|
الفزعه محتاج اهل الخبره ... السلام عليكم ورحمة الله وبركاته ارجو من الاعضاء الكرام مساعدتي برحلتي لانها اول رحله لي لاوروبا متردد ومتلخبط ومو عارف وش اسوي ..! الرحلة : الوصول والمغادره من ميونخ ( شخصين ) المده : من 10 ايام ولا تزيد عن 12 يوم 3 ايام ( محتار بين سالزبورغ او بيرتساو او اخليها 12 يوم واضيف بيرتساو مع العلم اني ماحصلت حجوزات فنادق فيها ) 5 ايام زيلامسي - فنادقها عرفتها لكن ماحجزت لاني ما استقريت على برنامج 2 يومين ميونيخ - بحكم اني لا املك سياره فامل منكم اختيار فندق يكون قريب من الاسواق والنقل العام والقطارات التاريخ : اغسطس ( منتصف شهر شوال ) يتبقى لي : 1-حجز الفنادق 2- استخراج التأشيرة 3-ترتيب البرنامج السياحي شاكر لكم مقدما بنتظاركم ... |
رد: الفزعه محتاج اهل الخبره ... حياك الله ،،، الجدول المقترح: ليلتان في سالزبرغ 3 ليالي في زيلامسي 3 ليالي في انسبرك، ويمكن خلالها زيارة بيرتساو (45 كم) ليلتان في ميونخ أما فنادق ميونخ، فأنصحك بالسكن في وسط المدينة بالقرب من ساحة مارين، وهذا أحد فنادق تلك المنطقة لكي تعرفها (Hotel Königshof). |
رد: الفزعه محتاج اهل الخبره ... اقتباس:
لاهنت ياخوي سعود طيب كيف طريقة التنقل ( للعلم لا اقدر على استأجار سياره ) |
رد: الفزعه محتاج اهل الخبره ... مرحبا اخوي التنقل يكون عن طريق القطار الوصول ميونخ ومباشره مغادرتها الى سالزبروغ والاقامه فيها ليلتين وبعدها زيلامسي او كابرون والاقامه فيها 5 ليالي وبعدها بيرتساو والاقامه فيها ليلتين وبعدها الى ميونخ والاقامه باقي المده مع تخصيص يوم للذهاب الى قارمش والعوده بنفس اليوم اليوم ان شاء الله بعطيك المسافات بالقطار بين هالمدن وباقي التفاصيل انا ممكن اقترح عليك فنادق بكل منطقه بس الافضل انا احدد لك احسن منطقه تسكن بها وانت تختار الفندق الي يناسبك وبعدها نعطيك رأينا بالفندق الي تختاره بالتوفيق ان شاء الله اخوي |
رد: الفزعه محتاج اهل الخبره ... اقتباس:
ايوالله تسوي خير .. وهل حجز القطار قبل يفرق او عادي اذا وصلت للمحطه احجز ؟ وقارمش كيف اروح لها مع العلم لا املك سياره ؟ وهل بطاقة زيلامسي وكابرون المجانيه محدده بأيام اقامتي بالفندق ؟؟ لاني حاب اسكن في فندق سيفيلا فإذا البطاقة المجانيه غير محدده بسكن يوم بفندق يقدمها وبعدين انتقل باقي الايام لفندق سيفيلا ؟ وشكرا وبانتظارك |
| الساعة الآن 10:36 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO