|
استفسار عن حقيبه السفر🧳🧳🧳🧳 السلام عليكم ،، لو سمحتوا عندي استفسار لاصحاب الخبره . انا مسافره بعد شهر للنمسا .. واحنا عايله من خمسه اشخاص ،، يا ليت تقولون لي اش ناخذ معانا وممكن نحتاجه هناك من اكل وطبخ وذا الاشياء |
وعليكم السلام قدر الضغط الكهربائي + البهارات+ أجبان+ عيش+ سناكات للاطفال مثل البسكوت هذا الي اذكره |
حياك الله اختي اذا معكم اطفال خذو معكم مفرحات اذكر احد اصدقائي دايما يسافر اوربا سنوي ياخذ معة علبة جبنة حجم كبير ومربي وبنات بتر كلها حجم كبير وهناك ياخذ صامولي او توست لان الاطفال يجوعون ولاعندهم صبر ويمكن اخر الليل يصحى يبي اكل اذا انتم من هواة الشاهي والكيف خذو معكم العدة كلها وفية هناك محلات عربية تحصلون |
اقتباس:
:58::58::58: |
و الله يا أن بعض الأشياء تؤخذ علشان تضيق عليك من كثر ما تنقلها !! هي وجهات نظر .. و أوروبا مليانة سوبرماركت كبار و متوفر فيها كل شئ تقريباً حتى بعض المدن متوفر فيها بقالات عربية أما ازيد شناط علشان قدر ضغط و فناجيل و معاميل و دلال و بالأخير الرحلة 10 أيام و الله ما تسوى التعب |
ابو معتز هي تعتمد على المدة والعدد وعلى الميزانية انا اخوي قبل 3 سنوات سافر النرويج والسويد وكم دولة عائلة من 11 شخص مدة 18 يوم صرف فيها 98 الف ريال |
المقصد يا أبو نواف أنه بدل حمل أغراض أضافية تتعبك في التنقل كل شئ متوفر و الحمد لله مثل الخبز التوست و الجبنة الشرائح متوفرة في كل البقالات أذكر أثناء زيارتي إلى زيلامسي تقضيت من سوبرماركت لقيت فيه كل شئ أحتاجه و لاحظ حتى الأكل الحلال متوفر و مميزينه في الثلاجات و الرز و المكرونة و كل اللى يخطر على بالك حتى أذكر نسيت أشتري غرض من السوبرماركت و يوم ذكرته كان في طريقي بقالة عربية مريتها و لقيته بسعر يمكن 3 أضعاف سعر السوبرماركت و اذا تبي الصراحة .. كل سائح يفصل رحلته على ما يرى و يناسبه شخصياً ضد حمل أغراض طبخ و قدور في السفر و ان طبخنا تلاقيه شئ خفيف و سريع ما يحتاج ترتيب مسبق كآني مقيم بالديرة سنة !! |
اذا رحلتكم مدتها قصيره ماله داعي ثقل على عمركم اول ما توصلون روحوا اي جمعية واخذوا اللي تحتاجونه مثل ما قال بومعتز كل شي متوفر |
| الساعة الآن 04:24 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO