|
رحلتي إلى النمسا في شهر 8 السلام عليكم ورحمة الله وبركاته أسعد الله صباحكم وظهيرتكم ومساءكم كلن بوقته:7::7: طبعاً أنا سافرت للنمسا في شهر 8 الماضي ومن بعدها وأنا ناوي اعطيكم خط رحلتي وسفرتي للنمسا لأني استفدت الكثير منكم،، بس لست بمتحدث جيد أو كاتب تقارير فخم فعاد سامحوني على القصور:6: بدايةً السفرة كانت لشخصين أنا والوالدة وبعد الحجر الكلي والجزئي وعد السفر لمدة سنتين وحتى ماطلعنا من مدينتنا الجميلة الرياض كانت الوجهه مكان كله طبيعه ويوسع الصدر وين نروح وين نروح في البداية قلت شرق اسيا لكن بيني وبينكم لست بمحب لشرق اسيا:24::24::24::24: وطاخت عيني على مين على الحب دولة النمسا وشفت لها من الطبيعة والجمال الخلاب والأماكن الي تفتح النفس الكثير لذلك بدون تردد توكلت على الله وحجزت للنمسا طبعاً هالكلام قبل اربع شهور من السفر لاستخراج الشنقن وحوسته خط الرحلة من الرياض الى فيينا وبنفس الوقت نطلع من المطار ونسافر الى Graz طبعاً أخطأت بأنه سافرنا على طول بنفس اليوم تعبنا بشكل محد يتصوره حتى ضيعنا لكن الأخوة العرب ساعدونا حتى ركبنا القطار الصحيح المدينة Graz جداً تحتاج فقط يوم لزيارتها وانصحكم بالذهاب بالجبل المعروف هناك وتناول الفطور من عندهم وحنا جلسنا يوم كامل الي هو من بكرا ثم بعد بكرا ركبنا القطار وإلى سالزبورغ مدينة سالزبورغ جلست فيها يومين وهذا اكبر غلط للحقيقه سويته المدينة تستاهل أقل شي ثلاث أيام الى أربعة أيام طبعاً اكلت من كيكة المشهورة عندهم في فندق اسمهSacher وسكنت في فندق اسمه Wyndham Grand Salzburg الفندق جميل ولطيف لكن مشكلته الصغيرة أنه بعيد عن السنتر واخذت سيارة لكن غلطتي أني ما قررت أخذ سيارة الا في الأخير لذلك كانت جداً غالية علي بأربع أيام 3500 ريال سعودي اخذها وعلى وجه السرعه الى مدينة الاحلام والسعادة زيلامسي:18::18::18::18::18::18::18: وحنا بالطريق وقفنا عند جبل اسمه Eisriesenwelt طبعاً هذا الجبل أعلى شي فيه كهف ثلجي تدخل وتشوف الجليد والمنطقة كلها متجمدة وبرد بشكل جممممميل بس الصراحة تعبنا تعب لكن مناظر الغيوم والجليد فوق نسانا كل التعب تذكرة الدخول للشخص 40 يورو وبعدها اكملنا طريقنا لزلامسي وسكنا هنا بفندق Grand hotel zell am see وجلسنا مدة خمس وكنا نروح للقرى الى حولها ومنها مثلا متحف سوارفيسكي من اجمل المتاحف وتبعد ساعتين بالسيارة وبعد الخمس الأيام رجعنا سالزبورغ ورجعنا السيارة وتوجهنا بالقطار الى فيينا العاصمة سكنا هنا بفندق K and K الفندق صغير وجميل لكن مشكلته بعيد عن كل شي ولكن على قولتهم فندق ملموم مجملاً فيينا ماعجبتنا كثير كان ودنا كل السفرة تكون سالزبورغ وزيلامسي والحمدالله بعدها الرجعة للرياض وكنا جداً مبسوطين بالسفرة اللطيفه بعد كورونا والحجر وتعبه |
و عليكم السلام و رحمة الله و بركاته .. "الله يحفظ لك الوالدة و يرزقك برها" و نشكرك على مشاركتنا تجربتك في السفر إلى النمسا و الترتيب لها و أن شاء الله تكون السفرات الجاية أكثر دقة و ترتيب و الجميل في السفر أن الواحد يتعلم من الأخطاء اللى تحدث له كي يتفادها في ترتيب سفراته |
حياك الله اخي حمود الراجح وشكرا على طرح تقرير على سفراتك حتى ولو كان قصير ومختصر يمكن فية فايدة لبعض المسافرين للنمساء الله يخلي لك الوالدة |
اقتباس:
صدقت والله السفرات الأولى دائماً نتعلم منها لكي لا نقع فيها |
اقتباس:
ان شاء الله |
سفرة جميلة بالتاكيد دامها في ربوع الساحرة النمسا .. و كلامك اخوي حمود على بساطته الا انك نقلتني ولو جزئيآ الى النمسا .. خاصة فندق جراند زيلامسي والاطلالته على البحيرة و الجبل المخضر .. وكيكة ساخير .. و فيينا التاريخية لو ما عجبتك طبعآ واضح من جدولك انه كان مربك و متعب نوعآ ما .. بس ان شاء الله تستفيد من هذه التجربة في السفرة القادمة للنمسا الساحرة و تسلم الغالي على الموضوع |
اقتباس:
صحيح أخوي الشعباوي كانت مربكة اللغة كانت مربكة نوعاً وأول مره اسوق في دول أوربا كانت مرعبة ومربكة لكن كانت جممميلة جداً لكن حاب اسئل في موضوع السواقه لو حبيت استفسر عن أي مخالفات مرورية هل فيه موقع خاص للاستعلام؟ |
و عليكم السلام و رحمة الله و بركاته .. "الله يحفظ لك الوالدة و يرزقك برها" ويطول بعمرها يار ب العالمين شكراً لذكر تجربتك في النمسا الساحره |
وين الصور يالراجحي وين التقرير المفصل :4: هههههههههه ليه كذا لازم التقرير المفصل :e312: |
اقتباس:
ممكن مربكة صحيح كتجربة اولى بس تراها متعة .. السواقة في اوروبا متعه بروحها و بالنسبة لسؤالك .. الصراحة ما عندي خبر اكيد .. لأنه انا ما واجهت اي مشاكل في تاجير السيارات اوصل المكتب واسلم السيارة و اتوكل .. بس ان شاء الله الشباب الي عندهم خبره يجاوبونك وايضآ ..بسألك حد من الربع عن هذه النقطة وان شاء الله ارد لك خبر |
اقتباس:
بالنسبة للمخالفات المرورية في أوروبا (أن وجدت) تسجل على السيارة و شركة التأجير تطالب فيها المستأجر لاحقاً و تحمل على البطاقة الأئتمانية التى تم أستئجار السيارة بها ... و يحق لك طلب صورة من المخالفة المروروية من شركة التأجير في حال تم مطالبتك بالدفع ... |
اقتباس:
الشكر والتقدير |
اقتباس:
|
اقتباس:
|
بداية جميلة ومشجعة لتقارير قادمة الرحلة الاولى لاوروبا لابد من أخطاء فيها والافضل تبعد عن كثرة التنقل خلال رحليك لأي دولة أهم شي بالرحلة السكن اذا اخترته بعناية راح تنبسط شكراً على مشاركتنا تفاصيل الرحلة والله يحفظ لك الوالدة |
الله يحفظ لك الوالدة ويحفظك لها تجربه حلوة والاهم انكم استمتعتم بالرحلة شكراا لذكر التجربه وملخص الرحله الجميل |
| الساعة الآن 09:37 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO