|
سؤال عن دراسة اللغه بالخارج السلام عليكم اريد السفر الى الخارج لأخذ كورس انجليزي .. تنصحوني باي دوله وهل يوجد مكاتب موثوق فيها تختص بتسجيلي لاخذ كورس مع ترتيبات السفر والسكن ؟؟ للعلم انا مقيمة بالمدينة المنورة |
و عليكم السلام سعيدين بتواجدك بيننا بريطانيا و امريكا هي الافضل و أنا ارشح بريطانيا لقربها نوعا ما فيه كورسات بماليزيا و الهند و جنوب افريقيا بس الموضوع يعتمد على ميزانيتك و نعم فيه مكاتب كثيرة تساعدك لكن الافضل تبحثين بنفسك |
اولا اشكرك جدا على الرد و صحيح ناس كثير نصحوني ب كندا او بريطانيا واظاهر راح استقر على بريطانيا بإذن الله بس ممكن تعطيني مجموعه من المكاتب او على الاقل مكتب واحد اتواصل معه يكون تسجيل الكورس واخذ سكن عن طريقه |
بأي شهر ناوية ؟ ومن أي مدينة ؟ لو كنت بجدة كان متواجد بمعرض السفر أكثر من مكتب |
انا بالمدينة المنورة وناوية ان شاء الله اذا سهل وخلصت كل الاجراءات يكون في شهر 5 او 6 |
اهلا .. اختي قبل ماتروحي برى البلد لازم تكون عندك اساسيات اللغة هذا اهم شيء اكثر الطلاب يروحوا لهذي الدول : 1 ـ بريطانيا اللغة الام يعيبها الغلا واخلاق البريطانيين لك عليهم فمعاملتهم 2 ـ امريكا رائعة فكل شيء رخيصة اهلها سهلين يعيبها بعد المسافة فقط " لي قرابة راحوا امريكا للدراسة يمدحوها كثيييير " 3 ـ كندا استراليا جيدة جدا 4 ـ نيوزلاند ماينصحوا فيها نطقهم صعب تمنياتنا لك بالعلم اللي ينفعك فالدارين لاتنسيننا من تقريرك وتفيدي اخوانك فالعرب المسافرون هولمز |
مع انك كاتبة فوق بس نسيت ههههه شوفي الاسعار هنا عشان تأخذي فكرة متكاملة ط¹ط·ظ„ط§طھ ط§ظ„ط¹ظ…ظˆط¯ظٹ- ط¯ظˆط±ط§طھ ط§ظ„ظ„ط؛ط© ظپظٹ ط§ظ„ط®ط§ط±ط¬ - ط¨ط±ظٹط·ط§ظ†ظٹط§ |
اقتباس:
امريكا يقولون مافيها امان خاصة للنساء والمحجبات بالذات بريطانيا ما كنت اعرف انها غاليه وهذا شي يخوفني لان اول مره اسافر وماعندي خبره كندا يمدحون فيها والله بس مشكلتها بصعوبة الاجراءات ان شاء الله الله ييسرها واكيد راح اكتب تجربتي اذا سافرت عشان يستفيدون الناس وخاصة النساء مشكور على الرد |
اقتباس:
واذا تعرف مكتب بالمدينة يكون افضل مشكووور على المتابعه معي ومجهودك الله يوفقك |
امريكا عن معرفه ابد لم يواجهوا اي مشكله بخصوص الحجاب والمسلمين كثير هناك الا بعض معارفي منقبات فيه صعوبه لكن ماحد له ع احد .. اذا بالامكان فيه معهد لدراسة اللغة نسائي فقط في لندن اسم المعهد العجمي .. استخيروا وتوكلوا وراح تدعوا لنا هولمز |
راح ابحث عنه مشكورين والله على مجهودكم واذا احتجت شي برجعلكم بإذن الله |
اتوقع عندهم فرع بالمدينة حاضرين بأي وقت |
حياج الله بين اخوانج والحمدلله الشباب ما قصروا انزين انتي محدده شكثر بقعدين ؟ ومع عايله ولا بروحج والخ ؟ و اي منطقه ؟ |
اقتباس:
|
اقتباس:
سويت بحث على النت كان الافضل في الاسعار ماليزيا .. بس رجعت لنفس المشكله ما ادري كيف اسافر وكيف اراسل الجامعه ووين اسكن ... هذا غير ان ناس ناصحوني اقدم على دراسة ماجستير وراح يكون في سنه تحضيرية لغة اذا عندك خلفية عن الموضوع ياليت تفيدني |
ماليزيا الفايدة فيها قليلة أنا جلست مع ناس درسوا فيها ما اعجبني تحصيلهم و الهند مشكلتهم اللهجة لكن انا ارسلت اثنين من اخواني لمدينة قوا تأسيس وكانت النتيجة ممتازة بس كانوا متضايقين جداً من الاكل و الحياة هناك |
المشكلة ان النت مو مضمون اسعار كثر ومتفاوته والاغلب يقولي راسلي الجامعه كيف اراسلها وانا ما عندي لغة .. ابغا مكتب يعطيني عروض باسعار مناسبه للدراسه والسكن في اي دوله ومو مشكلة مستوى التحصيل النهائي لان على الاقل اكيد راح اكتسب لغة من مجرد التعامل مع الناس وكافي خبرة السفر لاول مره |
اذا تبين بريطانيا اخذي مناطق بعيده مثلا برادفورد bradford سوانزي swansea كل ما بعدتي كل ما تقل التكلفه |
اذا كنت تبحثين عن تعلم اللغة فعلاً فـ شهرين في بريطانيا او امريكا او استراليا عن سنة في ماليزيا و الهند و غيرها لأنها لغتهم الرسمية لو حبيت تقللين التكلفة انتظمي مع المعهد البريطاني هنا اشوفه الافضل و بعدين خذي لك شهرين أو ثلاثة ببريطانيا للتطبيق و تطوير المحادثة اما اذا كان هدفك تعليم و سياحة بنفس الوقت ممكن ماليزيا لأنها تجمع بين التعليم و الترفية و اعتدال الاسعار |
ماعندي مشكلة بس وين الي يدبرلي سكن والتقديم والفيزا |
اقصد على ماليزيا لان هدفي تعلم ومعيشه |
اقتباس:
|
شوفي هذا المعهد يمدحونه بماليزيا ELS Language Centres, Malaysia: Learn English in Malaysia متأكد فيه مكاتب انتشرت بكل مدينة تجيب لك القبول و تساعدك في اوراق التقديم لكني ما اعرف أحد معين |
بالنسبة لبريطانيا... احنا موجودين فيها حاليا والوضع من ناحية الامن والناس ممتاز جدا حتى بالنسبة للمنقبات ( يعني هذا الموضوع لا يشكل لك هاجس ) - الدراسة تقريبا يكلف الاسبوع 235 باوند تقريبا وتختلف المعاهد . - السكن اذا مع اسرة ممكن الاسبوع يكلف 300 باوند بالاسبوع تزيد وتنقص . - اسرع طريقة لتعلم اللغة هي السكن مع عائلة وفيه خيارات كثيرة للعائلة ، ممكن تحصلين وحده عايشة لحالها والافضل تكون كبيرة في السن. -المعهد هو يوفر لك السكن مع العائلة بحيث تغيرين العائلة لو ماناسبتك . - في النهاية الحياة في بريطانيا مثل السعودية ماتفرق من ناحية الصرف والمعيشة اذا طلعنا موضوع السكن لان السكن هو اللي فعلا غالي هنا |
منور يا بو عبدالله أخبارك و كيفك مع الدراسة يا عسل حسب تقديرك التكلفة 500 باوند بالاسبوع يعني حدود 2700 ريال لو ضربنا في 4 أسابيع يصير الشهر 10800 ريال لو أضفنا لها المصروفات 1200 ريال يطلع المجموع 12000 ريال شهرياً بحيث أن العائلة توفر للطالب وجبتين هل هذي الحسبة التقديرية قريبة من الواقع يابو عبدالله الله يسعدك |
اقتباس:
|
الله يوفقك ويسدد خطاك دراسة اللغة ببريطانيا سألت الاسبوع الماضي وكانت التكلفة بحدود ٣٠الف ريال للمعهد لمدة سته اشهر طبعا مو بلندن بمدن ثانية اهم نقطة هنا اختيار معهد كويس وكمان مهم تكون المدينة فيها حياة عشان تمارسي الحديث مع الناس لان الممارسة هي الي راح تفيدك والسكن اذا تحبي في معاهد يوفروا سكن خاص وفي سكن مع عائلة وانتي براحتك كمان مدينة اكسفورد غالية لان فيها جامعة مهمه واغلب سكانها طلاب فبكذا اسعار السكن والمعاهد اكيد بتكون مرتفعة وصدقيني الفلوس تضيع بكل شي الا العلم شوفي في مكاتب مخصصة لخدمات الطلاب للدراسة في الخارج كمان اعرف ناس راحوا ايرلندا ويمدحوها لكن انا افضل بريطانيا |
مشكورين جميعا ع الرد هدفي من دراسة اللغة هو دراسة الماجستير وفي وحده الله يجزاها الجنه نصحتني اني ادور على الدراسات العليا اولا وبعد قبولي في اي جامعه راح يكون في سنه تحضيرية للغة سالت اكثر من مكتب لقيت ماليزيا والمانيا مافي ارخص منهم بس في نقطه مهمه ماحد كلمني عنها المكتب قالي ﻻزم اترجم جواز سفري وشهادة البكالوريوس لانجليزي !! في احد يدري كيف اترجمه |
الجواز مترجم كيف تترجمه البكالوريوس ممكن الجامعه تطبع لك شهاده بالانجليزي ولا تأخذ وقت ( هل شهادتك كلها بالعربي ) |
ايه كلها عربي واكيد بياخذون وقت لو طلبت شهادة بالانجليزي |
اقتباس:
انا جبت القبول بنفسي من المعهد وقدمت على الفيزا بكل سهولة وخلال 10 أيام عطوني فيزة دراسة رغم اني مقدم على فيزا سياحه ان شاء الله بعد اسبوع بروح هناك مدينة فكتوريا مقاطعة او ولاية بريتش كولمبيا وقريبه من فانكوفر وقريبه من سياتل الأمريكيه عموما لو حبيت او حبيتي كندا انا ممكن اساعدك واجيب لك القبول لو حبيبي مجانا فقط تدفعين رسوم القبول اللي تعادل 450 ريال سعودي للمعهد |
بالنسبه لكندا السكن راح يكون بفندق قريب جدا من الدوان تاون يعني مشي 10 دقايق بس والمعهد بالدوان تاون بالنسبه للحجاب في كندا فكندا بلد مافيها عنصرية لأن فيها كل اعراق العالم وجنسيات متعدده يعني كثير سعوديين واسيويين عندهم جنسيات كنديه واصلا الكنديين الأصليين تقريبا قليلين اشوف كندا خيار مناسب جدا خصوصا لك كفتاة وخصوصا مدينة فكتوريا لأنها هادية وكل شي حولك لو سكنتي بالفندق اللي بسكن فيه بالدوان تاون ماتحتاجين سيارة ولا شيء والباصات موجودة وكثير محجبات وحتى بنقاباتهم حسب الكلام اللي سمعته |
| الساعة الآن 08:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO