|
زيلامسي الحلم ... وعشان يتحقق ابي فزعتكم يا خبراااء !! السلام عليكم ورحمة الله وبركاته اخوتي واخواتي كما عهدتكم منذ منتدانا القديم وحتى الان وانتم اهل العطاء و الفزعات وماعمركم بخلتوا علي وبالعكس كل سفرة ما اخطي الا وانا مشاورتكم بكل خطوة بعد الله سبحانه المهم انا لفيت ع المنتدى و الاماكن السياحية بزيلامسي بس ما يمنع استزيد من خبرتكم بالتفاصيل وبحكم معي اطفال فابي مخطط يناسبهم وما يتعبهم زيلامسي بيكون من نصيبها خمس ايام بقول لكم انا وش ابي وياليت ترتبونها لي و تختارون الافضل في كل شي والانسب للعائلة ابي قمة ثلجية وحدة وياليت اسمها بالانجليزي وابي شلال واحد ويكون كبير مو صنبور ماي :17: واسمه بالانجليزي وابي زحليقة وحدة بحيث تكون امنة للاطفال .. والسؤال هنا هل الزحليقة امنة والا فيها مخاطر ؟؟ والاسم بالانجليزي :7: وابي سوق اوت لت اما في النمسا او المانيا اي افضل ؟ ( بالانقلش ) اضافة الى القطار البخاري في قرية والفقانق كم يبعد عن زيلامسي ؟؟ وشغلة مهمة لي ابيها مو لاطفالي .. ابي هبوط مظلي paragliding وين يكون بحيث يكون معي مدربة وليس مدرب ؟؟ وايضا ابي مطاعم حلال في زيلامسي ياليت احبتي ما تبخلون علي رحلتي الاسبوع القادم و توني مخلصة حجوزات سكن وباقي البرنامج اليومي .:18: بانتظاااااركم |
و عليكم السلام شلالات كريمل Krimml wasserfalle القمة الثلجية kitzsteinhorn و الزحليقه موجودة اول ما تدخلون كابرون على الشارع الرئيسي و المطاعم تقدرين تشوفين التقارير فيها مطاعم مجربه الآوت لت موجود في سالزبورغ اسمه ديزاينر أوت لت |
مشكووورة حبيبتي هاوية الاسفار طيب هل اوت لت ديزاينر افضل من الاوت لت اللي بالمانيا Wertheim Village ؟؟ وبالنسبة للزحليقة ماجاوبتي امنة والا فيها خطورة :20: والباراقلايدينق بعد خااااطري اجربه رحت سويسرا وخفت اجرب بس الحين ان شاء الله ناوية ومعزمة :63::e022: |
أكيد اللي في ألمانيا اكبر و المحلات اكثر و اللي في سالزبورغ صغير و الماركات محدودة بس أنا احبه لانه وأيد فيه شغلات للأطفال الزحليقه آمنه أنا جربتها بنفسي و حسب اعمار الأطفال يركبونهم و الباراشوت موجود بس ما عندي فكره عن موقعه أو اذا فيه مدربه اَي شيء في خاطرج جربيه و استمتعي اذا إنتي حابه |
وعليكم السلام ورحمه الله وبركاته ياهلا ومرحبا فيك اختي 1- قمه Kitzsteinhorn الثلجيه في كابرون الاحداثيه: N 47.231360 E 012.72710 2- Krimml waterfall شلال كريمل الاحداثيه: N 47.21610 E 012.172680 3- maiskogel .زحليقه كابرون امنه ان شاء الله بس الاطفال مش لحالهم يكونون جالسين قدامكم وبين رجولكم الاحداثيه : N 47.274290 E 012.757490 4- الاوت لت في المنايل افضل اوت لت Ingolstadt Village الاحداثيه: N 48.783960 E 011.478250 5- مايسوى تروحين وولف غانق عشان القطار البخاري المسافه من زيلامسي ال القطار البخاري ساعتين او اكثر يوجد قطار بخاري في زيلامسي ويتحرك تقريبا يومين با الاسبوع مابين زيلامسي وميترسيل و كريمل اذا تبغينه بعطيك تفاصيله واحداثيته 6- هبوط مضلي موجود بس غير مضمون تكون مدربه وغالبا راح يكون مدرب وحسب النوع الي تفضلينه هبوط من طائره او من قمه وايضا يوجد جولات ب طيران شراعي وهليكوبتر 7- مطاعم حلال في زيلامسي عندك مطعم علي بابا مقابل فندق غراند وجنبه مطاعم كثيره حلال عربيه وهنديه اذا تبغين اي تفاصيل اكثر خبريني وردي على بخصوص النقاط الي فوق عشان اعطيك احداثياتها |
الاوت لت اللي في المانيا فيها كل الماركات ؟ |
اقتباس:
ممكن تعطيني اهم الماركات عندك واشوف الي يناسبك منها بس غالبا وبالنسبه لي اشوف معظم الماركات المشهوره والمرغوبه اكثر في اوت لت مينزجن قريب من شتوتغارت لكن بنتظر تذكرين لي الماركات واخبرك عن افضل اوت لت يناسبك ان شاء الله |
ياريت مواضيع الاستفسارات القديمة لا يعاد رفعها وفتح موضوع جديد للاستفسار ————— مغلق |
| الساعة الآن 12:25 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO