|
تجربتي مع سكست ميونخ +حادث 2 مرفق اسعد الله اوقاتكم بكل خير بنقل لكم تجربتي مع سكست بشهر سبتمبر وياليت تفيدوني اكثر في اجراءات بعد الحادث تم استئجار سياره مرسيديس فئه c فل انشورنس عن طريق الموقع الكتروني وتم الدفع وصلت هناك وجاني ايميل وانا بالطياره انه بما انك دافع وكاتب جميع بياناتك عندك شي اسمه سمارت شك ان وفرحت بالرساله وقلت ماني مطول باخذ السياره وامشي .. رحت لهم وقاعدين يدورون بالسيارات وقالو للاسف مو موجوده راجع المكتب .. راجعت المكتب وكان معي الموظف نفسه واللي ساعدني اتخطى السرا الموجود وقال سيارتك غير متوفره مع الاسف فيه سياره ثانيه اعلى قيمه وتدفع بس ١٥٠ يورو المهم قلت هذا خطاكم انا مالي دخل وشوي جابو لي موظفه لبنانيه عندهم تتكلم عربي قالت موجوده سيارتك بس بنزين قلت لا ابي ديزل قالت تدفع ١٥٠ زياده قلت اوكي بس لاتجيني سياره بوقس قالت خلاص جب الفيزا وتفاجات انهم يبون يسحبون ٦٥٠ يورو قلت ليه اساسا خاصمينها من اول قالت لا ٥٠٠ وديعه وال ١٥٠ زياده وبرضه مشيت الموضوع ابي اخلص المهم يوم جيت استلم السياره الا وهي بوقس :16::16::16: وانا ارجع لها وبكل برود تقول الموظف خطأ انا مالي دخل واعصب عليها وهي اللي كانها تقول لاتشكي لي وابكي لك وقامت تتكلم عن معامله لها في لبنان لها اكثر من شهر وقامت تفضفض المهم سالتني لوين رايح قلت لها النمسا ايطاليا سلوفينيا قالت شوووووو سلوفينيا مافيك تروح لها ممنوع ولا يشملها التامين قلت ليش قالت يسرقونها بكل بساطه قالت اذا بتروح ع مسؤوليتك روح وانا اللي اقول ايه ايه عادي طفشت من طول الانتضار واقعد انتظر الموظف لين رجع وعطاني مرسدس فئه e بنزين ولكن كان فيها نظام eco الايكنومي يمشيني ٩٠٠ كيلو الفل والحمدلله انتهت المعاناه بعد انتظار ٣ ساعات او اكثر عشان سياره واليوم الثاني رجع لي مبلغ ٦٥٠ يورو اللي كنت حاجز فيه السياره عن طريق الاون لاين وسلوفينيا الغيتها من الخطه واستبدلتها باضافة يوم بزيلامسي ويوم بايطاليا نجي للمعاناه الثانيه قبل التسليم بيوم قدر الله علي وسويت حادث بسيط وانكسرت الشمعه اليمين وكنت صادم لوحه بالخط لاني كنت بسوي يوتيرن وتفاجات بسياره مسرعه وشطفت اللوحه المهم انا فيه معلومه براسي او احد قايل لي انه اذا مافيه طرف ثاني بالحادث او اصابات مايحتاج تدق ع الشرطه دقيت ع الشركه نفسها وبلغت عن الحادث وماجاب لي طاري اتصل ع الشرطه قالي بشوف اقرب مكتب لك يجي يبدل سيارتك قلت مايحتاح بعد بكره راجع المهم قالي مر اقرب مكتب لك بكره وانا وقتها في قارمش واقرب مكتب في انسابروك وقلت مره وحده اسلمها بالمطار وفعلا سلمتها بالمطار وسالت اللي استلمها عن ورقه مخالصه قال مايحتاج وسالت موظف ثاني مغربي قال تامينك زيرو روح وانت مطمن المهم ماعجبني كلامهم ورحت للمكتب واحصله زحمه قلت اجل مايحتاج.. وقبل اختم الجوازات خروج تجيني رساله (لعدم توفر رصيد كافي تم رفض عمليتك الشرائيه من كست) وتجيني مره ثانيه مع انه فيها رصيد ٥٠٠ ريال انا هنا جاني احساس الافلام والمطلوبين امنيا:19: .. قلت بس اكيد معممين عني ماأطلع :20: المهم ختمت وطلعت على لندن والحمدلله.. طبعا بعد ماشفتهم ناوين يسحبون الفلوس من الفيزا سحبت كل فلوس الفيزا الباقيه وحولت فلوسي لبنك ثاني واليوم الثاني تجيني رساله تم خصم ٧٠٠ يورر من الفيزا :30: صار رصيدي بالسالب حوالي ٤٠٠٠ ريال معقول فيزا مسبق الدفع وبالسالب المهم زين معي بطاقه ثانيه وحساب ثاني وارسلو لي فاتوره بقيمة العقد انه ٧٠٠ يورو مع ان العقد اللي معي ٦٥٠ قلت زين دامها فلوسهم ممكن الاوله عليها بلوك وفعلا كان بلوك بس مادري ليش هالزياده المهم ارسلو لي ايميل ثاني وفيه ابلكيشن اعبيه تاريخ الحادث ومكانه ورقم بلاغ الشرطه مع رسالة تهديد (نرجو ملئه وتوقيعه واعادته لنا خلال عشرة ايام والا سنتخذ الاجراءات القانونيه )😣 انا ابي افهم هل ممكن يحملوني تكاليف اصلاح السياره وانا مامن زيرو؟ وهل ممكن احد يساعدي اعبي هالاوراق بحيث انها ماتدينيني؟ حبيت انقل لكم تجربتي معهم عشان ماحد يعيد المشكله ونشوف نهايتها معهم سوا وهذي الاوراق اللي مرسلينها |
الحمدلله على السلامة أخي الكريم 3ziz والله يعوض عليك وفي الحديد ولا فيك شركة سكست تعالمها غامض بالرغم انها تأخذ التأمين كامل وشامل إلا انها إذا حدث لسياراتها ولو خدش تأخذ مبلغ كبير لنا معها موقفين وفيهم نصب علينا مرة حصل لنا حادث على الجبل وكسرت المرآة الجانبية فقط وبلغنا الشرطة وأخذنا ورقة البلاغ وسلمناها مع السيارة في المطار ونتفاجأ منهم بخصم أكثر من 3600 درهم لتصليح السيارة كيف وقيمة التأمين الذي أخذوه عند استلامنا السيارة في المطار 5452.30 درهم أشعر أنهم نصابين في تعاملهم مع الخليجيين وحرمنا نتعامل معهم مرة ثانية المهم احرص على بلاغ الشرطة واحرص على أخذ ورقة البلاغ مختومة وشكراً لعرض تجربتك والدنيا تجارب حفظك الله وأسعدك ورعاك |
هلا يا غالي الموضوع يعتمد على نوعية التامين وكم تدفع عند حصول حادث اذا كان زيرو يعني ما لهم حق يطالبون بشئ لكن سكست عموما شركة سيئة في التامين ومشاكلها كثيرة مع العملاء التصرف الصحيح كان بعد رجوعك من المشوار وايقاف السيارة عند الفندق تتصل بالشرطة وتطلب منهم تقرير بحادث حصل والسيارة واقفة وبالتالي عند تسليم السيارة تسلمهم تقرير الشرطة لغرض اصلاح السيارة ويكون معاك نسخة من تقرير الحادث على الجوال الان هم يطالبونك لعدم وجود تقرير شرطة لذا لابد ترجع تقرا بنود العقد و ياليت ترفق الملفين كمرفقات بمشاركتك القادمة وليس صورة عشان نساعدك |
عليكم السلام الله يعوضك خير مشكلتك انك ما بلغت الشرطة وبما أنه ما عندك تقرير من الشرطة التأمين ما يشملك هذا هو النظام المتعارف عليه |
اقتباس:
فعلا سكست مستحيل استاجر منهم مره ثانيه تعامل زفت وتأخير ... الحسنه الوحيده احيانا سعرهم ارخص من الشركه المنافسه لكن دامهم حراميه ادفعها بموافقتي افضل للشركه الثانيه |
1 مرفق اقتباس:
لكن الاوراق اللي جتني يبون فيها تفاصيل الحادث وهذي هي ارفقتها |
اقتباس:
|
ماقول الا الله يكون بعونك ض |
الله يكون بعونك |
اقتباس:
بسيطة الورقة فقط تعبيها وهي معروفة لشركات التامين احسن تقفل الفيزا وتسحب كل فلوسك من البطاقة وتغير حتى لا يخصم اي مبلغ من طرفهم دام عند تامين شامل امورك في السليم انا بالعادة اسحب على شركات التاجير اذا كان خصموا اي مبلغ اروح افتح بلاغ للبنك ويرجع المبلغ بعد ٦٠ يوم |
سيكست للأسف سمعتهم سيئة , وانت أخطيت إنك ما كلمت الشرطة مباشره واخذت تقرير. اللي عليك تعبي الابليكيشن وترسله لهم. وتتابع معهم ونصيحة لا تكلم الموظفين العرب ابعد عنهم .. لان الاغلب نصابين . أنا حصلي موقف معهم بعد ما سلمت السياره كلمتهم عشان يرجعون فلوس الفيزا لانهم كانو مسوين بلوك على مبلغ يساوي مبلغ إيجار السيارة حوالي 5500 ريال . قالي الموظف بعد ما نشيك ونتأكد من سلامة السيارة ترجع لك الفلوس خلال 3 أيام من تسليم السيارة . المهم اليوم الثاني ارسلوا لي رسالة بالايميل فيها تقرير إن السيارة من الأسفل فيها بعض التلف ولازم يخصمون مبلغ حوالي 300يورو . رديت مباشرة على الرسالة وذكرت لهم أنا متأكد إن السيارة سلمتها نظيفة ولايوجد فيها أي تلف . وكلمت المكتب وطلبت المدير وعلمته إن السيارة سليمه ولا فيها شي قالي أنا بتأكد من السيارة. بعد 3 أيام جاتني رسالة على جوالي إسترجاع المبلغ كامل ورسالة على الايميل أيضا" وفيها إعتذار عن اللي صار منهم . |
قد يكون هناك إختلاف من فرع لآخر أنا غالبا أستأجر من شركة سكست ، وأغلبها من مطار ميونخ ، وكان تعاملهم محترم ولكن في آخر مرة في مطار فرانكفورت صادفني موقف أحسست أنهم أستغلوني فيه السيارة المتوفرة حسب حجزي كانت فولكس واجن طوارق كنت متخوفا من موضوع الحقائب في سيارة الطوارق . وبعد محاولات بإعادة ترتيبها في صندوق السيارة لم يستوعبها المكان رجعت وبدلت السيارة من المكتب وما لقيت غير فورد جالاكسي 7 راكب . المهم شالت الشنط بترتيب معين ملاحظة : أخبرني مكتب تأجير السيارات أنهم لا يأجرون السيارات 7 راكب إذا كان مكان التسليم مختلفا ولكن في حالتي إضطروا للقبول بذلك حيث أني سأسلمها في مطار هامبورج ، وأنا مضطر وأريد أخلص وأمشي أيضا سألتهم هل سيكون سعر الإيجار مختلفا قالوا لا لأنها السيارات 7 راكب يرتفع سعرها في موسم السفر ، فرددت عليهم أنها فئة أقل درجة فهي من فئة الميني فان وأنا حجزي SUV ، قالوا المهم أنها سبعة راكب ، ولكننا سنأجرها لك بنفس السعر ، يعني هل ممكن يكون سعرها أغلا تقريبا إستغلوا الفرصة ودفعوني أكثر حوالي 1500 درهم ، وأنا ما أريد أدخل في جدال معهم لأني معي أطفال مرهقين وأريد أوصل بادن بادن قبل ما تغيب الشمس مع أني أذكر وقت الحجز كانت أسعار الميني فان لنفس المدة أقل ، وبعد العودة شيكت ولقيتها أقل أيضا |
حصل معي نفس السالفه في 2016 ،،، عطوني سياره قالو لي عبيها ديزل وطلعت بالاخير بنزين لما عبيتها ديزل وخربت ،، انا وضعي احسن منك البنك حقي سوا Upgrade للفيزا حقتي فالتغت الاولى ،، ولا قدروا يسحبون ولا ريال ،،، كلموني يمكن 4 مرات لما رجعت للرياض ،، وقالوا ادفع ،، قلت منب دافع شي اذا الخطأ من عندكم ،، قال مو من عندنا وموظفنا قال ما قال هالكلام قلت اجل انا منب دافع توكلوا بس ،، وفعلا الى الان مادفعت ولا عندي اي مشكلة ضميرية ،، مرتاح لانهم كذابين نصابين ،،، حاول تلغي بطاقتك بس واسحب عليهم ،،، شغل بلطجه ،، يازين امريكا انكسرت قزاز سيارتي وانا موقف من سكران ،،، وديتها لهم ولا حتى خلوني انتظر خذ الثانيه وامش ومره ثانيه ،،، الكفر انفقع ،، جابو سطحه من عندهم وشالوها وودوني المطار خذيت الثانيه وببلاش!! ياناس الامريكان في خدمة العملاء ما يعلى عليهم ابد ابد |
الحمدلله على السلامه ومعوض خير |
| الساعة الآن 10:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO