|
طلب مساعده🤔 السلام عليكم حابه تفيدوني في مخطط رحلتي الى اوروبا طبعا إلى الآن ماحجزنا وماعرف اي شي عنها بس حبيت تفيدوني وبعدها بتوكل ع الله حابه تكون الرحله بين النمسا والمانيا وسويسرا ونفسي اشوف قرية هايدي راح تكون رحلتنا في اكتوبر لمدة 13يوم عددنا شخصين كبار وطفل 3سنوات ورضيع عمره 6شهور طبعا اول مرا نسافر إلى أوروبا واللغه لكم عليها 😩 هل مناسب لنا السفر إلى أوروبا او الأفضل اني ادور دولة ثانيه تناسب واذا مناسبه ابي خط الرحله ماعليكم أمر وابي رايكم استأجر سياره ولا اخذ سواق عربي الله يسعدكم دلوني ع الصح وسوو فيني خير 😅😅 |
وعليكم السلام ورحمه الله في البدايه كثر التنقل متعب من دوله الى دوله خاصه لمن يكون معك اطفال او كبار سن !! بفيدك حسب معرفتي ااستجار سيارة افضل بكثير من البحث عن سواق عربي لعده اسباب ايجار السيارة ارخص متعه اوربا خاصة بالارياف بالسيارة السواقه في اوربا سهله بس يبيلها شويه تركيز افضل دولتين النمساء وسويسرا او المانيا و النمسا رحلتي في شهر سبتمبر 2018 كانت لسويسرا الوصول لزيورخ 3 ايام واستاجار سيارة منها انترلاكن 5ايام بقريه جميله اسمها جريندلفالد بفندق اسبن ألبيان لايف ستايل واللي تدفعه فيه مو خسارة جنيف 3ايام والسكن كان بالجانب الفرنسي لرخص الايجار ظ رحلتي القادمه بشهر سبتمبر 2019 الوصول لميونخ واستاجار سيارة والذهاب مباشرة الى اسنبروك والاقامه 4ايام زيلامسي 4 ايام والسكن في كابرون العوده الى ميونخ 2ايام والعودة الى الديار اتمنى افدتك والاعضاء مابيقصرون |
وعليكم السلام ورحمة الله وبركاته نفس ماتفضل اخونا المدة قليلة للجمع ( المانيا والنمسا وسويسرا ) اقترح الوصول فيينا والعودة ميونخ فيينا 3 ليالي سالزبورغ ليلتين او 3 ليالي زيلامسي 5 ليالي ميونخ 3 ليالي او ليلتين والمسافات قريبة من بعض بما معاكم اطفال صغار الله يخليهم لكم وننصح سيارة خاصة ارخص من السايق ومعكم القارمن واللغة عادي سهالات رحلة موفقة بإذن الله |
الله يسعدكم جميعا:e204: طيب اذا ابي اروح النمسا وسويسرا لاني نفسي اشوف انترلاكن وقرية هايدي هل المسافات بينهم بعيده وخط السفر بالسياره متعب لاني اخاف من الطرق المرتفعه او الطريق اللي زي الهدا:12: |
اقتباس:
استخدوا أي تطبيق ملاحظة يوضح لكم السرعات على الطرق انا استخدم سايجيك وإلا امشوا مع الناس وخلوا مطارداتنا عندنا ساهرنا نعرف مواقعه ونغطي اللوحة وحركاتنا معروفة من ميونخ إلى زيلامسي 170 كم تقريبا من زيلامسي إلى قرية هايدي 340 كم تقريبا مرورا ب انسبروك من قرية هايدي إلى إنترلاكن 190 كم تقريبا مرورا ب بحيرة زيوريخ من انترلاكن إلى جنيف 210 كم تقريبا مرورا ب مونترو ولوزين قدمت لك المعلومات حسب طلبك ولم اقدم أي نصيحة بخصوص الوصول والمغادرة والسكن تقبلوا مروري |
يعطيك العافيه واسفه ع الاطاله طيب اذا ماعليك امر اعطينا نصيحتك عن كل شيء منكم نستفيد:24:���� |
اقتباس:
رأيي قد لا يناسب احد لأسباب انا دكتاتوري (ولكن وزارة الداخلية قوية من جيل هايدي) العائلة ثلاثة ولا يوجد معنا أطفال لا ابحث عن ترفيه ابحث عن طبيعة وراحة نفسية استأجر سيارة دائما في تنقلاتي لكن سأقدم معلومات عن الوجهات اللي مريتها اخر شهر 7 و 8 الحالي فرانكفورت وبادن وفرايبورغ امطار قليلة والشمس شواية ليختنشتاين تأخذ قسيمة سرعة الدولة كلها متر مربع ماينفيلد "قرية هادي" هدوء والجو افضل (غصب) زيوريخ مملة لوسيرن شرق البحيرة جوه جيد انترلاكن مطر وغيوم والسياح كانك في بكين والرياض مجتمعة منترو ولوسيرن وجنيف غيم قليل وشمس شواية انسي وشاموني غيم والجو جميل ميلان وبافيا وكومو حرام ان رحت لها جاردا وسيرموني جميلة وجو تمام فينيسيا ما تستحق حتى تكلفة الفندق بليد سلوفينيا منطقة جميلة فيلاخ جيدة زيلامسي وكابرون روعة "في الجو غيم" وماطر وبرد والسياح كأنك في الرياض وهي الأقل تلوثا بصريا (نادرا جدا) ويمكن للبرد دور لا احد متعصب يزحلق علي انا قلت في البداية رأيي قد لا يناسب احد لأسباب خذ ما تريد ودع الباقي لي |
الله يعطيك العافيه ومشكور ماقصرت :20:والله معد عرفت راسي من ساسي:32:احترت اكثر الله يفرجها ويسهل الخير ويعطيكم العافيييه جميعا�� |
| الساعة الآن 09:30 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO