|
البطاقة الائتمانية سلام عليكم كيف حالكم جميعا يا اجمل ناس على وجه المعمورة😍 بسالكم من حكم تجاربكم في السفر وش افضل بطاقة ائتمانية طبعا تكون غير مسبقة الدفع وشكرا😘 |
كل واحد له تجربه مع البطاقات لكن انا افضل بطاقة السفر حقت بنك الاستثمار |
أنا استخدم بطاقة ائتمانية ( الفيزا ) استخدمها وانا متخوفة من ضياعها أو حدوث عملية احتيال عليها لاسمح الله سمعت عن ( بطاقة الشحن ) يمدحوها ولكن رسومها أعلى من الفيزا |
السلام عليكم و رحمة الله و بركاته .. ضروري جداً نفرق بين البطاقات و الأستخدام .. بطاقات الفيزا Credit Card هي اللى يصدرها البنك و تكون بحد أئتماني ممنوح لك من البنك بناء على القدرة المالية لحامل البطاقة و يفضل أن تصدر من البنك الذي تتعامل معه كي تحصل على المزايا و الخدمات و التسهيلات من بنكك .. بطاقات الأئتمان لها فئات و تسميات مختلفة و كل بطاقة تخضع لرسوم سنوية أو مجانية حسب البنك المصدر (بعض البطاقات يصل رسمها السنوي أكثر من 1500 ريال) البطاقات الأخرى و التى تعتبر مؤخراً هي الأكثر شيوعاً بين الناس و هي بطاقات مسبقة الدفع القابلة للشحن .. و هذا النوع من البطاقات ميزته أن حامل البطاقة هو المتحكم في رصيد البطاقة عن طريق شحن الرصيد المناسب و هي صالحة للأستخدام في سداد المصروفات اليومي في السفر و لكنها لا تعطي أي مزاي أئتمانية مثل الـ Credit Card .... للأجابة عن سؤالك "وش افضل بطاقة ائتمانية" ما فيه بطاقة أفضل من الأخرى .. كل البطاقات تؤدي نفس الغرص المصدرة من أجله بشرط أن تستخدم للغرض الذي أصدرت من أجله أي تشتري أحتياجك و تسدد المستحقات في الوقت المستحق بدون تاخير كي تحصل على البطاقة الأفضل .. في حال من يتأخر في سداد المستحقات أو يقسط قيمتها سوف تترتفع عليه المبالغ و يدخل في دوامة لا تنتهي و يصبج الرصيد المستحق أعلى من المبلغ المشترى بسبب رسوم تأخير السداد من البنك ... بالتوفيق ... |
اقتباس:
أختي eman79 بطاقة الأئتمان من آآمن طرق الدفع في السفر أو في الشراء و لا خوف من ضياعها لأن حامل البطاقة يستطيع التعامل مع البطاقة بسهولة عن طريق الأيقاف حال شعوره بوجود عمليات أحتيال في أستخدام البطاقة و رفع أعتراض على العمليات عن طريق البنك المصدر للبطاقة و سيتم التحقق من صحتها و أعادة المبالغ .. للمعلومية بطاقات الشحن رسمها ثابت تقريباً لدي جميع البنزك المصدرة - 105 ريال (بالضريبة) بالتوفيق ... |
ياخي ابو معتز ياخي❤ كلمة شكرا لاتوفيك حقك يا اسطورة والله انك اسطورة المسافرون العرب احبك في الله❤ |
طيب ابو معتز البنك الراجحي قالولي لك شهر اذا ماسددت قيمة المشتريات راح ناخذ ربح، واذا شددت خلال ٣٠ يوم ماناخذ ولاريال ربح؟ بصراحه حسيت ان الموظف اعطاني معلومه غلط الي اعرفه انهم ماخذين ربح ماخذين ، بس اذا تاخرت راح ياهذون غرامه؟ صح كلامي ابو معتز؟ |
اقتباس:
الله يسعدك يا اخوي ... "أحبك الله الذي أحببتنا فيه ..." |
اقتباس:
كلام الموظف صحيح ... بعد الشراء .. يتم سداد قيمة مشترياتك عن طريق تعاملات الفيزا و بعدها يتم مطالبة البنك المصدر للبطاقة لك بالسداد خلال الفترة المتعارف عليها (30-45) يوم حسب البنك .. إذا سدد حامل البطاقة في فترة الأستحقاق سوف يسدد فقط المبلغ المطلوب أما إذا تأخر فالبنك مباشرة سوف يحتسب رسوم تأخير سداد على المبلغ .. مما يؤدي لمطالبة حامل البطاقة بالمبلغ الأصلي+ رسوم التأخير .. كل البنوك تأخذ على عمليات الشراء بالبطاقة الأئتمانية رسوم عمليات دولية + فرق العملة أي أنه لو أشتريت بمبلغ 200 يورو سيصبح المبلغ مثلاً 840 ريال + 21 ريال رسوم عمليات دولية تسمى (المثال فقط للتوضيح) بالتوفيق ... |
اقتباس:
(( و سيتم التحقق من صحتها و أعادة المبالغ ..)) ممتاز إذا البنك يتحمّل المسئولية في حال الاحتيال وسحب مبالغ من البطاقة شكراً جزيلاً على المعلومة |
البنك الراجحي يقول اذا سددت خلال شهر ماناخذ ربح ابدا، وبعد الشهر ناخذ ربح ١ في الميه فقط فهمتني ابو معتز ماقال غرامه ابدا، يقول البنوك الثانيه تاخذ غرامه |
اقتباس:
أذا تم تقديم أعتراض مباشرة و خلال 30 يوم من العملية يوقوم البنك بإيقاف البطاقة و التحقق من العمليات المعترض عليها و إلغائها أن ثبت عدم صحتها .. حدث لي أن نفذت عمليات أحتيال على بطاقتي الأئتمانية بمبلغ 12 ألف ريال (عمليتين في مكانين مكتلفين) في دولة في شرق أسيا و أنا لم أزورها نهائياً و أعترضت على العملية بنفس اللحظة و تم أيقاف البطاقة و بعد أيام تم ألغاء العملية و أعادة أصدار بطاقة جديدة عن طريق البنك بشكل مباشر .. |
اقتباس:
صح كلامه .. السداد في وقت الأستحقاق للمبلغ ما عليه رسوم تأخير .. و لكن المبلغ بيكون شامل رسوم العمليات اللى شرحتها لك لا تتوقع أنك بتشتري سلعة أو خدمة و أنت مسافر بمبلغ 1000 ريال و بتسدد للبنك 1000 ريال عمليات الشراء في الخارج تخضع للتعاملات بين البنوك ...بنك البائع +فيزا + بنك العميل كل هالأطراف لهم رسوم من أي عملية مستحيل يسونها لك ببلاش ... موظف البنك يوم قال لك أنه ما فيه رسوم هو يقصد رسوم تأخير السداد و اللى هي 1% على المبلغ إذا تأخرت ... في الرابط بتلاقي الشروط و الأحكام حق البطاقات من الراجحي ... https://www.alrajhibank.com.sa/-/med...60ECF80F14589B |
صح ابو معتز، بس البنوك الثانيه تاخذ ربح وغرامه ع فكره مثل ماذكرت انت فوق لاكن الراجحي ياخذ ربح فقط على التاخير |
اقتباس:
"الربح ألزامي ... بينما الغرامة أختيارية" و للمعلومية البنوك كلها بما فيها الراجحي يأخذون ربح و غرامة إذا تأخرت ... ربح عمليات الشراء الدولية نسبته مختلفة بين البنوك ما بين 2 إلى 2.75% هذي الرسوم المهمة عند الراجحي بالنسبة للبطاقات الأئتمانية: (Profit Rate (for the Murabaha Finance 1% Flat Per Month %2.75 Foreign Transaction Fee |
اقتباس:
مداخله بسيطه بطاقة تمكين من بنك البلاد هي الوحيدة من بين جميع البطاقات الاتمانية لجميع البنوك اللي مافيها لاغرامة ولاعمولة على التأخير بسداد كامل المبلغ يعني تقدر تسدد المبلغ بأقساط شهرية بدون أي فائدة يأخذها البنك وهي ميزه أكثر من رائعة عيب هالبطاقة الوحيد انك ماتقدر تاخذها الا راتبك يكون على بنك البلاد |
اقتباس:
شكراً أخوي موهوب القصيم على مداخلتك .. ولو أنه مضى عليها كم يوم .. و لكن لعل أحد يستفيد و للتوضيح بطاقة تمكين الائتمانية مثلها مثل غيرها من البطاقات عند باقي البنوك وهي فكرة كل البطاقات "قال صبه .. قال أحقنه .." إذا لقيت بطاقة بدون هامش ربح .. تلاقي رسومها مرتفعة .. و اللى رسومها منخفضة تلاقي فيه رسوم على التأخير ... و للتوضيح للمفهوم اللى معتقدينه نسبة كبيرة من المستخدمين بأن البطاقة لابد من يكون فيها رسوم و عمولات على المبالغ لو تم دفعها بالبطاقة ... أي بطاقة أئتمانية قمت بالشراء عن طريقها المبدأ الصحيح "أنك تسدد في موعد الأستحقاق كامل المبلغ المستحق و ليس جزء منه .." على فكرة بطاقة تمكين من بنك البلاد ما تحسب عليك عمولة .. بشرط أنك تسدد كل شهر المبلغ الأعلى المستحق من المبلغ (5% أو 200 ريال) و في نفس الوقت ما تستخدم البطاقة لأي عمليات أخرى حتى ينتهي المبلغ .. الرابط أدناه فيه شرح كامل للشروط: بطاقة تمكين الائتمانية |
اقتباس:
أهلين وسهلين رسوم بطاقة تمكين مقاربة لمثيلاتها من البطاقات اللي تعطيك نفس المميزات ولكنها تتميز بأنها بدون فوائد فمادام إني بدفع رسوم ادفعها على هالبطاقة لأكسب مسألة الفوائد لصالحي النقطه الثانية بالنسبة لعدم استخدام البطاقه حتى الانتهاء من المبلغ المستحق فهذا غير صحيح لأن أي مبلغ تسدده يرجع لك وتقدر تستخدمه مره ثانية حتى لو لم تسدد كامل المبلغ أرجع لموقع البنك وشاهد الجدول التوضيحي اللي وضعه البنك لأستخدام كامل المبلغ 15 ألف بالنسبه لي بحثت كثيراً بين البطاقات ولم أجد لها مثيلاً كلامي على نفس الفئه البلاتينيه وليس سقنتشر وغيرها |
اقتباس:
أخوي موهوب القصيم ... طبعاً .. أنا ذكرت فقط اللى في الموقع حرفياً: عدد الأشهر لسداد البطاقة: بافتراض أن الحد الائتماني للبطاقة 15 ألف ريال وهو الحد الأعلى، ولم يتم إعادة استخدام البطاقة خلال فترة السداد. قد يكون فهمي له مختلف .. و لكن هذا ليس خلاف فنظام البطاقات الأئتمانية جميل و منمق في ظاهرة و لكنه معقد و متشعب في تنفيذه .. و ياما عانى الكثيرين من عدم فهم الشروط و خصوصاً تلك التى تكتب بخط صغير أو تحت عبارة "تنطبق الشروط و الأحكام" |
| الساعة الآن 12:26 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO