|
زيلامسي الاخوه الأعزاء قرأت الكثير عن الأماكن السياحيه وحاولة ارتب جدول وهذا كله ليس بالصعب لكن توقف المشروع للسفر لزلامسي بسبب حيرتي في الوصول لها من فينا تواجهني عدة اسأله ١_ من المطار بجلس ليله واحده في فينا لكن كيف اصل بالقطار لزلامسي اريد تفصيل ممل بالشرح اذا تتكرمون علي يعني اسم محطة القطار ؟و اي قطار؟ واذا وصلت لمحطه معينه هل اخذ قطار اخر او اخذ تكسي وكم اسعار التذاكر؟ وكيف اتنقل للرحلان بعد وصولي لزلامسي هل الفندق يوفر مجانا مواصلات جماعيه للرحلات يوميه بمعني ان كل يوم رحله تشمل المواصلات؟ ٢- علي فرضا استاجرت سياره من أين استأجر سياره ؟ وكيف اصل لشركة التاجير وانا جديد ومتخوف اني ماادل الشركه واذا فرضا وصلت للشركه غير متأكد اني بعرف اني اوصل للشركه عند إرجاع السياره؟ ثانيا اريد قوانين السياقه؟ وكيف اتصرف في مواقف السيارات وهل من الممكن أن أجد مواقف دون دفع نقود ؟ ماذا لو حدث السياره مشكله حادث او مخالفه لجهل مني ؟ وعلى فرضا تهت للوصول للفندق هل من يرشدني بسهوله؟ وهل استأجر السياره للوصول فقط لزلامسي اما الرحلات فهي ممكن نتصرف عن طريق الباص او وسيلة مواصلات اخرة؟ ٣_ هل تكفى ميزانيه يوميه ١٠٠٠ ريال سعودي من جولات واكل لغدى وعشاء ومواصلات لعدد ٣ أشخاص بالغين ٣_ اذا لاتوجد لدى الشجاعه بستاجر سياره هل من الأفضل ترك الموضوع والاعتماد على المواصلات العامه؟ هل المواصلات العامه سهله وماذا عن الاسعار؟ هل يوجد مترو في زيلامسي لان المترو هذا اصعب حاجه واجهتني في الاسفار لا استطيع الوصول للمكان عن طريقه |
السلام عليكم و رحمة الله و بركاته .. أخ كمون هدي شوي ترا الأمور سهالات "هي سهلة ما تستصعبهاش" نأخد الموضوع حبة .. حبة و نبدأ بالأنتقال إلى زيلامسي من فيينا طبعاً القطارات من فيينا إلى زيلامسي ما هي مباشرة لا تغيير محطة تركب القطار متن فيينا محطة Wien Westbahnhof و تنزل في سالزبورغ Salzburg و تركب قطار ثاني إلى زيلامسي القطار من فيينا أسمه WESTbahn و من سالزبورغ أسمه Saalfelden Bahnhof REX 3 كل المعلومات هذي بتلاقيها في محطة القطار إذا جيت تحجز و تكون مكتوبة بالتذكرة و أسعار التذاكر يعتمد على حسب توقيت القطار و درجة الأركاب المتوفرة وقت الحجز إذا وصلت محطة زيلامسي خذ تاكسي للفندق في زيلامسي الفنادق ما توفر جولات سياحية للنزلاء إذا أستأجرت سيارة من زيلامسي المكاتب في كل مكان و الغالب بتلاقي فروع لشركات التأجير في محطة القطار فخلي أستئجارك من عندهم علشان يسهل عليك معرفة العنوان إذا رغبت ترجع السيارة ... قوانين القيادة كثيرة و يصعب شرحها في هالأستفسار و لكن الأهم التقييد بالسرعة القانونية في الشوارع الرئيسية و داخل الأحياء السكنية و المواقف في بعض المواقع ليست مجانية بالنسبة للحوادث .. لازم ضروري تأمن على السيارة تأمين شامل تحمل صفر أما الضياع .. الله يخلي قوقل ماب لو تحط عنوان بيتكم و أنت في زيلامسي عطاك الأتجاهات لا تقلق تبي النصيحة و الرأي .. إذا تبي تستمتع برحلتك أستأجر سيارة و أعمل حساب ترا الأيجار غالي و البنزين غالي في أوروبا و المواصلات العامة تبقى خيار جيد و لكنه مقيد بمواعيد باصات و قطارات الميزانية 1000 ريال باليوم و لــ 3 أشخاص و الله يا أخوك ما أقدر أفتيك لأن الصرف يختلف من شخص لأخر و بنفس الوقت أنت ما ذكرت الأشخاص كبار أو معكم صغار مثل ما ذكرت لك المواصلات العامة خيار جيد و لكنه مقيد (رأي شخصي) زيلامسي ما فيها مترو لأنه الديرة صغيرة تلفها في ربع ساعة لعل أكون أصفت لك ولو قليل من التوضيح لأن التخوف عند و التوجس من السفر مسيطر على تفكيرك (هونها و تهون أنت رايح تستمتع) |
والله شرحك وافي وجميل ويشجعني ان أضيف مزيد من الاسئله ١- بعد وصولي سالزبورج هل اذهب لمحل التذاكر واقطع تذكره لزلامسي او بالإمكان ان اقطع تذكرتين من فينا واحده لسالزبورج والثانيه لزلامسي ٢_ كم ساعه من فينا لسالزبورج ومن سالزبورج لزلامسي؟ ٣_ بعد وصولي لزلامسي ماهي وسيلة المواصلات للرحلات واسعار المواصلات هل مقبول او غالي؟ وفي حدود كم أقصى مبلغ لأبعد رحله؟ ٤_ هل المواصلات متوفره في الأماكن السياحه ولايحتاج احاتي في الحصول على باص او تاكسي؟ ٥_ ماهي وسيلة المواصلات المتوفره تاكسي او باص؟ ٦_ هل توجد بطاقة للسياح للاماكن السياحيه؟ و أين أجدها؟ وكم سعر التذكره ؟ وكيف استخدامها؟ ٧_ ممكن جدول لسبعة ايام لاهم وأفضل الأماكن في فينا وسالزبورج وزيلامسي من سفاري ومكان العاب وقمة كابرون؟ وطريقة التنقل |
حياك الله أخ كمون .. و أي أستفسار أن شاء الله الجميع بيردون عليك و هنا أجابات على أسئلتك الأضافية .. ١- بعد وصولي سالزبورج هل اذهب لمحل التذاكر واقطع تذكره لزلامسي او بالإمكان ان اقطع تذكرتين من فينا واحده لسالزبورج والثانيه لزلامسي من فيينا تأخذ التذكرة إلى وجهتك النهائية زيلامسي و تكون الرحلة كاملة في تذكرة وحده و فقط في سالزبورغ تنزل من القطار (لا تنسى حقائبك) و تبحث عن رصيف القطار المتجهة إلى زيلامسي حسب المكتوب في التذكرة و تواصل رحلتك إلى زيلامسي ... ٢_ كم ساعه من فينا لسالزبورج ومن سالزبورج لزلامسي؟ الرحلة بالكامل 4 ساعات و 45 دقيقة تقريباً فيينا - سالزبورغ: ساعتين و نص أنتظار في محطة سالزبورغ 30 دقيقة (و تأكد من الرصيف و الوقت) سالزبورغ - زيلامسي: ساعة و نص ٣_ بعد وصولي لزلامسي ماهي وسيلة المواصلات للرحلات واسعار المواصلات هل مقبول او غالي؟ وفي حدود كم أقصى مبلغ لأبعد رحله؟ بعد وصولك لمحطة زيلامسي خذ تاكسي للفندق (الأسعار ما عندي خلفية عنها) ٤_ هل المواصلات متوفره في الأماكن السياحه ولايحتاج احاتي في الحصول على باص او تاكسي؟ أكيد المواصلات متوفرة بس تحتاج تحدد الوجهة في قوقل ماب و يطلع لك الخيارات و قد يكون بعضها لا تصل لها المواصلات العامة مباشرة أي تحتاج تكمل طريقك أما سيراً على الأقدام أو بالتاكسي ... ٥_ ماهي وسيلة المواصلات المتوفره تاكسي او باص؟ الجميع متوفر و لكن للأمانة ما سبق جربتها في زيلامسي كان أعتمادي على السيارة الخاصة المستأجرة ٦_ هل توجد بطاقة للسياح للاماكن السياحيه؟ و أين أجدها؟ وكم سعر التذكره ؟ وكيف استخدامها؟ يوجد بطاقة زيلامسي و لكنها توزع في بعض الفنادق على النزلاء فقط بالمجان ٧_ ممكن جدول لسبعة ايام لاهم وأفضل الأماكن في فينا وسالزبورج وزيلامسي من سفاري ومكان العاب وقمة كابرون؟ وطريقة التنقل تقدر تدخل على التقارير المثبتة في بوابة النمسا و تطلع على التقرير فيها تفاصيل مفيدة للسواح .. و أما وسيلة التنقل شخصياً أفضل و أنصح بأستئجار سيارة بالتوفيق |
اشكرك على سعة صدرك فكرتك ممتازه بالاستاجار من زيلامسي بدلا من فينا وعلى فرضا استاجرت سياره لثلاثة ايام بسعر ٢٠٠٠ ريال لفترة ٤ ايام كم سعر لتر البنزين؟ هل اعبي بسعر ٥٠٠ ريال ومن الممكن تكفي طول الرحله؟ بحسب دراستي لموضوع الاستاجار فإن التكلفه عاليه لان لو حسبنا ٢٠٠٠ + ٥٠٠ ريال بنزين + ٢٠٠ ريال موقف للسياره= ٢٧٠٠ الي ٣٠٠٠ ريال للمواصلات أليس سعر كبير جدا والتأكسي سيصبح اوفر؟ من الممكن بنبسط لكن التكلفه للمواصلات ستنزف من الميزانيه ويمكن اللغي بعض الرحلات نقطه أخرى اذا ممكن أسماء الأماكن التي لاتتطلب جهد للوصول لها مشيا او صعود متعب يعني يوصلني التاكسي للمكان المحدد واتجول براحه ثم ارجع للبوابة واخذ تاكسي للفندق |
بالتأكيد أنت الوحيد اللى أدرى بالميزانية و التخطيط لها ... و تفكيرك و حسبتك صحيحة من وجهة نظرك و قد يكون التكفلة أعلى و فيما يخص التنقل بالمواصلات العامة للأمانة تجاربي فيه فقط بالمدن الكبيرة و التى أضمن أنني ما أن أخرج من المكان حتى أجد الباص قادم أو محطة مترو أمامي و أو بالقرب .. هذا لا يعني أن زيلامسي لا يوجد بها مواصلات عامة بالعكس مليانة بالتأكيد و أيضاً هناك تقدر تطلب أوبر و لكن بالنسبة لي لم يسبق لي التعامل معهم و لعل الأعضاء الذين جربوا المواصلات يفيدونك ... بالنسبة للجدوال أتمنى ما تتعدى هالتقرير الشامل من أخونا المتميز أبو منار إذا ناوي أوربا السنة هذي وخاصة اذا هي سفرتك الاولى ضروري تتفضل هنا أدخل و تصفح التقرير و خذ منه ما يتناسب مع جدول رحلتك بالتوفيق و أتمنى لك رحلة سعيدة |
الله يسعدك اخي الفاضل وعلى سرعة الرد وهذا يدل على قلبك الكبير وأخلاقك العاليه ربي يوفقك وكل اجابه اري تمنحني فكره مادام أوبر موجود في زلامسي اعتقد هذا افضل خيار لكن حسب علمي زيلامسي غير متوفر خدمة اوبر اذا احد من الأعضاء يفيدني عن المواصلات العامه والتاكسي في زيلامسي وطريقة التعامل معها للوصول للاماكن السياحيه |
اقتباس:
الله يسهل أمورك و يوفقك يا رب فترة الصيف تكون زيلامسي مزحومة سياح و أكيد يتوفر أوبر و أن شاء الله يفيدك أحد الأعضاء ممن لهم تجربة سابقة في التعامل مع المواصلات |
مساء الخير جميعاً عزيزي كمون , أخوي أبو معتز ما قصر ما شاء الله عليه بعطيك إقتراح بسيط بما أن الميزانية محدودة وقد تلغي بعض الرحلات في زيلامسي أو غيرها , أجار السيارة ممتع وما نختلف عليه وخاصة بين المدن تكون المتحكم بكل شيء ، ولكن رحلتك بتعتمد عالقطارات بين المدن والإقتصاد قليلاً وإذا وصلت زيلامسي بتكلفك السيارة كم ألف مع الوديعة والتأمين والوجهات هناك بسيطة لا أرى أن تتعب نفسك بالحسابات والخوف من التكاليف العالية . التكاسي في زيلامسي نار وشرار أنصحك تعتمد عالباصات ولو أنها أقل متعة ولكن لن يكون هذاك الإختلاف فالنهاية مرتاح البال والجيب 😂✋🏼 إذا بتسكن في زيلامسي توجد محطة حافلات بالقرب من مركز البريد zell am see postplatz وتجد أيضاً مركز معلومات لو تسأل يدلونك تشتري من عندهم تذاكر للباص بحسب الوجهات المرغوبة يعطوك كتيّب فيه جدول الباصات وأرقامها مثلاً : الباص اللي رايح كابرون معروف رقمه 660 سعره للشخص تقريباً 2 يورو للجهة الواحدة لو تاخذ تاكسي قلك 80 - 100 ريال بدون مبالغة وخاصة إذا موسم والباص اللي رايح جهة شلال كريمل والخوانق رقمه 670 وهكذا وله سعره الخاص أتوقع 10 يورو وكل فعالية وجهة لها باص برقم معيّن تحياتي لك |
ابو كيان لك الشكر على الاضافه المميزه اذا تسمح لي ببعض الاسئله😊 ١_ هل الباصات فترة انتظارها طويله؟ ٢_ الباص سيصل لمكان الرحله المطلوبه لكن هل احتاج لمسافه مشي للوصول للرحلات ام في العاده توصل الباصات للمنطقه قريب جدا؟ ٣_ هل الباصات تعمل لغاية ١٠ مساء؟ ٤_ هل توجد شركة أوبر في زيلامسي؟ ٥_ فرضا سكنت في فندق يبعد عن محطة الباصات هل ساحتاج للتاكسي ؟ ٦_ اريد اسأل عن المطاعم الحلال هل منتشره في زيلامسي وماتحتاج مواصلات للوصول لها بمعني هل المطاعم منتشره في كل مكان ام هي قريه لاتعتمد ولاتتواجدفيها الكثير من المطاعم |
العفو عزيزي كمون 1- الباص يتحرك كل ربع ساعة وفي نص ساعة وفي مناطق ساعة على حسب وين وجهتك ( كل باص له رقم وجدول رحلات ) تأخذه من مركز المعلومات. 2- نعم يصل لأقرب نقطة وإذا كانت قمة يصل الى التلفريك 3- لا ياعزيزي الساعة 10 مافي الا أنت والخفافيش أتوقع أخر رحلة الساعة 7 4- أوبر موجود لكن فالليل محد حولك الناس نايمة أو لا تصلح للقيادة 😂فالليل مافي شيء حرفياً 5- بالنسبة للسكن لا تسكن أطراف زيلامسي إذا ما معك سيارة خلك قريب من الخدمات ويوجد كذا محطة حافلات ترا مو بس وحدة لازم تعرف المواعيد اللي يمر فيها الباص وكله من مركز الخدمات 6- المطاعم الحلال في زيلامسي منتشرة بس أكتب في قوقل ماب halal restaurant وتصل لمبتغاك واكتبها في أي مدينة أوروبية وتلقى لك جواب ، زيلامسي ترا صغيرة جداً مشيتها كلها من أولها لأخرها ولكن على حسب الأجواء .. لازم تصاحب google maps لاحظت أنه هوا ما تحتاجه بس أدخل المكان أو المنطقة اللي تبغاها في خانة البحث وهو يقوم بالواجب ويعطيك الخيارات باصات، مشي ، سيارة ، قطار ، طيران ، دراجة ويعطييك جدول الباص أيضاً ، فعلاً لم أجد مثله صاحب فالسفر وترا الموضوع أسهل بكثير مما تتخيل |
اشكرك اخي وكل الشكر للجميع ساحاول اعداد جدول وادرس الموضوع من جديد |
العفو حياك الله |
تركب القطار متن فيينا محطة Wien Westbahnhof و تنزل في سالزبورغ Salzburg و تركب قطار ثاني إلى زيلامسي شراء التذاكر من الموقع أقل بنسبة 50% من شراءها من المحطة مباشرة وعن تجربة |
مرحبا من جديد شباب بعد مراجعة التقارير اتضح ان ميونخ اقرب الى زيلامسي فحبذا لو تم الشرح : 1- اسم المخطه الرئيسيه من ميونح الى مطار سالزبورغ 2- لو اردت استاجار سياره من ميونخ حسب تقارير الاعطاء انها ارخص من فينا هل الطريق الى زيلامسي فيه جبال ومنحدرات ووعر ام سهل جدا ؟ 3- هل هناك خاصية في الشركات بان بالامكان توصيل السياره الى فرع ارغب او اقرب لي وبنفس التكلفه فمثلا من الممكن ان اتركها في فرع المطار او فرع محطة القاطرات او يشترط ارجاعها لنفس الفرع ؟ 3- بما ان زيلامسي تعتبر من الارياف وقريه هل هاك مشكله لو قمت بايقافها في مكان مثلا قريب من مجمع او مزرعه وفيها الكثير من المساحات الفارغه او اي مكان فيه سوق ومحلات مجانيه لركن السياره ام تعتبر مخالفه ؟ |
حياك الله أولاً: ليش محطة مطار سالزبورغ !! انت تبغى تروح زيلامسي ثانياً: الخط سريع وفي وصلات رايح جاي ومنعطفات كثيرة لكن ممتاز ثالثاً : اذا بتحجز من الموقع المفروض محدد فرع التسليم ولكن في حال رغبت تسليمها في أي فرع استفسر من الموظف قد تطبق رسوم إضافية على مناطق أو فروع معينة رابعاً : لا توقف السيارة عند المزارع أغلبها ملكيات خاصة ، تقدر توقف عند الأنهار والمساحات الفاضية بجانب الطريق بس ما تبعد عنها وتتركها - كل المواقف برسوم اللي بجانب الأسواق ، بعضها تكون مجانية لفترات وساعات معينة فقط . |
اشكرك عزيزي القصد من محطة سالزبورغ في حالة عدم استأجر سياره فموضوع الاستاجار لازال قيد الدراسه الله يعطيك العافيك |
العفو يا أخوي مثلاً تريد الإنطلاق من محطة القطار في ميونخ الى محطة سالزبورغ تضع إسم المحطة الأولى في خانة الإنطلاق ومحطة سالزبورغ في خانة الوصول وتسوي بحث : يعطيك عدة وسائل للإنطلاق إما بالسيارة أو قطار الخ.... وإذا اخترت منها خلاص يوضح الطريق أمامك وأدخل عالخريطة وشوف فين موقع الوصول ، هل هي المنطقة المطلوبة أو لا تحياتي لك |
الاخوه الاعزاء ارجوا الاطلاع على الجدول ان كان بالامكان تطبيقه او اذا كانت رحلات بعيده عن بعض لاتناسب نفس اليوم ويتم نقله الى رحله من الرحلات اليوم الاول الوصول لميونخ وراحه اليوم الثاني الى السفر الى زلامسي زيلامسي التنقل بالباصات والتاكسي اليوم الاول : راحه اليوم الثاني : بحيره زيلامسي والتجول بالباخره جولة بالقطار البطئ اليوم الثالث : • قمة كابرون • ثم الخوانق المائيه خوانق مائية وشلال زغموند ثون كلام Sigmund Thun Klamm • بعدها ستكون وجهتنا هي زحليقة كابرون • قمة شميتن هويه اليوم الرابع : شلالات كريملر ( krimmler waterfalls ) بعد ذلك سوف نتجه إلى البيت المقلوب اليوم الخامس • جولة بالطائره على زيلامسي • محمية فيرلايتن اليوم السادس هاشتات • الكهف EISRIESENWELT ( WERFEN ) اليوم السابع : التوجه لميونخ مبيت ليلة واحده للراحه اليوم الثاني التوجه للمطار |
ممتاز 👍🏼 رحلة سعيدة |
شكرا للجميع على المساعده الفعاله |
اقتباس:
|
اقتباس:
سؤال ثاني على فرضا وصلت الى احد الاماكان هل لابد من الوصول الى المحطه الرئيسيه من جديد لاطلب باص اخر يوصلني لمنطقه اخرى او رحله اخرى فمثلا لو اردت الذهاب الى قمة كابرون ثم اردت الذهاب الى هاشتات لمشاهدة الكهف او منطقه تقرب من سالزبورغ هل لابد من الرجوع الى المحطه الرئيسه لاستقل باص يوصل للمنطقه المذكوره سؤال ثالث كيف احصل على كتيب او نشره بسيطه توضح ارقام الباصات وموقعها والمناطق التي يسير لها |
اقتباس:
حجزك حيكون WIEN WESTBAHNHOF -> ZELL AM SEE اسم الشركة وتقدر تحجز اون لاين ( OBB ) المشكلة ان الموقع بالالماني :e50e: بس واضح يبان لك التوقف مثلاً توقفي كان Wien Westbahnhof Schwarzach-St.Veit ثم Schwarzach-St.Veit Zell am See ويعطيك رقم القطار في كل خط والامور سهلة فقط التحدي احيانا انو وقت تبديل القطار 3 دقائق ، طبعا اذا شنط خفيفة يمديكم لانها فقط نزول وتحصل القطار قدامك الثاني ( درج سفلي ) وخلاص . التذكرتين اون لاين كانت خط واحد اشتريتها من هنا قبل وقت ( 48 ) يورو + أختيار المقاعد ( 6) يورو ولاكن لو رجع الزمن كان اخليها درجة اولى لو ضعف السعر وهذا اللي سويته في رحلة العمل بعدها ، السبب نت مفتوح كراسي خيال ، عدد ركاب قليل ، خدمات أفضل اشوفها وتستاهل . ملاحظة في زلامسي ، الفندق اساسا من اول يوم راح يعطوك كل تفاصيل المواصلات وكيف تخرج وكيف ترجع فلا تشيل هم . |
الله يهديك يا كمون ، رجعت الذكريات وخليت الواحد يفكر :19: بلد جميل بصراحة كل تعبه في الفيزا وبس ، الباقي الامور طيبة . |
اقتباس:
|
| الساعة الآن 11:49 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO