|
مخطط رحلتي وحيرتي فيه السلام عليكم ورحمة الله وبركاته يعطيكم العافيه جميعا اذا ممكن حد يفيدني بخط سير رحلتي علما بأني حجزت الفنادق من زمان وحاليا اغلب الاماكن غير متوفر فيها حجوزات بالفنادق الي حاجزها انا وصول ميونخ يوم 26 اغسطس الظهر واستلام السياره والتوجه الى كابرون 5 ليال ثم الى قرية هايدي (مانفلد) ليله واحده لزيارة بيت هايدي ومحطة راحه بين كابرون وانترلاكن انترلاكن ليلتين 1-3 سبتمبر بعدها الى بول (bulle) للقرب من جنيف ،،، الفكرة تعبت واحترت بمكان مناسب كسعر وموقع لجنيف لان عارفين اسعار جنيف كيف :(41): يوم 5-8 رست لزيارة يوربارك 8-11 فريدرشهفن ،، بصراحه كنت محتار بالمكان ولا اعرفه ولا شفت عنه تقارير لكن الفكره بأني حجزت في ميونخ بتاريخ 11 ومن 8-11 مش عارف وين اروح بحيث يكون منتصف المسافه بين رست وميونخ بتاريخ 11-16 في ميونخ بغيت رايكم فيه خصوصا بأني احس مابقدر اغير التواريخ خصوصا الفنادق الي حجزتها تعتبر ممتازه وباسعار مناسبه لاني حاجزها من شهر 2 فقط المكان الي ممكن ابدله هو فريدرشهفن :(155): شاكر لكم جميعا |
رد: مخطط رحلتي وحيرتي فيه وعليكم السلام ورحمة الله اهلا بك عزيزي الغالي اول شي فريدرشهفن ما عرفتها اذا ممكن تكتبها بالانجليزي لان مافي مدينه بها الاسم ثاني شي حرام عليك تقطع مسافة بين كابورن الي ماينفلد ومن ثم الي انترلاكن عشان يومين اذا تقدر تضيف الثلاثة ايام اللي محتار فيها الي انترلاكن لان تكفيها خمس ايام انتظر ردك |
رد: مخطط رحلتي وحيرتي فيه يعطيك العافيه عزيزي هذا اسمها friedrichshafen تقع على بحيره المشكلة وانا اخوك اني شاورت معارفي الي زاروا المناطق قبل ومنهم الوالد ف الاغلبيه قالوا زيلامسي وانترلاكن تقريبا متشابهين وكانت وجهة نظرهم اشطب انترلاكن واخليها لسفره قادمه مع فرنسا مثلا بس انا قلت المده طويله وعندي مجال اروح وكذا ف حطيت لسويسرا ٥ ايام تقريبا السبب الثاني ان كان تفكيري ان المانيا تاخذ نصيب الاسد عشان الفيزا بطلعها من الالمانيه ومابي تطلع ايام زياده هني او هناك طبعا الان ودي صحيح ازيد انترلاكن بس المشكلة فندق رست الي حجزته السعر متضاعف ولا ابي اغيره وفندق ميونخ برضو انسب سعر بحكم ان وقتي بيكون مهرجان البير والاسعار مرتفعه ادري صدعت براسك بس مالنا بد من خبراتكم فكرت اروح بادن بادن بدل فردرشهفن بس حسيتها قريب رست ومابتفرق |
رد: مخطط رحلتي وحيرتي فيه قصدك فريديرشافين تقع الجهة الشرقية من بحيرة كونستانس وتبعد عن مدينة كونستانس الالمانيه تقريبا ساعه تفصل بينهم البحيرة على الحدود السويسرية وهذا رابط راح يفيدك ان شالله http://www.tripadvisor.com.eg/Attrac...rttemberg.html وايضاً ابحث في قوقل عن فريديرشافين و بحيرة كونستانس وراح تلاقي اللي يسرك ان شالله واي سؤال تحتاجة ابشر يا غالي |
رد: مخطط رحلتي وحيرتي فيه يعطيك العافيه اخوي عزام انا اطلعت قبل على المنطقه بس ماشفت احد زارها ف محتار فيها اغيرها او اخليها ؟ |
رد: مخطط رحلتي وحيرتي فيه طيب بمكانك تخلي لها يوم للراحة فقط واكتشافها وتزور كونستانس وتضيف اليومين الثانيه الي قارمش المسافه بينهم تقريبا ساعتان وربع وتقدر من قارمش تزور أنسبروك ويوم تخلية قارمش يعني من 8 الي 9 فريديرشافين ومن 9 الي 11 قارمش ايش رايك ؟ |
رد: مخطط رحلتي وحيرتي فيه والله مش بطاله بس لو تلاحظ واجد فنادق وتنقلات ف لو سالتك اروح من رست الى قارمش وثم الى ميونخ على طول او اسوي زي ماقلت يوم على البحيره ويومين قارمش؟؟ |
رد: مخطط رحلتي وحيرتي فيه المشكله يا غالي ان عندك ثلاث ايام ولا تقدر تعدل في الفنادق يمكن هذا الخيار الانسب لك عشان تكتش مناطق اكثرر |
رد: مخطط رحلتي وحيرتي فيه يعطيكم العافيه رجعت لكم من جديد =) موعدي بعد كم يوم في السفاره وابي قرار نهائي بالنسبة للفتره 8 الى 11 3 ليالي ,, جلست احسب المسافات وكذا شفت اني حاب اقضيها كلها بمكان واحد صعبه شيل الشنط وحط الشنط وكذا ف عقدت العزم على 3 خيارات وابي مساعدتكم جزاكم الله خير 1- فريديرشيفن 2- شتوتغارت 3- جارمش اي المناطق استقر فيها ,,, للراحه والاستجمام وشوية فعاليات عشان مانمل القصد مايحتاج تسوق واهم شي الاكل الحلال فيها سهل |
رد: مخطط رحلتي وحيرتي فيه خيار غارمش افضل واحسن ووكل الله السبب لقربها من النمسا بحدود ساعه مثل تيرول و انسبروك وغيرها يعني تخصص يوم لـ غارمش و الايام الثانيه للقرى القريبه منها |
| الساعة الآن 09:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO