|
أتمنى المساعدة ..برنامج للنمسا ل10 ايام السلا عليكم بحجز ان شاء الله للنمسا في نص شهر 11 هجري انا وزوجي وطفلين حاولت اجمع معلومات لكن والله مو فاهمه شي طبعا الفنادق والطيران سهله بس احتاج اسماء لاهم الاماكن الي ممكن نزورها طبعا نبغى طبيعه وشلالات وتطور علما بان الاماكن الي نزوره افيينا-سالزربوغ-زيلامسي-كابرون يعني في كل منطقه كم مفروض نجلس وايش افضل واهم الاماكن الي نزورها ؟! وهل ينفع يكون من ضمن البرنامج يومين في باريس او سويسرا ؟! |
فيينا يكفيها 3 ايام تسكنون بماريا هلفر زيلامسي و كابرون هم تقريبا نفس الشي يبعدون عن بعض 10 دقايق عندح في زيلامسي البحيرة و قمة Kitzsteinhorn و قمة Schmittenhِhe و سد كابرون و شلالات كريملير و زحلاقة سالفادين و منها تروحون سالزبورغ و انسبروك و وولف غانغ باريس بعيدة عليك و سويسرا تقريبا نفس الفعاليات ممكن تروحون ميونخ |
وعليكم السلام لازم تحددي الطيران (الوصول والمغادرة) قبل ترتيب الجدول مثلا (فيينا - ميونخ) او (فيينا - جنيف ) او (فيينا - باريس) فيينا (4 ليالي) زيلامسي / كابرون (5 ليالي) منها زيارة سالزبورغ ميونخ (ليلتين) او فيينا (4 ليالي) زيلامسي / كابرون (5 ليالي) منها زيارة سالزبورغ وتختاري سيارة الى جنيف او طيارة جنيف والريف الفرنسي (4 ليالي) او فيينا (4 ليالي) زيلامسي / كابرون (5 ليالي) منها زيارة سالزبورغ وبالطيارة من ميونخ الى باريس باريس 4 ليالي |
يعطيكم العافيه ... طيب فيينا ايش فيها شيء يستحق الزياره واذا فيه اماكن تنفع للاطفال |
قصر الشونبرون وحديقة الحيوان ملاهي براتر برج الدانوب والمطعم الدوار ساحة ستيفنز رحلة نهرية |
سؤال اخير :26: اخذ لبس صيفي تيشرتات وشورتات لعيالي ولا ايش اخذ لبس بالضبط؟! |
11 هجري يعني شهر اغسطس اعتقد هو بالنهار مافي اشكال بس بالليل و بالجبال لا تحتاجون جاكيتات |
| الساعة الآن 04:48 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO