|
تكفون ساعدوني 🌸 بسم الله الرحمن الرحيم بدخل بالموضوع انا ودي اسافر للنمسا وسويسرا والمانيا بس احنا اربع بنات وطفله والوالد الله يخليه لنا ماعمرنا طلعنا برا ابدا ومافي هذيك اللغه الي مره عندنا المهم فكرت احجز وارتب عن طريق مكتب سياحي وقالي انو تكاليف الرحله كامله (سكن +مواصلات+تذاكر+تاشيرات) تكلف (70الف ) لاكن للحين مارديت خبر علم انو السفر كنت ابغاه لشوال الجاي اذا ربي احيانا ولمدة 16يوم او 20 بس كلمته بدري عشان اعرف الي لي والي علي مره موعارفه شي وبعد عشان انسق مع داومي من بداية السنه الجديده المهم مره كنت اشوف تويتر ولقيت شاب فاتح حساب وتكلمت معه بس صدمني بسعر اقل بكثير قالي مايقارب ال20الف وماصرت عارفه وش اسوي اقتراحاتكم تكفون:10: وش اسوي او شركه افيدوني لاهنتو |
وعليكم السلام الله يحييك بيننا راي المكتب هو الاقرب للصحة لانكم 5 بالغين وطفل فالتذاكر لوحدها ممكن تكلف 20 الف مصروفاتكم اليومية راح تكون حول 30 الف بحساب 2000 ﷼ لليوم اتوقع التكلفة حول 60 الف ريال اذا كانت لا خبرة لكم على الاطلاق ممكن تلفون على المكاتب وتاخذون منهم برامج مقترحة مع الاسعار وتعرضونها هنا للمشورة |
انا شيكت بنفسي على الحجوزات لقيتها 10الف كلنا اربع بالغين وطفل معليش ع الغلط طيب لو سمحت السكن تقريبا كم يكلف غالبا وهل اقدر اكنسل المانيا والمواصلات بعد ابغى اعرف يعني سياره بسواق لمدة 15يوم والسكن نفس المده وهل تقترح لي ترتيب معين |
يعتمد على مدينة الذهاب والوصول وعدد الوقفات وتاريخ السفر انا اعطيتك شي تقريبي من جدة لميونخ اذا حجزتوا بدري دايركت على السعودية 14 الف لوفتهانزا وقفة وحدة الى ميونخ ممكن 13 الف هذا في حال الحجز المبكر بما انها اول رحلة خليكم على المانيا والنمسا او سويسرا والمانيا لازم تقررون على مخطط عشان تقدرون المصاريف بشكل تقريبي واللي راح يخفف عليكم المصاريف هو استئجار سيارة وقيادتها بانفسكم كمان تسوون كل شي بانفسكم من تاشيرات وحجوزات لمعرفة اسعار التذاكر استحدمي skyscanner.net لمعرفة اسعار السيارات استخدمي rentalcars.com لمعرفة اسعار السكن استخدمي booking.com |
اللي قالك 20 الف شكلو مسافر ابها كلام ابو غسان هو الاقرب ولكن لي وجه نظر اخرى ممكن تقتصدون وتوفرو المبلغ الى 50 الف مع التذاكر والسكن عددكم ماشاء الله 5 اشخاص وطفل وفي اوروبا المطاعم غالية ممكن تاخذو معكم عزبة صغيرة وتتطبخون هناك ويكون سكنكم في شقة كذلك لو الوالد يستاجر سيارة راح يوفر مبلغ جيد وكذلك تستمتعو اكثر لو حبيتي تزورين المانيا والنمسا وسويسرا يكون افضل لكم لانو بتزورين 3 بلدان يكون وصولكم ع ميونخ والمبيت فيها ليلتين بعدها الانتقال الى زيلامسي والسكن في كابرون او ضواحي زيلامسي القريبة ارخص وتسكنو في شقة لمدة 5 أيام بعدها الانتقال الى كونستاس ع الحدود السويسرية مع المانيا 3 ليالي ومنها زيارة شلالات الراين وقرية هايدي وحتى زيورخ بتكون قريبه بعدها الانتقال الى انترلاكن 5 ايام بعدها الانتقال الى جنيف وتكون عودتكم من جنيف ويمكن السكن فيها او في ديفون الفرنسية من 3 الى 5 ايام اذا كنتم تبون تكملون 20 يوم او خليها يومين ويصير عندك 17 يوم لو سكنتي في جنيف 5 ايام او ع الاقل 3 ايام بيكون عندك اضافة دولة رابعه بزيارة الجنوب الفرنسي مثل انسي وديفون ولو حبيتي شامونية تضيفيها ----------- بنقول التذاكر لو حجزتي بدري ممكن تكلف مابين 12 الى 15 الف فنادق بعد لو حجزتي بدري ممكن بمعدل 15 الف تزيد او تنقص قليل ع حسب اختيارك للسكن من 5 -6 الاف ايجار سيارة تقريبا 15 الاف تقريبا انشطه واحتياجات شخصية لاغراض الطبخ ودائما الصرف يقف ع الشخص حطي في بالك مصروف احتياطي 10 الاف للضروره انا اشوف مبلغ 50 الف تكفي لو تعرفي تتصرفي وتحجزي كل شي من بدري اما موضوع التاشيرات كل شي واضح وسهل تلقينه في المنتدى وكل الاعضاء والمشرفين راح يساعدونك لو احتجتي شي |
السواق مكلف جدا في اوروبا ولا حتى تفكرين |
اقتباس:
|
اجراءات ايجار السيارة ليست صعبة. ولكن اولا لاستئجار سيارة هناك شروط ١- المستأجر لدية رخصة محلية + رخصة دولية ٢- بطاقة ائتمان بنكية Credit Card |
اختي العزيزة لا تخافي الامور بأذن الله سهلة مدام عندك وقت شوفي لك كم تقرير علشان توضح الأمور واحنا بنساعدك خطوة بخطوة موضوع اذا الوالد الله يخليه لكم مايقدر يسوق ممكن انتي تسوقي وكل ماحجزتي بدري راح تلقين اسعار حلوة تخفف الميزانية ومثلا في زيلامسي بعض الفنادق والشقق تعطيك بطاقة تخولك تدخلي الاماكن السياحية مجانا وبكذا وفرتي والاماكن السياحية تختاري الافضل وماتكرري وابشري جميع الاعضاء ماراح يقصرو معاك |
اذا الوالد يقود السيارة فاموركم ميسره الا اذا كان الوالد كبير في السن وقيادتة زي الشيبان الاولين فما انصح :1: فالقيادة هناك تختلف كلينا عن قيادة شيبانا هنا لو فيكن وحدة تسوق وعندها رخصة الوضع اقل من سهل واستلام السيارة والخروج من المطار بعد اقل من سهل انتي قرري اول مين يسوق وابشري نشرح لك كلش وحاضرين لأي استفسار منك |
| الساعة الآن 05:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO