|
هل أحد سافر لميونخ قريب السلام عليكم ورحمة الله دائمآ المنتدى متألق و أعضاءه و مشرفية متألقين… حبيت أسأل ان كان هناك من الاعضاء من نزل على ميونخ في هذة الفترة كيف الاجراءات ،،، وايش تجربته في الانترنت هل فعل التجوال ام اشتراك شريحة الكترونية ام شراء شريحة من المطار! وكمان اجراءات استلام السيارة المستأجرة كيف كان! سهولته في الوقت وايش طلبو من طلبات وقت استلام السيارة فرصة طيبة لنقل التجربة الشخصية لنا للاستفادة وترتيب وقتنا جميعآ واتمنى اجازة سعيدة للجميع،،، |
وعليكم السلام ورحمة الله وبركاته اجراءات الدخول في مطار ميونخ جدا ممتازه سألني عن حجوزات الفنادق و الطيران وكم الميزانيه بكل ادب و ترحيب واستلمت الشنط و دقايق وانا عند مكتب التاجير انا مكاتب السيارات اذا كنت تحتاج سيارة اكثر من خمسه ركاب فصعب ولازم تحجز من قبلها بشهر اما السيارات اللي من خمسه ركاب واقل متوفره بشكل كبير اخذت سيارة من انتربرايس بالرخصة السعوديه فقط وطبعا لازم بطاقة فيزا فيها مبلغ السياره وازود شوي فعلت الشريحه السعوديه بالتجوال الدولي بس لما تخرج من المانيا يجيك طلب تفعيل ثاني شريحتهم اغلى بس احسن والله اعلم |
حياك الله اخي العزيز والف شكر على اجاباتك المفيدة حقيقه مره ممتاز دخولكم ماشاءالله وبالنسبه للسيارة،،، انا عندي حجز وكان يهمني الاجراءات كم تاخذ وهل طلبو فيزا ثانيه وكذا الانترنت جالس افكر اني اخذ شريحة من المانيا واذا طلعت للنمسا اخذ نمساوية. او ممكن احصل شركة تشتغل في كذا دولة |
اقتباس:
|
هلا حياك الله بالنسبه للسيارة لازم تحجز خصوصا والان وقت صيف وسفر يمكن اذا رحت بدون حجز ماتلاقي سيارة .. الفيزا لازم ماتكون مسبقة الدفع عشان ماتتورط .. الإجراءات سهله يمكن يسألك او لا بس إذا سألك راح يسأل عن المده والحجوزات وكم معك من مبلغ اسئلة روتينيه ... طلع لك شريحة وحده تشتغل في كل الاماكن اللي بتروح لها سفره سعيدة |
الله يسعدكم على الاضافات بالنسبة لحجز السياره. اي نعم الحمد لله عندي حجز وكلمتهم كذا مره عشان اتطمن ان حجزي موكد وهذه نصيحه للجميع…. وكذالك الاتصال على الفنادق الي حاجز فيها،، لان حصل لي شيء وشكرت الله اني اتصلت. قالت لي الموظفه حجزك موكد في بوكنق بس عندنا معلق!! لان سبق حاولوا يشيكو على البطاقة المحجوز بها وماعرف اش صار و المهم سويت تحديث على حسابي في بوكنق ومشت الامور ف من المهم التشيك قبل السفر على كل الحجوزات…. والله ييسر للجميع ولكن شركات تاجير السيارات هل يطلبون فيزا ائتمانيه ثانيه؟ سمعت ان بعضهم يطلب فيزا الحجز و فيزا ثانيه وبالنسبه للانترنت والله باقي محتار… فكرةً الالكترونية جيدة بس التفعيل والاستخدام اخاف ماتضبطً معي والله ييسر لنا جميعا كل خير |
| الساعة الآن 05:35 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO