|
جدولي بأكتوبر ،، رأيكم سلام عليكم خططت لرحلة (بالسيارة) انا والمدام في اكتوبر الجدول عبارة عن الوصول الى ميونخ والمبيت فيها ليلة اليوم التالي الى انترلاكن 4 ليالي ثم المغادرة الى تسيل ام سيه والمبيت في كابرون 4 ليالي ثم العودة الى ميونيخ والمبيت فيها ليلتين ثم العودة الى أرض الوطن يعني مدة الرحلة 11 ليلة أبي رأيكم في جدولي وأي إضافات ترونها مع الأخذ في الاعتبار أن موعد السفر في النصف الأول من شهر أكتوبر والتنقل بين المدن بالسيارة دمتم بود :e022: |
كويس وان شاء الله ان يكون سفركم في بدايه أكتوبر بعض الملاحظات ١/ زيلامسي انترلاكن الاكتفاء في وحده فيهم ٢/ اذا وصول بدري افضل لكم التوجه مباشره الى كابرون ٣/ اذا مصمم ع زيارة كابرون وانترلاكن اقترح عليكم المكوث ليلتين في انسبروك وتقليص ليله من كابرون وليله من انترلاكن ٤/ الحرص في السكن ف كابرون على توفر البطاقه ٥/ اقترح عليكم ايستلوالد او جريندلفالد قريبه من انترلاكن |
و عليكم السلام الله يحييك بيننا ماقصر الخبير درجة سياحية اشوف الافضل يكون المسار كالتالي ميونخ - زيلامسي - انترلاكن - ميونخ بين زيلامسي وانترلاكن محطة توقف في سيفلد زيلامسي 3 أيام سيفلد 2 يوم و زيارة قارمش منها انترلاكن 4 يوم ميونخ 2 يوم حجوزات السكن المبكرة ضرورية لكم |
رد: الاخوان : درجة سياحية - آخر فرصة الله يبيض وجيهكم ولا يهون القراء سمعت نصيحة الاخ درجة سياحية وعلى طول نطيت وعدلت الرحلة كالاتي الوصول-ليلة ميونخ-3ليالي تسيل ام سيه ليلتين انسبروك-3ليالي انترلاكن -ليلتين ميونخ بحجوزات مؤكدة وش رأيكم الان بعد التعديل ؟ وهل فيه نصائح ممكن تفوتني؟ |
وهل كثرة التنقل بيضرني ؟ مع العلم ان المسافرين انا وزوجتي فقط واتوقع اننا خفاف وحركين |
بالنسبه للجدول لايختلف اثنان في عالم السياحه ومن لهم خبراء عن جمال سيفيلد او فوسن وجميله جدا للسكن ماراح تندم عليها بس إضافتي لانسبروك كانوع من التغير من ريف الي مدينه وتقدر تزور فوسن من انسبروك وايضاً تقدر تزور أشياء كثيره بس بعد اعتماد حجوزاتك تتطرق لسؤال اخر عن الأماكن السياحيه وان شاء الله تلقى أفاده اكثر بالنسبه للمواصلات سهله جدا ولاتاخذ همها بسيطه فوق ماتتخيل الأهم استئجار سياره فهي نص المتعه او اكثر في سفرك نقاط خذها بعين الاعتبار اذا أخذت سياره ١/ اشتري نفيقيشن او خذ لك شريحة بيانات وخلي التنقل عبر خرائط قوقل ٢/ نزل تطبيق here وحمل خرائط الدول عليه يشتغل معك بدون ماتحتاج نت ٣/ ايجار السيارة احرص ع التأمين الشامل ٤/ اذا بتجلس ليله في ميوينخ خذ السياره من اقرب فرع للفندق وليس من المطار او محطة القطارات ٥/ تسليم السيارة اذا وصلت ميوينخ بعد ماتسغلها في ميوينخ احرص ع ان يكون السكن قريب من مترو لسهولة التنقل وأي استفسار اخر اطرحه لو برساله خاصه علي اذا مالقيت اجابه كافيه او حاب تستفسر عن اي شيء |
و عليكم السلام بالنسبة لشهر أكتوبر اعتقد بيكون بداية الشتاء و انترلاكن حاليا بارده جدا و اختي موجوده هناك و تقول الجو عندهم صقيع يا ريت تنتبه لدرجات الحرارة اذا كان الامر يهمكم بالتوفيق |
اقتباس:
يعطيج ربي العافية مشرفتنا .. انزين و اكتوبر في النمسا بشكل عام و زيلامسي بشكل خاص ؟ هل بعد صقيع شرا انترلاكن ولا برد مقدور عليه |
أكيد الجو بيكون أبرد من الحين بس تقدر تطلع على حالة الطقس و تشوف التوقعات شهر أكتوبر احنا ندور البراد أكيد بنتحمل بس لازم تأخذ احتياطاتكم من الملابس الغليظة و الجاكيتات |
| الساعة الآن 04:58 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO