|
اماكن ترفيهه بكولن المانيا؟؟ سلام عليكم ورحمه وبركاته عساكم بخير ان شاءالله وبصحه وعافيه يارب انا الحمدلله وصلت الاربعاء على كولن واليومين هذا مواعيد مستشفيات وتعب والحمدالله عندي طلب اذا تكرمتو :yolks00290: بغيت اماكن ترفيهه ومنتزهات قبل ما ابتديي العمليه لان ورا باجر بيقرر الدكتور موعد العمليه والله يسهل عليا يارب ياريت بس لو تكتبون لي على اماكن قريبه مب بعيده خلال هاليومين او يمكن ايام لين ما يقرر اي يوم ابا استانس فيهم قبل ما انحبس بالمستشفى هههه الحمدللله على كل حال دعواتكم لي يارب يسهل ويسر امورنا كلنا ان شاءالله |
رد: اماكن ترفيهه بكولن المانيا؟؟ الحمد على سلامتك، وأسأل الله أن يجمع لك بين الصحة والأجر. أنصحك بزيارة وسط المدينة، حيث الكاتدرائية الشهيرة، والأسواق الممتعة. كذلك هناك رحلات تجول بالقارب في نهر الراين. |
رد: اماكن ترفيهه بكولن المانيا؟؟ ما تشوفين شر اختي ام جمعه عندج متحف الكاكاو + الداون تاون صوب الكنيسة الكبيرة اسواق و كوفيهات .... و لاتنسين جولات بالقارب في النهر .... عندي اماكن ثانية بس ما ادري اذا تحبين تزورينها .... |
رد: اماكن ترفيهه بكولن المانيا؟؟ هلا فيكم مشرفنا سعود ماتقصر تسلم ان شاءالله نزور هالاماكن وعزيزتي سو سو تسلمين غناتي اكتبي هالاماكن نشووف اذا قدرت نروح له ان شاءالله مب مشكله على حسب الايام اللي يقرر فيها الدكتور يمكن نحصل مجال نروح له عجبتني فكره القارب اشكركم على سرعه الرد |
رد: اماكن ترفيهه بكولن المانيا؟؟ . |
رد: اماكن ترفيهه بكولن المانيا؟؟ السلام عليكم ورحمه الله وبركاته شحالكم عساكم بخير يارب فاااني قيررررل تسلمين غناتي مب مشكله كتبت لكم اليوم عشان تتدعون لي الله يسهل عليا عمليتي بتاريخ 4-5 بعد اسبوعين تقريبا طبعاا ياخرون الواحد لين ما ايي دوره وتعبت وانا اترياهم وانتظر فحوصاتهم اتمنى من الاخوات والاخوان يدعون لي الله يسهل عليا يارب لان العمليه على ثلاث مراحل اول عمليه تكون الاصعب وبعدها يصير خير دعواتكم لي لاني وايد خايفه ومرتبكه ان شاءالله خير يارب |
رد: اماكن ترفيهه بكولن المانيا؟؟ اللّهم رب الناس اذهب البأس واشف أنت الشافي لا شفاء إلا شفاؤك شفاء لا يغادر سقما ربي يشفيك و يعافيك يا اختي ام جمعه و طهور إن شاء الله |
رد: اماكن ترفيهه بكولن المانيا؟؟ . |
رد: اماكن ترفيهه بكولن المانيا؟؟ سلا م عليكم ورحمه الله وبركاته شحالكم عساكم بخير يارب فااني قيرل اشتقت لسوالفج عزيزتي انا سويت العمليه المرحله الاولى من العمليه هو تغير مجرى القولون مؤقت لمده 4 شهور وبتم بالمانيا تقريبا بكمل شهرين واحتمال ارجع رمضان والله مليت وتعبت واتمنى ارجع البلاد وللعائلتي وشهر 8 برجع المانيا عشان اسو العمليه الثانيه وترجيع القولون لمكانه الطبيعي واتمنى من الاخووواااان الكرام يساعدوني في ايجاد شقق كبيره او فلل للايجار اليومي بس قريب منه المطاعم والاسواق بصراحه صح هني عرب وبالاصح خليجين لكن يوم حد يقول هم ساكنين في مكان كبير وجي يوم ريلي يسالهم يقولون مانعرف العنوان عسب نوصف يعني مايبا يقول هههه وملينا بصراحه وباقي الاخوان اللي ساعدوني في كتابه ارقام ناس بالمانيا للاسف والله نتصل فيهم ومايردون انا يالسه بشقه بس مب مرتاحه فيها اتمنى شقه كبيره او فيلا زينه وسعر مناسب وقريبه من المستشفى الجامعي كولن اللي يقدر يساعدني جزاه الله خير واللي مايعر ف دعووووه حلوة وطيبه منه تكفي وله الاجر والثواب عند الله جزاكم الله خير ماتقصرون اخواني سامحوني انا فضفضت وطلعت اللي بقلبي لاني بصراحه تعبت في الغربه اختكم ام يمعه |
رد: اماكن ترفيهه بكولن المانيا؟؟ الف لا باس عليك يا م جمعه وما تشوفي شر و اسال الله لكي الشفاء العاجل بخصوص الشقق انا انصحك بموقعين فيه اغلب الشقق النظيفة وان شالله راح تلاقي فيه طلبك الموقع الاول Book holiday houses, holiday homes & apartments online | Interhome طريقة الحجز http://www.arabtrvl.com/vb/t6331.html الموقع الثاني https://www.airbnb.com/ طريقة الحجز http://www.arabtrvl.com/vb/t6290.html |
| الساعة الآن 03:35 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO