|
مجبور على شهر اكتوبر ومحتار السلام عليكم ورحمة الله وبركاته فكرت بسفره سياحيه شهر اكتوبر 2018 الى المالديف لان اجازتي تصادف هذا الشهر ويكون بارد ومعتدل في المالديف لكن للاسف المالديف 5 ايام تطلع فوق 15 االف بدون تذاكر وضرايب وبعد ما قرأت عنها اكثرهم يشتكي من الغلاء والضرايب وقررت اتوجه الى اوربا منها تغيير وزيارة اكثر من منطقه افضل من المالديف ... وكان الاختيار على المانيا والنمسا اتمنى مساعدتي في هذا السفره والانتباه لجميع الاشياء من حيث : الوقت ووقت الوصول ودخول الفندق ومتى يغلق الاستقبال وافضل وقت طيران والاشياء الي يجب ان اهتم فيها او ابتعد عنها ( ابغا ادق التفاصيل) لاني سافرت تركيا واسبانيا ( عزوبي ) وماكنت شايل هم اي شي لكن الان مع زوجتي ابغا ارتب كل شي واتحنب المشاكل عشان ما اتوهق........ بالمختصر عشان توصل الفكره عندي نقاط مهمه او نفسي فيها بكتبه مايهم مدة الاقامه تقريباً 13 يوم اهم المدن والقرى الي اتمنى تكون ضمن الجدول: ميونخ كابرون-زيلامسي -سالزبورغ انسبروك - قارميش - Achenkirch- برتاسو وبعدها الذهاب الى بادن بادن ورست لزيارة اليوروبارك االمحبب لي البقاء في بادن بادن يومين الى ثلاثه ورست لليوروبارك فقط والعوده ميونخ طبعا لايهم البدايه من وين الاهم الجمع بينها واختيار الطرق السريعه وعادي اذا احد يشوف الغاء قريه او مدينه من المخطط واي تعديل. .... |
ممكن هالمخطط يفيدك ميونخ - سالزبورغ - كابرون - انسبروك - قارمش - بادن - رست يوربا بارك - ميونخ افضل المحطة الأخيرة من فرانكفورت لقصر المسافه وان شاءالله اللي اخبر مني يعطونك مقترح افضل |
ودي ادخل باريس فالمخطط طبعا (مجبر)�� الوصول ميونخ ليلتين زيلامسي او كابرون 3 ليالي فوسن او انسبروك ليله بادن بادن مع زيارة رست 3 ليالي باريس 3 ليالي استخدام القطار من بادن الى باريس او يكون الجدول عكس يعني الوصول باريس والمغادع من ميونخ باريس فقط الشانزليزيه والبرج يمكن يكون باقي يوم |
بالجدول الثاني تقول باريس مضطر يكون الوصول ميونخ والمغادرة باريس وألغاء فوسن او انسبروك مالها داعي ليلة ويكون ميونخ ليلتين زيلامسي 4 ليالي 3 ليالي بادن بادن 3 ليالي باريس بالقطار من مدينة ستراسبورغ الفرنسية والمسافات ميونخ لزيلامسي ساعتين و11 دقيقة زيلامسي لبادن بادن 6 ساعات و 22 دقيقة ( هي ابعد شئ بس الطريق جميل وينسي التعب ) ولو تقدر تضيف ليلتين تكون كونستانس المنطقة الوسط بين زيلامسي وبادن بادن بادن بادن لباربس بالقطار ساعتين و55 دقيقة رحلة موفقة بإذن الله |
يعطيكم العافيه .. ماقصرتو .... فعلا من زيلامسي الى بادن بادن مسافة طويله وعشان كذا فوسن كانت لراحه وكذالك كونستانس كانت من ضمن الخيارات مع فوسن ........ 99٪ راح اعتمد جدولك .... |
| الساعة الآن 07:47 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO