|
ارجو مساعدتي لمن لدية الخبرة السلام عليكم ورحمة الله ارجو مساعدتي للاهميه انا ابي استفسر عن مبلغ 20 الف يكفي رحلة الي النمسا انا وزجي وطفلتي لمدة 12يوم انا ماعندي خلفية ارجو منكم مساعدتي لمن لديه الخبره محتاره جدا وابي اعرف افضل الأماكن فيها وش الأشياء اللي اتجنبها في هذي السفرة وش افضل طيران ممكن اروح عليه ولكم مني جزيل الشكر والعرفان وشكرا لكل شخص يساهم في إنجاح هذا الموقع اللي متاكده انه مرجع لكل شخص يفكر في السفر لانة موسوعة ماشاءالله من خبرات الناس |
و عليكم السلام و رحمة الله و بركاته .. حياك الله معانا .... أول شئ لازم نعرف هل مبلغ 20 ألف شامل كل شئ من تذاكر طيران دولية + السكن + التنقلات + المصاريف و الترفية ؟ أن كانت الأجابة .. نعم .. فالمبلغ قليل و لا يكفي خصوصاً إذا كان وقت السفر في موسم الصيف 12 يوم على دولة وحده مثل النمسا كافية أن شاء الله .. ضروري تحديد وقت السفر علشان نفيدك بخطة سير تناسب الأيام و تكون تتناسب مع وضعكم بحكم معاكم أطفال في الرحلة ... أفضل طيران .. بالتأكيد المباشر و لكن في كثير من الأحيان يختار الشخص الطيران الأنسب له من ناحية السعر و الوقت .. بالتوفيق .... |
مرحبا لا عشرين غير الطيران العشرين شامله سكن وتنقلات ومصروف تمشيه لمدة 12 يوم سفرنا بيكون ع ابريل ان شاءالله وبالنسبه للفنادق انا افكر شي يكون سعره حلو ونظيف هذا اهم شي وبالنسبة لطيران ودي مباشره بس غالية جدا لقيت ترانزيت هي انسب سعر لي لقيت طيران لوفتهانزا هو انسب سعر واللي عنده خبرة اكثر لا يبخل علي ولكم جزيل الشكر |
اقتباس:
بالنسبة للطيران ... حالياً و إلى تاريخ 18 يناير الخطوط السعودية عندهم خصم على الرحلات لفترة السفر من 1 فبراير إلى 18 مايو أعتقد و السعر جداً مناسب 1961 ريال للشخص طبعاُ الرحلة مباشرة من جدة إلى فيينا أما من الرياض فبتكون ترانزيت عن طريق جدة |
طيب الله يسعدك العشرين مناسبة ل 12 يوم من حيث السكن وكل شي ولا تحس ماتكفي واللي عنده خبره عن الفنادق اللي اسعارها كويسه ياليت يفيدني ومن ناحية الطيران توني اعرف عن العرض الله يسعدك ارخص من اللي شفت |
اقتباس:
إذا ممكن تحديد فترة سفركم خلال أبريل بالتواريخ علشان نعرض عليك المناسب من الفنادق و أيضاً المدن اللى ترغبون في زيارتها |
المده من 3ابريل الي 15ابريل والله يجزاك خير |
نعم تكفي من خلال خبرتي في السفر الى النمسا اكثر من عشر مرات |
الله يسعدكم اذا عنده خبره تبي فنادق اسعارها مناسبة |
اقتباس:
و الله بالنسبة للفنادق .. تعتمد على الميزاية الخاصة بالشخص و الأذواق تختلف .. البعض يرغب في فنادق ما يقل تصنيفها عن 5 نجوم بينما البعض يسكن في فنادق 3 نجوم المهم تكون نظيفة و أمنه .. و مكانه مناسب للسكن لذا أرى أنك تدخلين على موقع Booking و تحددين المدينة و الفترة و عدد الأفراد و إذا فيه أطفال و يعطيك الأسعار المقترحة |
| الساعة الآن 09:02 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO