|
جدول رحلة ( ميونخ - زيلامسي - غارميش - زيورخ - ميلان ) 14 يوم السلام عليكم اخوان هذي اول سفره لي بحياتي خارج الوطن وهي سفرة شهر عسل .. وبعد طحن وتردد تقريبا هذا جدول الرحله .. راح اجلس فيها 13 يوم اتمنى نصايحكم حولها ووش رايكم في توزيع الايام ؟ عندي كم سؤال مهم 1- الفيزة اطلعها من اي بلد اذا كان وجهتي الاولى ميونخ ( هل تفرق الايام اذا كانت اكثر في بلد اخر ) ؟ 2- تاجير السياره كم بيكلفني مع التامين اللي يسحبونه مني ؟ 3- الميزانية التقديرية لكامل السفره حاطها 35 الف لشخصين تاريخ الذهاب : يوم الجمعة ( 22-6-2018 ) العودة ( 5-7-2018 ) تكفون فزعتكم :( |
ولا رد ؟؟ :2: |
وعليكم السلام ورحمة الله وبركاته الجدول شوي متعب و ٤ دول وممكن يصير اذا انلغت ميلانو بس ماذكرت العودة من اي مطار تفضل هذا الموضوع وفيه جدول جاهز ١٤ ليلة مناسب للشهر العسل والمدن قريبة من بعض ابعد بعيدة ٤ ساعات تقريبا فيه زيلامسي وغارميش وميونخ بس فيه بدال ميلانو وزيورخ ( فيينا و سالزبورغ ) الوصول فيينا والعودة ميونخ https://www.arabtrvl.com/vb/t153.html واذا تبي ميلانو وزيورخ الوصول ميونخ والعودة زيورخ ميونخ ليلتين زيلامسي ٤ ليالي فينيسيا ليلتين بدال غارميش وتكون وسط بين زيلامسي وميلانو ميلانو ٣ ليالي زيورخ ليلتين او ٣ ليالي اذا قدرتوا تخلون الرحلة ١٤ ليلة والفيزا على البلد الاكثر اقامة اذا كان الجدول الي بالرابط الجاهز تكون الفيزا نمساوية وجدولك تكون ايطالية والافادة اكثر في بوابة الفيزا https://www.arabtrvl.com/vb/f32.html والسيارة حسب نوع السيارة والتأمين واستلامها وتسليمها من دولة لدولة |
وعليكم السلام ورحمة الله وبركاته الف مبروك يا عريس الله يوفقك ويجمع بينكم على خير ما قصرت اختي هدوء في طرحها وانا معها في تعب الجدول خصوصا بوجود ميلان لكن بعطيك انسب الحلول وانت شاور واختار مخطط رقم 1 ميونخ 3 ليالي (منها يوم لزيارة قارمش) زيلامسي (4 ليالي) فادوز او بادراجاز (ليلة للراحة) زيورخ ليلتين ميلان (3 ليالي) مخطط رقم 2 ميونخ (ليلتين) زيلامسي (4 ليالي) قارمش (ليلتين) وتسليم السيارة وبالقطار من قارمش الى زيورخ (2ليلتين) (القطار لازم تبديل محطة وحدة في انسيروك) وباختيارك من زيورخ الى ميلان بالقطار او السيارة (في حال اخترت السيارة سلمها في لوجانو اخر يوم في ميلان وارجع بالقطار من لوجانو الى ميلان) ميلان (3 ليالي) مخطط رقم 3 ميونخ (ليلتين) قارمش (ليلتين) زيلامسي (4 ليالي) ثم العودة الى ميونخ وتسليم السيارة واخذ قطار مباشر الى زيورخ (ليلتين) وباختيارك من زيورخ الى ميلان بالقطار او السيارة (في حال اخترت السيارة سلمها في لوجانو اخر يوم في ميلان وارجع بالقطار من لوجانو الى ميلان) ميلان (3 ليالي) |
الفيزا من البلد الاكثر اقامة و ان تساوت بلد الوصول السيارة في حدود 500-600 يورو لو ترجعها من نفس المكان |
كيف وضع القطارات هناك سهل ولا متعب من قطار لقطار ؟ وايش الافضل يكون معي سياره ولا استخدم قطارات ؟؟ |
| الساعة الآن 01:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO