|
اريد المساعدة في تنظيم رحلتي ... السلام عليكم ورحمة الله وبركاته لو سمحتوا ساعدوني في ترتيب رحلتي ... انا طلبت المساعدة قبل اسبوع ولكن حدث تغيير في عدد الايام... المسافرون زوجي وانا وطفل 8 سنوات وطفل سنة عدد الايام 15 يوم ..من يوم 24 مارس الى يوم 8 ابريل الوصول فيينا والعودة من فرانكفورت اريد جدول مرتب ومناسب مع العلم اننا لدينا اقارب في فيينا فلابد من زيارتها ونريد ايضا رؤية كابرون وزيلامسي ونريد زيارة انترلاكن وميونخ والعاب ملاهي ومدن في ألمانيا طريقة الانتقال بالمواصلات داخل المدن الكبيرة واستأجار سيارة في المدن الصغيره من اين استطيع تاجير سيارة ومن اين استطيع الحصول على بطاقة المناطق السياحية والمواصلات واقتراحاتكم للفنادق اسفه لأسئلتي الكثيرة اتمنى مساعدتي وشكرا مقدما |
شوف الأجواء بتكون باردة وصولك فيينا - فيينا مخدومة بالمترو عندك قصر الشنبرون ومحمية الفراشات مغارة هتلر ممكن تطلعها من قروب بفندقك شارع الكارنتر شتراسي جميل شارع ماريا هيلفر جميل برج الدانوب وعندك حديقة شتادت بارك ملاهي براتر |
سالسزبورق تطلع لها بالقطار من فيينا أظن بحدود 3 ساعات وأختار القطار المباشر تقدر تحجز التذاكر من النت وتقدر تحجزهم من المحطة وأنصحك تحجزهم بأرقام مقاعد عشان تضمن مقعدك ولاحظ انك بتشيل الشنط داخل القطار سالسبورق ومخدومة بالباصات أنصحك بفندق رمادا -- ملاصق لمحطة القطار تطلع من القطار على طول الفندق على يمينك سالسبورق جميلة جدا وقريبة من ميونخ بالقطار تقريبا ساعة ونص سالسبورق يمكنك زيارة : 1- قصر الهلبرون وألعابه الفنتازية المائية الجميلة 2- حديقة الحيوانات 3- بيت موزارت 4- رحلة بالكروز بنهر السلزاك 5- المدينة القديمة وسوقها ومطاعمها - المطعم الهندي ممتاز جداً 6- وأنصحك تروح بقروب من الفندق رحلة إلى قرية ولف قانق جميلة وأهم نصيحة تروح عند المكتب السياحي قريب من محطة الباصات مكتب الأنفرميشن عندهم بطاقة سالسبورق كارد أشترها لمدة 3 أيام تدخلك أغلب الأماكن السياحية مجاناً والباصات مجاناً http://www.salzburg.info/en/sights/salzburg_card |
زيلامسي من سالسبورق إلى زيلامسي بالقطار ساعة وحدة طبعاً أقرب فندق للبحيرة هناك هو فندق قراند زيلامسي - بصراحة أنا سكنته مرتين الفندق عادي جداً بس أن موقعه يشفع له -- وكله خليجيين بس فترت سفرك الله أعلم تطلع بالباص إلى كابرون مشوار أبو نص ساعة وأنت واصل كابرون قمة جبل شمتن وفيه زيلامسي بعد الزحليقة الصيفية بس مدري إذا مفتوحة - بمنطقة سلفدين وفي سنتر زيلامسي مطاعم ومقاهي وسوبر ماركت بيلا لا تشتري من غيرها لأن أسعارهم مبالغ فيه خصوصا الأتراك وفي شلال تون كلام شلال كريميل وفي مكتب انفرميشن بالسنتر سياحي يقدم لم خيارات أماكن وفي قارب كهربائي في البحيرة ممكن تستأجره بطاقة المواصلات بالباص بعض الفنادق تقدمها بشكل مجاني وفي شقق في كابرون للي عنده سيارة يسكن فيها |
ميونخ : الحديقة الأولمبية جميلة جداُ ولا تروح الحديقة الأنقليزية مجمع ريم اركدان وعندك ملعب بايرن ميونخ وشارع التسوق مارين بلاتز وكارل بلتز بصراحة ميونخ ما عجبتني - نقطة ترانزيت ممكن وترا باللغة الالمانية ميونخ اسمها ( منشن ) :) ------------------ انترلكن بعيدة عليك أنا من وجهة نظري ( اللي يروح النمسا يروح معها ألمانيا ) -- (واللي يروح فرنسا يروح معها سويسرا ) وبالتوفيق |
وعليكم السلام ورحمة الله وبركاته ماشاءالله ماقصر مشرفنا النمسا الله يجزاه خير ومعاه بخصوص انترلاكن بعيدة وتعب وعندكم 15 ليلة فيينا 3 ليالي ( استخدام المترو في فيينا ) سالزبورغ 3 ليالي ( الوصول لها من فيينا بالقطار وتأجير سيارة من مدينة فريسلانق الألمانية ) وأستخدام السيارة لباقي المدن وتسليمها بمطار فرانكفورت زيلامسي ليلتين بس علشان الخاطر ولا أنها الفعاليات مسكرة وماتفتح إلا 15 مايو والحجز بأحد الفنادق المطلة بالبحيرة ميونيخ ليلتين 3 ليالي بادن بادن وزيارة منها أكبر مدينة ألعاب يوروبا بارك وأخر ليلتين فرانكفورت وإن شاءالله ننتظر باقي الخبراء بالإنتهاء من الجدول ونفيد بالفنادق إن شاءالله ورحلة موفقة بإذن الله |
وعليكم السلام ورحمة الله وبركاته خبيرنا ومشرفنا النمسا وخبيرتنا ومراقبتنا هدوء كفوا و وفوا لكن بما ان السفر رغبة للشخص بعطيكي جدول حسب رغبتك (قد يكون متعب شوي) ولكن السفر قطعة من العذاب الممتع فيينا (3 ليالي) سالزبورغ (4 ليالي) يومين بالباص والترام ويومين بالسيارة (التأجير من فريلاسنج الالمانية) وزيارة يوم زيلامسي وكابرون و يوم شلالات كريمل (الزحليقة في سالفالدين مقفلة في وقتكم) انترلاكن (4 ليالي) من سالزبورغ صباحا بالسيارة الى ماينفيلد (قرية هايدي) للتوقف والاستراحة ثم اكمال الطريق الى انترلاكن جدول انترلاكن نعتمده لاحقا فرايبورغ ( 3 ليالي) يوم العاب يوروبا بارك يوم زيارة ستراسبورغ و كولمار يوم شلالات الراين فرانكفورت (ليلة) المبيت والعودة باذن الله والله يسهل اموركم |
اقتباس:
|
| الساعة الآن 04:22 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO