|
يا اهل الخبرة ابي فزعتكم تكفون السلام عليكم ورحمة الله وبركاته لي يومين ما عرفت انام:15: صدق من قال ان تخطيط السفر (هم) انا حجزت طيران من الرياض لميونخ والعودة من ميونخ من ١٥ سبتمبر - ٢٧ سبتمبر ما عرفت اضبط جدول خاصه اني والمدام ودنا نروح النمسا اغلب شي زي زيلامسي ووو . فما هو الأفضل بين الجدولين الي اقترحوها لي الشباب .. او احد يساعدني في جدول افضل. الاول :: مع انه ناقص في عدد الايام بريستاوا ليلتين زيلامسي 4 كومو الايطالية ليلتين ميونيخ ليلتين الثاني :: قارمش ٢ فيينا ٢ زيلامسي ٤ هالشتات ٢ ميونخ ٢ فما هو الاريح والافضل .. واستفسار ثاني انا بطلع الفيزا من ألمانيا واغلب تواجدي برا ألمانيا هل تمشي عليهم الحجز الوهمي للفنادق زي ما قالو الشباب. وما هو افضل موقع استجار السيارة . وافضل موقع حجز فنادق غير البوكينق وسلامتكم يارب احد يتجاوب معي لاهنتو:5: |
افاااا ما فيه اي رد :28: |
افا ولا واحد رد وش دعوه كلها فزعة بسيطه ولكم دعوه حلوه |
وعليكم السلام هلا يا غالي فضلا عدم استعجال الردود الصبر طيب انا أشوف المدة قليلة المفروض تكون الوجهات متقاربة مثل هذا المخطط ميونخ بيرتساو 3 تزور منها انسبروك + زيفيلد + قارمش زيلامسي 5 تزور منها كابرون + سالزبورغ هالشتات 2 ميونخ 2 |
اخوي سلطان لا تستعجل بالرد الأعضاء راح يتجاوبون معك ولكن اصبر. انا اقترح عليك وانت تنتظر انك تقرأ بالمنتدى. هناك العشرات من الصفحات التي تجاوب على بعض استفسارتك. قلما قرأت اكثر راح تقل استفساراتك. اولا وهي اهم نقطة أنت ما قدمت على التأشيرة حتى الآن فتحرك فورا ولا تؤخر نفسك. باقي عندك 45 يوم. خلك نظامي وقدم على النمساوية لانك راح تمكث فيها الأطول. هل دخلت موقع VFS وحجزت موعد مع النمساوية ؟ مخطط الرحلة : مثل ما أقترح ابو غسان (آخر فرصة) ولكن مع تعديل بسيط 1) ميونخ - الوصول 2) بيرتساو 3 تزور منها انسبروك + زيفيلد + قارمش 3) زيلامسي 4 الى 5 تزور منها كابرون والانشطة المحيطة. 4) هالشتات 2 وبالطريق الى ميونخ تمر على سالزبورغ 5) ميونخ 2 الى 3 بعض مواقع حجز الفنادق العالمية: Booking Agoda Expedia بعض مواقع استئجار السيارات (كلمة الأفضل شي نسبي وحسب تجربة كل شخص): Europcar Hertz Budget Avis Sixt |
اللخوان ماقصرو وانا مع الاخ فارس ليه التحايل والحجوزات الوهميه خلك بالسليم وطلع فيزة النمسا حتى ماتعرض نفسك لاي مشكله او تسأل خصوصا اوربا اهم شي عندها النظام والقوانين تم الإرسال من SM-G935F باستخدام Tapatalk |
مدة اقامتك 12 ليله صعبه جدا تتنقل كثيير وبعض القرى الي ذكرتها انت بعيده عن بعض يعني صعبه تلفها ب 12 يوم !! افضل شي من وجهة نظري !! 1 يوم في ميونيخ تريح فيها !! 4 ايام في زيلامسي او كابرون بيسندورف كلها جنب بعض !! 4 ايام في بيرتساو !! 3 ايام في غارميش !! ثم ترجع لميونيخ وتسلم السيارة على اني افضل انك تجلس يوم في ميونيخ ايضا في العوده علشان ماتربك نفسك خذ احتياطتك !! |
12 يوم صعبة تجمع ا يطاليا مثل ماقالو الاخوان خلك بالدائرة من ميونخ الى قارمش وثم بيرتساو وبعدين زيلامسي ومن زيلامسي تزور هالشتات وسالزبورغ يعني مفترض زيلامسي تكون 6 ايام اقل شيء باقي المدن على يومين ويومين اخيرات لميونخ منها تروح للاوت لت اخر السفرة عشان اذا شريتو شيء ماتنقلونه معكم بتنقلاتكم |
| الساعة الآن 08:00 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO