فزعتكم واقتراحاتكم لشهر العسل مابين النمسا والشمال الايطالي
 

السلام عليكم

شهر العسل ان شاء الله راح يكون من 12 سبتمبر تقريباً ( للآن ماحجزت شيء لكن الحجز هاليومين ان شاء الله)

ماقد سافرت الا الى جورجيا ، اتحدث الانجليزية.

ودي اجلس من 16- 20 يوم، الميزانية 35 - 40 الف ريال سعودي.
ابغا استأجر سيارة اغلب مدة الرحلة او كلها بناءً على نصايحكم.
يهمني طبيعة ومناظر واجواء + العاب وفعاليات اكثر شيء وبعده التمشية بسناتر المدن


ابغى نصائحكم الله يجزاكم خير بخصوص:

الجدول ،سويت هالجدول بناءً على بحث شخصي وقراءة المواضيع بالمنتدى وابغا تعليقكم او تعديلاتكم الله يعافيكم:

انزل في سالزبورج واجلس فيها 3 ايام ومنها ازور هالشتات ، طبعاً السيارة بكون حاجزها من قرية freilassing الالمانية. (هل تنصحون بالسكن في سالزبورج او هالشتات او قرية اخرة حولهم؟)
زيلامسي وكابرون 6 ايام (السكن كابرون او ماتقترحونه)
اقليم التيرول 4 ايام (السكن انسبروك او ماتقترحونه)
اوريتساي والشمال الايطالي 5 ايام ( السكن لا أعلم وابغا اقتراحاتكم)
ميلان يومين للتسوق (واسكن فيها لأن بسلم سيارتي اول ما اوصل ميلان)

مشكلتي ب هالجدول ان من اوترياسي لميلان طويلة 3 ساعات ونص او هل تنصحون بتعديل الجدول؟ ووين تنصحون اسكن بالشمال الايطالي بحيث تكون طول مدتي هناك بمكان واحد او مكانين بحد اقصى
+ هل الايام اللي حاطها لكل مدينة مناسبة مقارنة بالاماكن اللي تستحق الزيارة؟ او هل فيه مدينة تنصحون ازود او اقلل الايام؟
هل تنصحون بالسكن بالمدن ولا بالقرى اللي حولها؟ واذا ممكن اقتراحات اسماء القرى او المدن للسكن فيها حسب الجدول بحيث تكون نقطة انطلاق للاماكن السياحية اللي حولها

+ تسليم السيارة متى تنصحون؟ سمعت ان السواقة بميلان صعبة وهل الافضل اسلمها اول ما اوصل ميلان واجلس اخر يومين بدون سيارة؟

وآسفين على الإطالة والله يجزاكم خير

وعليكم السلام ورحمة الله وبركاته
مبروك ربي يوفق
الجدول بشكل عام ممتاز
واكيد انك ما اخترت هذي المدن إلا بعد اطلاع على هذه المدن وقناعتك فيها
أنا أفضل إذا الشخص عمل جدول وهو على اطلاع وبحث يعتمده
لان لو سألتني ممكن تكون رغبتي تختلف عنك
مثلا انا راح اقلل الايام

بخلي سالزبروغ يومان
وكابرون اربع ايام
واقليم تيرول ثلاث ايام
وشمال ايطاليا 3 ايام
وميلانو ثلاث ايام



لكن انت بحكم انه شهر عسل ماراح تمل
بخصوص السكن وين تنكن انت لاتبعد عن المدينة الهدف يعني عاد لاتسكن فيها اسكن قريب منها
مثال زيلامسي تقدر تسكن في كابرون او بيسندورف

السيارة في ميلانو لو شباب قلت سلمها اول ماتصل لكن بما انه شهر عسل افضل تكون معك وتسلمها بالمطار