|
اسعار التذاكر سلام عليكم اخواني المسافرون😍 استفسار بسيط كم سعر التذاكر تقريبا على الخطوط السعوديه من جده لميونخ دايركت في شهر ٦ ميلادي ، بحثت قبل شوي والاسعار بصراحه نار السعر لشخصين ٦٣٠٠ لشخصين ذهاب وعودة هل فيه احتمال تنزل ولا اتوكل على الله واحجز بالسعر ذا ، مع اني بصراحه ماعندي خلفيه عن الاسعار ، واول مره اسافر اوروبا وشكرا |
طالع من وين الرياض ولا جدة ولا الشرقية و في اي تواريخ تبحث ؟ من الرياض على لوفتهانزا ممكن 2250 ريال من الدمام 1840 ريال - لوفتهنزا التواريخ كان 8 الى 22 يونيو |
اقتباس:
و عليكم السلام و رحمة الله و بركاته ... أخوي بالنسبة للأسعار اللى طلعت لك على الخطوط السعودية للرحلات المباشرة من جدة .. هي تعتبر الأرخص في هذا التوقيبت لأن توقيت سفرك موسم الصيف و كل شركات الطيران ترتفع أسعارها في هالفترة لأنه معروف التوقيت أنه موسم سفر .. وجهة نظري .. أن كنت تنتظر الأسعار تنزل .. نصيحتي لك أحجز لأن الأسعار في الموسم ترتفع ما تنزل .. "قبل شهر و شوي حجز رحلة الصيف .. بسعر و شيكت على نفس الوجهة و بنفس التوقيت لقيت السعر زاد في حدود 900 ريال للتذكرة الوحدة .." على فكرة .. فيه طيران لوفتهانزا الألماني من جدة بس رحلاتهم ما هي مباشر إلى ميونخ و من جدة تطلع للكويت و منها إلى ألمانيا و السعر لشخصين 5500 ريال تقريباً .. بس أشوف المباشر من جدة أفضل .. بالتوفيق ... |
يعطيك الف عافية بالنسبة للوصول لو كان يوم جمعه؟ فيه ناس قالوا الافضل يكون الوصول من الاثنين الى الخميس؟؟؟ مدري وش الهدف |
اقتباس:
و الله موضوع يوم الجمعة أو غيره في المواسم ما تفرق كثير .. و موضوع أيام من الأسبوع يكون السعر فيها منخفض مثل الثلاثاء أو الأربعاء أو الأثنين هذي تكون متوفرة في الدول اللى فيها شركات طيران كثيرة مثل امريكا .. و بصراحة شخصياً ما أشوف فيه أختلاف كثير بين الأيام ... شف الصورة المرفقة أدناه لصفحة من جدول الخطوط السعودية لشهر يونية 2020م السعر متقارب أقل شئ السعر 3006 ريال لفترة السفر من 5 يونية إلى 26 يونيه (21 يوم) لو قلت المدة بيزيد السعر ... شركات الطيران تعمل على تجزئة فئة السعر على طائرتها حسب المقاعد المتاحة مثلاً السعر يبدأ من 2500 ريال لعدد 50 مقعد على الرحلة و بعدما تنتهي يرتفع السعر قليلاً ليصبح مثلاً 2800 ريال و هكذا يأخذ السعر في الأرتفاع https://www.arabtrvl.com/up/uploads/...2167933461.jpg بالتوفيق ... |
اقتباس:
بالنسبة ليوم الجمعه الغرض منه ان يوم السبت والاحد اجازة منتصف الاسبوع وعادة تون المدن مزدحمه واغلب المحلات مقفلة بسبب الويك اند دايما يفضل ان يكون بيوم الاحد لتنقل من قريه الى قريه حاول في الويك اند ماتكون في المدن او ترغب بالتسوق لان الاحد اغلب المحلات مقفله بالتوفيق |
طيب وش رايكم لو حجزت عن طريق طيران بيجاسوس، حصلت من جده لتركيا ترازنيت ٤ ساعات وبعدها الى ميونخ والسعر ممتاز ٣٤٠٠ لشخصين؟ بس خايف من الترانزيت تضيع فيه الشنط وماتوصل بسرعه |
اقتباس:
سعر ممتاز 3400 ريال .. و طيران بيجاسوس يعتبر أقتصادي و سافر عليه الكثير من السياح و يمدحونه ... و بالنسبة للعفش أطلب شحنها من جدة لمحطة الوصول النهائية "ميونخ" و عند الوصول إلى أسطنبول و قبل رحلة المواصلة تأكد من الكاونتر بأن الحقائب تم تحويلها للرحلة المواصلة .. نقطة مهمة تأكد أن تكون رحلة الوصول و المغادرة من نفس المطار .. لأن تركيا فيها مطارين دوليين: أسطنبول و مطار صبيحة ... بالتوفيق .. |
اقتباس:
بيقاسوس في سنة وحدة ثلاث طايرات انحراف عن مسار و اخر مرة الطيارة انقسمت نصين سلامتك اهم من الفلوس |
السلام عليكم،،، اقتراح بسيط... اذا نظامك أوروبي ومتاكد مافي تغير رايك جرب هذا الموقع هو من الافضل حاليا واختار في خانة التفضيل ارخص الاسعار... Kayak هذا اسم الموقع وانت تختار ارخص وافضل طيران.... مثلا انا لقيتلك رحلة على الخطوط الفرنسية مدتها ١٠ ساعات ذهاب وحوالي ١٠ ساعات في العودة وسعرها ٥٠٨٤ ريال لشخصين.... طبعا انا في اوروبا فالاسعار اللي تطلعي المفروض اغلى من لو اني عملت بحث من الدولة اللي ابداء الرحلة منها.... واذا انت من النوع اللي ممكن يغير المخطط حق الرحلة لاتستخدم هذه المواقع لانه كل مارخصت التذاكر كل ما كانت شروط ورسوم التغير اسواء،،،، يعني مثلا kayak يحولك على مكاتب سفر عادة تكون في اسبانيا او دول اخرى ولمن تحتاج تراسلهم يردو بس ممكن بعد ساعات او احيانا ثاني يوم... واذا تحب مباشر من شركة الطيران برضه ادخل على نفس الموقع وشوف ارخص اوقات وشركة طيران وبعدها ادخل الموقع الرئيسي لشركة الطيران وحتلاقي سعر مقارب.... رحلة سعيدة |
| الساعة الآن 05:26 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO