|
ستراسبورغ او فرايبورغ السلام عليكم ورحمة الله مساء الخير جميعاً راح ازور باريس لمدة سبع ليالي ثم راح اطلع لمدينة ريفية لمدة خمس ليالي ومحتار ما بين ستراسبورغ و فرايبورغ الالمانية وش الافضل للاقامة فيها وزيارة المناطق المحيطه لها؟ وياليت جدول بسيط لزيارة المناطق القريبة؟ واللي مامعه سياره ما افضل طريقة للتنقل؟ وكيف الجو في نهاية شهر اكتوبر؟ وشاكر لكم مقدماً |
Up up |
وعليكم السلام ورحمة الله وبركاته الأرياف الأوربية حلاوتها بوجود السيارة للتمتع براحتك واستغلال وقتك زي ما تحب عن نفسي أقول فرايبورغ ومن فرايبورغ ممكن زيارة العاب يوروبا بارك (يوم او يومين) زيارة كولمار الفرنسية وبازل السويسرية وبحيرة تيتسي وشلال تودناو وتريبرغ وما حولها من الريف الألماني |
اقتباس:
الله يعطيك العافيه يابو مهاب كيف اجواء الريف في نهاية اكتوبر هل برد و ثلج عشان اغير الوجهة بالمرة او جميل؟ بعدين بخلي تنقلاتي للمدن اللي ذكرت بالقطار كيف احجز عن طريق النت او من نفس المحطات ؟؟ |
الله يعافيك الاجواء تميل الى البرودة لكن لا يوجد ثلوج القطارات والباصات متوفرة لكن بحكم قرب المسافات ( انا أفضل السيارة ) بالنسبة لالعاب يوروبا بارك ممكن تروحها بتاكسي لان المسافة تقريبا 35 كم من فرايبورغ حسب كلامك انت جاي من باريس وبعد الريف راجع باريس ثاني ولا كيف مخططك؟ حجوزات القطار ممكن من النت او من نفس المحطة (قطار باريس - فرايبورغ أفضل تحجزه من النت قبل السفر بشهر عشان ما ترتفع الأسعار) |
اقتباس:
اي يا بو مهاب راجع لباريس الجدول راح يكون الوصول لباريس يوم 25 اكتوبر وقضاء 6 ليالي ثم اطلع للريف يوم 31 اكتوبر والعودة لباريس يوم 6 نوفمبر واخذ رحلة الاياب الى الرياض بس جدول الريف ما عرفت اضبطه لان في اكثر من مدينه محتار فيها وعشان تصير منطقة الانطلاق ( بادن - بادن او فرايبورغ او ستراسبورغ او روست ) الشي الثاني مقدر استأجر سياره فـ الافضل قطارات او باصات ويعطيك العافيه ابو مهاب اخذت من وقتك |
الله يعافيك خلاص خليك على باريس - فرايبورغ - باريس وهذا رابط للقطارات على تاريخ سفرتك وفيه كذا اختيار (الشخص البالغ 125 يورو رايح جاي) انتبه للوقت لتغير القطار ممكن تلاقي سعر اقل بس الوقت لتغيير القطار يكون قصير https://en.voyages-sncf.com/en/reservation/basket |
اقتباس:
خلاص يبو مهاب راح اخلي فرايبورغ مدينة الاقامة والانطلاق للمناطق المجاوره راح يكون منها بس في مشكلة اذا بروح لتيتيسي مالقيت بالموقع اللي انت ذكرته رحلات من فرايبورغ الى تيتيسي ؟ كيف اروح للمدينه هل في طريقة ثانية ؟؟ |
هلا يا غالي الموقع اللي حطيته لقطارات فرنسا بالنسبة للتنقل بالقطار في المانيا هذا موقعهم (مثال لو بتروح بازل في سويسرا) بس لازم تسجل في الموقع https://fahrkarten.bahn.de/privatkun...irected=1#stay وهذا كمان موقع حلو يعطيك خيارات المواصلات https://www.rome2rio.com/s/Freiburg-...itisee-Germany |
| الساعة الآن 01:23 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO