|
زيارة لألمانيا في سبتمبر .. بعض الاستفسارات السلام عليكم ورحمة الله وبركاته .. اسعدكم الله جميعا ناوي باذن الله اسافر اوروبا من 17 الى 29 سبتمبر .. الخطة : جدة - ميونخ .. من ميونخ على النمسا .. بعدها سويسرا وارجع من فرانكفورت لـ جدة باذن الله وعندي كم استفسار لو سمحتو : 1- كيف الخطة مبدئيا ؟ 2- حددت الدول ، بس ماحددت المدن والمناطق + عدد الايام ، ياليت تنورونا باقتراحاتكم ( افكر اسكن في منطقة ، مثلا النمسا واروح اتمشى وارجع في نفس اليوم .. يعني فندق في النمسا و برضو فندق واحد او كوخ في سويسرا ) 3- التأشيرة حاطلعها من السفارة الالمانية باذن الله والتذاكر عن طريق الخطوط السعودية ( اذا في اقتراح افضل ، لاتحرمونا ) 4- معايا طفل رضيع عمره حيكون 8 شهور باذن الله ، كيف حيكون البرد عليه ؟ + لو بنروح ملاهي فين نخلي الطفل ؟ ولا مافي حضانات في الملاهي ؟ 5- اخذ دولارات ؟ ولا كيف نظام الفلوس ؟ + يقبلو البطاقة الإئتمانية مسبقة الدفع ولا ؟ الله يجزاكم الجنة وشكرا مقدما :e437: |
وعليكم السلام ورحمة الله وبركاته عندكم 13 يوم 12 ليلة الوصول ميونخ والعودة فرانكفورت والدول المرغوبة المانيا والنمسا وسويسرا ومعكم طفل الله يخليه لكم عمره 8 شهور بداية الطفل ماتخلونه عند اهلكم ماراح يستمتع وتعب عليه وعليكم ؟ والجو ماراح يكون بارد جدا علينا احنا الكبار بس بداية البرودة والطفل عليه برد ويحتاج كرسي وفوقه مظله وتحطون عليها واقي من المطر والهواء البارد خصوصا المساء وبكل تأكيد ملابس ثقيلة يحتااج والله مااعرف عن الحضانات ولا جربت رحلة بطفل اقل من سنتين وعن الالعاب إذا مافيه واحد يلعب واحد عند الطفل الله يعين وإن شاءالله من جرب رحلة بطفل يفيدكم ثانيا تشطب النمسا او سويسرا المدة ماتنفع ضم الدولتين تفضل الجدول الاول المانيا والنمسا من ميونخ لقارميش ليلتين زيلامسي 5 ليالي وزيارة منها سالزبورغ ميونخ ليلتين بادن بادن الغابات السوداء 3 ليالي ومن بادن بادن إلى مطار فرانكفورت الجدول الثاني المانيا وسويسرا ميونخ ليلتين انترلاكن 4 ليالي جنيف وماحولها 3 ليالي بادن بادن الغابات السوداء 3 ليالي ومن بادن بادن إلى المطار والتأشيرة على الدولة الاكثر اقامة وهي المانيا على الجدول الاول وسويسرا على الجدول الثاني وفي بوابة الفيزا تكون الافادة اكثر https://www.arabtrvl.com/vb/f32.html ونظام الفلوس لا اخذ مبلغ بسيط يورو والباقي بالبطاقة افضل واضمن نعم يقبلون مسبقة الدفع ( هي الفيزا مثلا ) اذا هي نعم تقبل ورحلة موفقة بإذن الله |
اقتباس:
اهلا وسهلا اختي ، شكرا على الرد والمساعدة الفكرة اني اضفت المانيا ، عشان الرحلة لها ارخص + ايجار السيارات من عندهم برضو ارخص يعني خطتي اني اوصل ميونخ اقعد يوم واروح للنمسا .. بعدين اروح سويسرا و اقعد يوم في فرانكفورت وامشي او حتى ع المطار من سويسرا لكن نورتبني في موضوع قارمش .. و باقرا عنه باذن الله هو و معالم المانيا |
| الساعة الآن 07:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO