|
للتكرم بافادتي عن مدن النمس السلام عليكم ورحمة الله ووبركاته ،،، ارغب بالسفر الى النمسا مع العلم بان السنة الماضية ذهبت للنمسا لمدة تسع ايام وزرت فيينا وسالزبورغ وزيلامسي فقط وهذة السنة باذن الله سوف اذهب لمدة 15 يوم ورغبتي ان اضيف بعض المدن تكون قريبة وجميلة المدن الذي ارغب بزيارتها هذة السنة زيلامسي وميونخ ( اول مره ازور ميونخ ) وشنو المناطق اللي برايكم حلوة اضيفها على البرنامج ( عائلية ) وسوال اخير في حفل اسنه فرست اكتوبر لكن الحفل يبتدي قبل فرست اكتوبر حد يعرف متدى تبتدي احتفالاتهم |
بيرتساو و الشمال الايطالي |
وعليكم السلام ورحمة الله وبركاته نفس ماتفضلت مشرفتنا وهذا موضوع عن المدينة http://www.arabtrvl.com/vb/t5811.html رحلة موفقة بإذن الله |
اشكرك اخت منيرة باْذن الله داخله بالجدول منطقة بيرتساو هدوء العالم اشكرج على الرابط وفيه معلومات حلوة بس بس احصل كمبيوتر باطبع منه الخرائط والإحداثيات شغل متعوب علية وان شاء الله حد يفيدني بالسؤال الثاني عن احتفالات البڤاريا |
بيرتساو لاانصح ويكتفي زيارتها عندكم زيلامسي تغني عنها وهناك غيرها من البحيرات الجميله مثل traunsee وغيرها ياعمي النمسا كلها حلوه عندك انسبروك سيفيلد عندك رامساو داتشستين عندك Liezen عندك شلادمينغ والكثير خلك من بيرتساو ممكن تضيفون الشمال الايطالي مثل كورتينا ممكن ايضا قارمش او فوسن بالنسبه للمهرجان في الغالب يبدأ قبل أكتوبر من ٢١ سبتمبر لغاية ٦ أكتوبر وأي استفسار لاتتردت في طرحه حتى لو ع الرسايل الخاصة لعدم دخولي المنتدى بكثره |
بالنسبة لاحتفالات اكتوبرفيست في المانيا أعتقد لازم تقرا عنها أكثر اذا كان معاك عائلة لازم تبعد عنها و هم يشربون خلالها البيرة بشكل غير معقول |
مهرجانات الالمان و يوم المباريات في ميونخ يشربون شرب و يختلقون مشاكل بالنسبة لبيرتساو اهدى من ضجة زيلامسي |
اخ درجة سياحية ماشاء الله عليك منيرة وآخر فرصة اشكركم عالتواصل وبخصوص الحفل انا استانست لان في ملاهي.ومحلات حلوة كانت موجودة بس للمهرجان لكن ماشفت منهم اي اذى وسكنت بسالزبورغ وهناك عرفت عن الحفل بيض الله وجهكم اعتقد ان اللي ابيه وصل |
اللي بميونخ اغلب احتفالاتهم فيها مشاكل سفرة سعيدة |
سوْال إضافي ابي اتعبكم ههههههه ايش رايك بخط السير هذا مع العلم ان اربع مناطق منهم مازرتها فيينا سالزبورغ ميونخ قارمش أنسبروك بيرتساو زيلامسي فيينا لاني شفت خريطة باسم خالد الشمري مسويها ماقصر وشفت ان هالمناطق جايه ورى بعض هل تنصحوني او اغير |
لابأس فيه بس ارشح لكم بدال قارمش و انسبروك السكن في فوسن او شوانجاو وتزور هذي وهذيك قبل مانتطرق اكثر كم عدد الأيام والذهاب والعوده هل تم حجز طيرانها؟ |
ما شاء الله ما قصروا الأعضاء بالردود انا ارشحلك فيينا سالزبورغ زيلامسي تيرول غارميش ميونخ و تقدر تختار مدينه بين زيلامسي و سالزبورغ بما انك زرتهم قبل |
درجة سياحية وهاوية الأسفار المشكلة لما حد يطلعلي منطقة جديدة أضيع وأتم ابحث عنها كم يوم واخوي درجة سياحية انا ماحجزت ان شاء الله السفر الشهر الجاي تاريخ ٢٨ ولمدة ١٦ او ١٧ يوم شفت برنامجي بالغي ميونخ احسب ان يورو بارك هناك بدل ميونخ باروح من سالزبورغ على طول يوروب بارك ثم قارمش لانها اقرب منطقة ثم المناطق اللي عقبها لانها متسلسلة وقريبة التعب بيكون لين اروح الملاهي ولين اطلع منها وماشاء الله تفاعلكم فرحني والله |
ممكن تشوف الخارطة بنفسك و تحدد المناطق بالتسلسل Google maps و بعدها تقدر تختار المناطق على حسب المده الزمنية بين كل منطقه و ان شاء الله ما راح تتشتت |
اقتباس:
|
اقتباس:
اشكرك يالغالي عالتواصل والسموحة تعبتك معاي والله يسلمك ماحجزت تذاكرة وان شاء الله السفر الشهر الجاي تاريخ ٢٨ ولمدة ١٦ او ١٧ يوم وودي بهذا البرنامج اذا اتشوف في شي احسن او اغيره اذكرلي المنطقة وجمبها المنطقة اللي بتكون مكانها من وجهه نظرك والوجهه [ فيينا - سالزبورغ - يوروب بارك - قارمش - انسبروك - بيرتساو - زيلامسي - فيينا ] شنو المنطقة اللي بوجهه نظرك ابدلها وليش وبابحث عنها |
١٧ يوم وصول فيينا يومين أخذ قطار الي سالزبورج من نفس المحطة أخذ تكسي الي فريلاسنق واستلام السياره الذهاب مباشره الى كابرون اربع ايام سيفيلد ( مرتفعه وريف جميل جدا ) ثلاث ليالي اثناء الذهاب لها من كابرون أزور شلالات الكريمل يوم أزور بيرتساو و وادي زيلرتال يوم أزور قمة قارمش و فوسن لوسيرن ( غنيه عن التعريف ) يومين اثناء الذهاب لها امر على البيت المقلوب و اوت لت landquart اليوم الثاني ممكن تخصصه لزيارة بحيرة انترلاكن وبحيرة سارنرسي الذهاب من لوسيرن الي فرايبورغ ام بريسغاو ثلاث ليالي اثناء الذهاب المرور ع شلالات الراين يوم خصصه لزيارة الألعاب يوم خصصه لزيارة triberg وشلال todtnau والزحليقه ميوينخ ثلاث ايام في الطريق زيارة اوت لت متريغن ملاحظه ١/ ممكن تزيد يوم في فرايبورغ لزيارة ستراسبورغ وكولمار وتخلي ميوينخ يومين ٢/ هذا تخطيط على السريع وحولت تقليل النقلات من ٨ مدن الي ٦ مدن واذا تريد ان نتعمق ونخطط اكثر لاتترد في سؤالك هناك مسار اخر وايضاً جميل فيينا يومين بليد سلوفينيا ثلاث ايام الشمال الايطالي ثلاث ايام فوسن ثلاث ايام ( زيارة بيرتساو و انسبروك وسيفيلد ) زيلامسي اربع ايام ( خصص يوم لزيارة سالزبورج ) ميوينخ يومين واذا تبي جدول ثلاث ورابع حدد ميولك فقط وأبشر |
اخوي درجة سياحية اشكرك على طولة البال والبرنامج جدا ممتاز بس باسوي عليه بعض التعديلات بحيث أخر محطتين يوروبارك وانترلاكن سوْال اخير يالغاللي القطار اللي من فيينا كم ساعة لين سالزبورغ وهل يودي لزيلامسي وهل آمن ومريح في حجز التذاكر ومافي زحمة وهل اتعرف كل كم ساعة يتحرك لسالزبورغ |
حياك اخوي في اي وقت القطار بسيط لاتشيل همه من الفندق يعطيك جدول عن الرحلات وقبلها بيوم اطلع للمحطة واحجز على سالزبورغ تقريبا ساعتين القطار مريح وممكن تاخذ درجه افضل اثناء حجزك للتذكره نصيحتي لاتطلع على زيلامسي لان هناك توقف تحس أنها هجوله نفس ماذكرت لك مسبقا اطلع على محطة القطار في سالزبورغ وتحصل تاكسي ياكثرها اطلع على فريلاسنق وأخذ السياره من عندهم المسافه قريبه جدا شوف هذا عنوان المحطة وهذا عنوان فريلاسنق محطة زالتسبورغ المركزية Südtiroler Pl. 1, 5020 Salzburg, النمسا فريلاسنق Münchener Str. 53, 83395 Freilassing, ألمانيا |
اشكر يالغالي على حسن تواصلك وبارك الله فيك والله يكثر من امثالك اخي الفاااضل |
| الساعة الآن 04:43 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO