|
الفزعه من أعضاء وزوار المنتدى في ترتيب الرحلة السلام عليكم و رحمة الله و بركاته ان شاء الله بتكون سفرتي لألمانيا بتاريخ 1/4/2015 والعوده بتاريخ 10/4/2015 الذهاب والعوده بتكون ل دوسلدورف الوصول الساعة 7 ونص الصباح و العودة بتكون الساعة 10 ونص و التنقل بيكون ان شاء الله بسياره أعضاء الرحلة ( بوراشد + أم راشد + الزعيم راشد (4سنوات)+ الأميره شما ( سنه وشهرين)) بالنسبه للأميرة اول مره تسير معاي أوروبا اما الزعيم سافر مرتين لأوروبا فوقع اختياري ل دوسلدورف لتخصيص يوم لحديقة أوروبا فكان تقسيم الأيام كالتالي ( 4 ليالي في بادن بادن وخمس ليالي في دوسلدورف ) انا في خاطري اشوف مدينة جوثرن ( فينيسيا الهولندية ) تم حجز التذاكر فقط و لظروف خاصه تم تأخير ترتيب الرحلة فأرجو من أعضاء الرحلة مساعدتي في ترتيب السكن و الأماكن التي تستحق الزياره في هذه الفتره مع العلم انا ما عندي مشكله في المسافات |
رد: الفزعه من أعضاء وزوار المنتدى في ترتيب الرحلة يا هلا ابو راشد وحياك والله يحفظ لك العالئلة الكريمه يارب المشكله يا ابو راشد انك تبي اليورب بارك يعني فيها ردة وروحة اذا فية امكانك لتغير الحجز تمام واذا مافي عاد الشكوة لله وافضل خط سير لك الوصول دوسلدورف والذهاب مباشرة الي بادن بادن بادن 3 كولن 3 Huizen او روتردام او اي مدينه هولندية تكون قريبة من جيثورن و امستردام لمدة 3 دوسلدورف 1 |
رد: الفزعه من أعضاء وزوار المنتدى في ترتيب الرحلة مشكور الأخ عزام المشكلة ان التذاكر حاجزنها من فتره طويله |
رد: الفزعه من أعضاء وزوار المنتدى في ترتيب الرحلة انا حبيت اعرف اذا في منطقه ثلجيه نفس ( كابرون ) تكون مَش بعيده |
رد: الفزعه من أعضاء وزوار المنتدى في ترتيب الرحلة وينكم يا أهل الفزعه |
رد: الفزعه من أعضاء وزوار المنتدى في ترتيب الرحلة ابوراشد هلابك وحياك يالغالي بالنسبة لمنطقة ثلجية قريبه صعبة شوي مشكلتك في حجزك الطيران اللي هو دوسلدروف |
رد: الفزعه من أعضاء وزوار المنتدى في ترتيب الرحلة و الله يا اخي " قايد" انا كان حجزي لدسلدورف لعدة اسباب من ضمنها اني ابا اودي العيال ل بادن بادن والسبب الثاني اني وله مره جيت هالمنطقه |
رد: الفزعه من أعضاء وزوار المنتدى في ترتيب الرحلة تبي نصيحتي اول شي لاتفكر في روتردام انك تسكن فيها انا توني جايه منها مش حلوووه ونصيحتي لك لاتتنقل كثر لان مدتكم قليله خلها بس محطتين والمره الجايه روحوا مخصوص حق بادن بادن ومخططي لك امستردام بدال بادن بادن لان ضرب الخطوط مش سهل في اوروبا وخصوصا ان معاكم بيبي صغيره ويضيع اليوم وانتو في الطريق نصيحتي تخلونها امستردام شوف تقريري عنها توني خلصته وبعدها دوسلدورف في مناطق كثيره هناك حلووووه صوب دوسلدورف والمانيا كلها روووعه ولاتفوت المدن الهولنديه القريبه من دوسلدورف وخل السكن في دوسلدورف كلها حياه وناس عكس كولون ممله وكئيبه افضل دوسلدورف عنها |
رد: الفزعه من أعضاء وزوار المنتدى في ترتيب الرحلة مشكوره اختي و ماقصرتي |
رد: الفزعه من أعضاء وزوار المنتدى في ترتيب الرحلة مرحبا ابو الزعيم راشد الله يبارك ويحفظ ام الزعيم وجميع الامراء والاميرات :(89): ماقصرو الاخوان والاخوات في تخطيطهم ونصايحهم جزاهم الله خير جميع بالنسب لتخطيطي بما ان تم الحجز وقضي الامر المخطط : الوصول دوسلدورف والاقامه فيها ليلتين الذهاب الى فرايبورغ والاقامه فيها 4 ليالي العوده الى دوسلدورف والاقامه فيها 3 ليالي التفصيل : الوصول دوسلدورف وزياره الاماكن القريبه منها مثل كولن و بون الذهاب الى فرايبورغ المسافه بالسياره 4 ساعات ونص ( 460 كيلو ) بالقطار في بعض الرحلات دايركت مدتها بين 3 ساعات و 25 دقيقه الى 3 ساعات و 37 دقيقه من فرايبورغ الذهاب الى مدينه العاب اوروبا بارك 20 دقيقه بالسياره وتخصيص يوم للذهاب الى لوزيرن المسافه بالسياره ساعه ونص ( 160 كيلو ) وبالقطار ساعتين تبديل قطار واحد في مدينه بازل ومن زيارتك الى لوزيرن للذهاب الى Engelberg-Titlis قمه تتلس الثلجيه وتخصيص يوم للذهاب الى الغابات السوداء واليوم الرابع العوده الى دوسلدورف وبعد العوده للراحه وبعدها الذهاب الى مدينه جيثورن الهولنديه من دوسدلورف الى مدينه جيثورن بالسياره ساعتين ونص ( 235 كيلو ) والعوده بنفس اليوم بالتوفيق ان شاء الله |
| الساعة الآن 03:43 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO