والوصول فينا او ميونخ (لكن هنا بتستعني عن فينا ) والمغادره يااما زيورخ (وهي الافضل )او جنيف ممكن نرتب لك جدول حاول تستعجل يالححز لان الاسعار ترتفع كل يوم وخيارات السكن الممتازه تقل وتصير فل بالتوفيقى تم التعديل وادخل الارقام تم الإرسال من SM-G935F باستخدام Tapatalk |
" ليه ماتنزل في ميونخ ، وتروح من ميونخ ع النمسا ، ومن النمسا ع سويسرا ( اذا انت حاب تزورها ) مع إني ما انصح ب زيارتها كون انترلاكن شبيهها جداً بزيلامسي . والعودة تكون من ميلان ؟ افضل واسهل للتنقل . |
اقتباس:
|
جربها صدقني ماتندم ، وانا للحين أفكر بين إني اروح ميونخ وبادن بادن وفرانكفورت وامستردام وبلجيكا وباريس ، لكن يمكن اعيد نفس الزيارة ، اللي هي : ميونخ - سالزبورغ - زيلامسي - فينيسيا - ميلان . هذي حلوه وخط السير كمان حلو والتنقل يكون بالسيارة ، شوف الخريطة بتحصلها مره اسهل .. وحلوه وسلسه ، |
اقتباس:
الصراحه دخلت الخريطه وشفت المسافه مرررره حلوه بس عندي استفسارين هل ايطاليا افضل من سويسرا ولا كيف ووش وضع النقاب هناك لاني مسافر مع زوجتي |
اقتباس:
مرحبا اخوي وضع النقاب بالمناطق المذكوره في الاعلى مسموح وماعليها شي ان شاء الله لكن اعتبارا من شهر اكتوبر القادم ممنوع النقاب بالنمسا صدر القرار اليوم بهذا الخصوص اما الان الى الصيف ماراح يتطبق |
اذا تبغي تدمج النمسا مع سويسرا المشكله ايام سفرتك قليله لازم تعوضها بقله التنقل وتزيد عليك المسافات اشوي وهو المخطط نفس ماقال الاخ اوروبي وصول ميونخ كابرون 4 بيرتساو 2 انترلاكن 5 ميلانو 2 |
اخواني وش رايكم ميونخ (يومين) - فيينا (3 ايام) - زيلامسي (3ايام) - انترلاكن (3 ايام) - ميونخ (يوم ختام ) تكون الرحله الرياض ميونخ - ميونخ الرياض ووش افضل موقع حجز سياره ووش متطلبات الرحصه الدوليه |
اقتباس:
ابي الاماكن القريبه من المدن هذه يعني ميونخ وش قريب منها اروح له وفيينا زيلامسي راح تكون قريب منها كابرون انترلاكن وخلال ال3 ايام وين اروح ولا تقترحون علي تعديل على هالجدول |
| الساعة الآن 08:48 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO