|
احتاج رايكم في جدول سفرنا ... السلام عليكم ياغالين .. وكل عام وانتم بخير بقرب شهر رمضان بلغنا الله اياه واياكم .. حبيت اخذ رايكم بجدولنا لسفر للنمسا .. قررنا الوصول لفينا و العوده من ميونخ الجدول 12 يوم موزعه بتساوي بين فينا 4 ايام سالزبورغ 4 زيلامسي 4 بعد بحث حسيت ان هالمدن تختصر النمسا ..وحاولت اجمع بين الحضاره والطبيعه وشرايكم ...وكمان ماابغى تنقلات كثيرة تتعب وتحرمنا المتعه ... اما بخصوص حجز التذاكر والفنادق ..راح يتم بعد استخراج التاشيره ونعتمد على شركه سياحيه لانها اول سفرة ..ترتب لنا كل شيء بس استفسار ..التاشيره نستخرجها من جده ..وبعد مانوصل ميونخ ايش هي باقي اجراءات التاشيرة... الله يسعدكم ويجزاكم الف خير ... |
وعليكم السلام ورحمة الله وبركاته اللهم أمين نسأل الله العظيم أن يبلغنا رمضان ويبارك لنا فيه وأن يوفقنا للعمل الصالح فيه .. ويجعلنا ممن قام رمضان وليلة القدر إيمانا واحتسابا وماشاءالله جدول ممتاز بس موجوده ميونيخ بالجدول ويكون 3 ليالي فيينا 3 ليالي سالزبورغ 4 ليالي زيلامسي ليلتين ميونيخ بس ملاحظة رخصة القيادة ممنوعة في النمسا لأخواننا السعوديين حابين تستخدمون المواصلات العامة خصوصا في زيلامسي وسالزبورغ ؟ وعن الفيزا بهذي البوابة إن شاءالله تكون الإجابة بوابة فيزا شنغن - شبكة و منتديات العرب المسافرون وموضوع متطلبات ونماذج فيزا شنغن http://www.arabtrvl.com/vb/t5780.html رحلة موفقة بإذن الله |
وعليكم السلام جُدُولكم ممتاز بس في ظل عدم السماح للقياده ف النمسا لا ارشحها لكم نص المتعة في السفر لاوروبا ايجار السياره هل تم حجز الطيران ؟ مايحتاج لمكتب سياحي |
باقي والله ماحجزنا ..لان باقي ماطلعنا التاشيرة ..ومافيه مجال نروح جده غير رمضان ..وان شاءالله تتسهل |
متى ان شاء الله مخططين للسفر اذا شهر يوليو و اغسطس لازم تبدأي حجوزاتك من أمس اهم شي السكن واحجزيه فابل للأسترجاع من المخطط تأشيرتكم لازم تكون من النمسا لأنها أكثر اقامة بالنسبة للطيران عندك خيارين الوصول فيينا والعودة ميونخ او العكس ونفس نقطة المواصلات العامة في النمسا (خصوصا زيلامسي وما حولها) وهذا يعتمد كمان على عددكم |
ايوة سفرنا بيكون نهايه يوليو خوفتني:8: بالنسبه لتاخير ...وش نسوي زوجي ماعنده اجازة الا في رمضان.. ان شاءالله تتسهل... اما بالنسبه للموصلات ..بنعتمد على التاكسي والقطار وش رايكم..لانه انا وزوجي بس.. |
ما دام انكم اثنين كبار ان شاء الله تتسهل اموركم جدولكم مريح بس ابداي حجز الفنادق والطيران لانك راح تحتاجيها عند التقديم عالتاشيرة السيارة افضل في زيلامسي لان ما فيها الا تاكسي وباصات وعشان كدة فندق زيلامسي الافضل يكون بالسنتر اسهل واريح لكم |
و عليكم السلام الجدول مثل ما قالت أختنا هدوء و التنقلات بالباص و القطار الفنادق لازم تحجزينهم لأَنِّي شيكت أمس و لقيتهم تقريبا كلهم فل و الأسعار ناااااااار و اللي فيهم بطاقة زيلامسي المجانيه مخلصين احجزي الفنادق قبل ما تطلع التاشيرة بس يكون الالغاء مجاني بالتوفيق |
| الساعة الآن 12:06 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO