|
بعد آه يالندن ... تجربة دراسة أبنائي ببريطانيا صيف 2017 السلام عليكم ورحمة الله وبركاته بعد قراءتي لموضوع آه يالندن ودراسة ابناء الاخ آخر فرصة في لندن حبيت الفكرة وأستغل سفرتنا بالصيف للتعليم سوف أسرد بأذن الله خطواتي وتجاربي للاستفادة منها.. |
نظراً لأن غرض السفر سياحة وتعليم حبينا نختار افضل المدن البريطانية سياحة ويكون توجة بكثرة معاهد اللغة فيها تم أختيار مدينة برايتون جنوب لندن وتبعد عن لندن أقل من ساعه بالقطار وقريبة من مطار جايتوك |
وعليكم السلام يا هلا ومرحبا سعيد بانكم استفدتوا من تجربة ابنائي في بريطانيا العام الماضي و متابعين معاك تجربة ابنائك الله يحفظهم لك و ياليت يكون بالتفصيل عشان الكل يستفيد الله يسعدك |
البحث عن سكن بهذه المدينة صعب ومكلف جداً وفقنا الله لأخذ شقة مبتعث راجع السعودية بهذة الفترة وبهدف نفيد أخواننا السعوديين ونستفيد والحمدلله وفقنا لهذا قمت بعمل ملف بعد أنتهاء زيارتي لبرايتون يلخص عناء البحث للراغبين الذهاب لها https://drive.google.com/file/d/0B1w...ew?usp=sharing |
اقتباس:
فعلا أستفدنا وندعيلك مهما كتبت عن التجربة لاتكون مثل كتاباتك وتفاصيلك لاكن نحاول قد مانقدر بأذن الله |
مدينة برايتون مدينة ساحلية ع البحر وتعتبر من أشهر المدن السياحية البريطانية وتنقسم الى ثلاث مناطق الهوف والمارينا وبينهما برايتون الهوف منطقه راقية وسكنية برايتون تعتبر المركز والسنتر المارينا منطقة هادئه ويكثر فيها الشقق المفروشة للايجار ولاكن يعيبها هدوءها القاتل ماحبيتها شقتنا غرفتين بالهوف قريبة من الهوف بارك سعر الشقة بالاسبوع 500 باوند يعتبر السعر مناسب بعد البحث يفضل لمن يرغب الذهاب لبرايتون وقبل حجز التذاكر البحث عن سكن لندرة السكن فيها وكثرة السواح المدينة جداً جميلة ويعشقها من يحب البحر وحولها القرى الخلابة كل ويكنئند حافل بالذهاب خارج المدينة او لندن لايحتاج الامر للمبيت بلندن الذهاب من الصباح للمساء نظراً لقربها منها |
2 مرفق بالنسبة للدراسة بناتي 11 سنه و 13 سنة وأبني16 سنة كل أجازة نستغلها بالمعاهد داخل السعودية وهذه أول تجربة دراسه بالخارج لهم تواصلنا مع شخص يرشح لنا افضل المعاهد بالمنطقة وأختار لنا معهد Brighton Language College اطلعت على تقييمة كان عالياً ووافقت نجيب قبول منه بحيث يكون البنات بدون أنشطة والابن مكثف مع عائلة المدة 6 أشهر والحمدلله تم القبول وشرط المعهد أستخراج فيزا شورت تيرم للابناء وليست فيزا سياحية واعطانا ورقة لكل طالب نرفقها للسفارة البريطانية بجدة ملف مرفق 3412 وهاذة الورقة ضرورية بالمطار سألونا عنها عند الدخول |
2 مرفق المعهد طلب منا دفع المبلغ كامل قبل الموعد بأسبوعين لضمان المقعد رفضنا وتجاهلنا طلبهم وهذا أحلى قرار اتخذناه بالنسبة للاسعار 6 أسابيع ملف مرفق 3413 ملف مرفق 3414 بعد وصولنا لبرايتون كان يوم خميس ذهبنا صباح الجمعة للمعهد عشان الدفع وترتيب الامور للاسبوع الجاي أخبرنا المدير بأن لم يتم حجز عائلة للولد بسبب عدم الدفع المسبق وحالياً لايوجد عوائل متاحة تقبلنا الامر ودفعنا حق اسبوع واحد للثلاثه ابنائي بغرض تجربة المعهد قبل التورط فيه وفعلا بعد أول اسبوع لم نلاحظ أي فائدة من المعهد لو قليل بخلاف معهد بيرلتز بالسعودية وذهبت الى ادارة المعهد واخبرتهم اني لم الاحظ اي فائدة على اولادي حتى الواجبات المنزلية لم تعطى والكتب يتركونها بأمر من المدرس في الفصل فأخبرني بأن ابنائي أقل من 18 سنه وهذا نظام التعليم ببريطانيا ان يكون بالتقاط الطالب للمعلومة بنفسة لم أقتنع بكلامه وليس لدي الوقت لاضييع الاجازة دون فائدة لابني الكبير لانه بمرحلة الثانوي وضروري اللغة له الآن سألت المبتعثات عن افضل معهد يرشحونه بتجربتهم فأرشدوني الى معهد Regent Brighton ذهبت له بنفس اليوم باخر ساعه لدوامهم واخذت قبول لابني الاكبر فقط لانه لايقبل أقل من 16 سنة وتم التجديد للبنات اسبوع اخر بنفس معهدهم الى ان اجد حل لهم |
الاسبوع الثاني او بالأحرى ثاني يوم لأبني بالمعهد لاحظت تغيير كبير عليه حب التعلم الشغف للنطق حل الواجبات المنزلية وكانت كثيرة ويحفظ الكلمات المقررة عليه فسألته عن الفرق بين المعهدين وقال الحمدلله اني غيرت المعهد وبدء بالمدح بالمدرسين واسلوبهم بالتدريس مدرس للقرمر ومدرس للسبيكنينج ومدرس للكلمات او المفردات الجديدة اما البنات لم أجد لهم معهد يلائم أعمارهم لقلة المعاهد لهذا العمر واضطريت اجدد لهم بمهدهم في يوم من الايام جاية للبيت من السوبر ماركت لقيت ولدين سعوديين من الدمام يمشون صغار بعمر 17 و10 سنوات تعرفت عليهم ونحن نمشي و يقولون انهم جايين عن طريق مكتب من السعودية مع مجموعه طلاب وساكنين اهو واخوه بس عند عائلة بالهوف ومعهدهم بالسنتر (للمعلومه السنتر عن البيت 20 دقيقه بالباص) واهاليهم بالسعودية كانت الساعه 10 بالليل وقتها قعدت احذرهم من الطلوع بهالوقت وخوف عليكم صغار والطريق مظلم ويخوف قال المعهد مسوي افينت وتونا خلصنا .. وسالته عن المعهد ليش يطلعكم لحالكم هالوقت قال خايس تورطنا فيه شهرين جايين ندرس ودافعين للمكتب كل شي ومايمدينا نغيير المعهد ويذم فيه اعطاني اسمه نسييت اسمه يقول ان له فروع بكل بريطانيا وتورطنا فيه والقصص المعاهد السيئة كثيير واجهت كمان بنتين تجاربهم سيئة بالمعهد لذالك الحذر الحذر من دفع المبلغ كامل للمعهد بعد6 اسابيع ووقت التجهيز للرجوع للسعودية الفرق كان واضح في أبني اللغة تطورت بشكل ملحوظ يحاول فينا اننا نخلية يدرس كمان اسابيع اكثر وانه مره مبسوط بالدراسة وبتعلم اللغة لاحظت علية بالسنتر كيف يحاول يتكلم مع الباعه ويستفسر ويقرأ اما البنات لم الاحظ عليهم اي تغيير وأذا كان هناك تغيير او فائدة لاتذكر لا تقارن بالسفر والتكاليف |
هذه خلاصة تجربتي للدراسة أبنائي ببريطانيا حبيت أطرحها هنا للفائدة الى لقاء آخر من دولة أخرى بأذن الله |
وعليكم السلام ورحمة الله وبركاته زرت برايتون ساعات قليله لزياره صديق قديما يدرس هناك لغه ولكن لم يستفد بسبب كثيرة المبتعثين الحمدلله أنك ما دفعتي المبلغ كامل الله يعوضك خير أن شاء الله نشوف تجربه أبوغسان هالسنه وتفيدك بإذن الله جزاك الله خير ما قصرتي |
ماشاء الله |
مشكورة اخت ريماس على نقل التجربة للاولاد سواء كانت مفيدة او غير ذلك بالنسبة للمعاهد في الخارج والتي اغلب طلابها عرب لاتكون الاستفادة جيدة لان اغلب وقتهم يتكلمون عربي مع بعضهم الاحسن ان يسكن معا عائلة حتى تجبره ان يتكلم الانجليزية |
اقتباس:
نعم بريطانيا فعلا صارت كلها عرب اما سياح او مبتعثين تجربتي استفدت منها أكيد بالسياحة وبأستفادة أبني الكبير الحمدلله وبأذن الله أكررها بدولة ثانية وبأذن الله تنجح أفضل من كذا |
اقتباس:
نقلت تجربة بناتي كمان للافادة الجميع أغلب الناس تفكر أن الدراسة بالخارج أفضل من معاهد المملكة وانا طرحت الموضوع عشان ابين ان عندنا معاهد افضل ومو كل من سافر درس جااا بنتائج مبهره ويظل كل شي توفيق من الله |
تجربة جميلة راح يستفيد منها كثير فعلا كثير من المكاتب هنا تحول على معاهد هدفها الربحية فقط والمعاهد في بريطانيا تختلف حسب تصنيفها كذلك العوائل تختلف ولابد ننتبه لهذي النقطة لان بعضهم هندي بريطاني او اي جنسية اخرى فهذا من الصعب الطالب يستفيد منهم حلو انك مادفعتي لهم كامل المبلغ واتمنى الكل يبتعد عن هذا لان في بريطانيا ممكن تدفع حق اسبوع وتطلب منهم فيزا ليتر لمدة اطول بل بعضهم يرسل لك الخطاب بدون دفع اي مبالغ مثل ماحصل معكم المهم استفاد الولد الكبير واعجبته التجربة وجودك معهم ايضا اكسبك تجربة كبيرة راح اكتب قريب عن تجربة اولادي السنة هذي مع جنوب افريقيا وان شاء الله يستفيد منها كثير |
ماشاءالله اشوف وايد يتجهون لتعليم أبنائهم للانجليزية من المملكة اللغة مهمة ولازم يكون لها اهتمام من وزارة التربية بالكويت عندنا اللغة الإنجليزية تدرس من رياض الأطفال بالمدارس الحكومية والحمدلله يكون للطلبة رصيد قوي من اللغه الإنجليزية وقواعدها وستة أسابيع بعد فترة قصيرة جدا ربي يوفق ابنائك وحلو اهتمامكم بهالناحية ومثل ما قلتي سياحة وتعليم شكراا لذكر تجربتكم وان شاءالله تكون تجربتكم السنة القادمة افضل |
بتوفيق |
الله الموفق اللغة ليست هدف وانما وسيلة لتسهيل كسب المعارف اشكركم على التفاصيل والمرفقات والجهود في الموضوع |
اتفلو ع تركيا بالاول |
اقتباس:
كم تبعد برايتوي من لندن ؟ |
يعطيك العافية على الموضوع جدا أعجبني فكرة الاستفادة من العطلة الصيفية والسفر للسياحة مع الاستفادة في تعلم لغة خصوصا للأطفال. |
اقتباس:
وفيها قطار الافضل اذا وجهتكم على برايتون تنزلون بمطار جايتوك لانه الاقرب الى برايتون ويمر فيه القطار اقتباس:
6 اسابيع كانت قليله ولاكن احدثت الفرق فعلاً والحمدلله |
نخطط لرحلة الصيف الان لنعيد تجربة برايتون ونسأل الله التوفيق والسداد والخير أينما كان |
كل الشكر والتقدير أخت الجوهرة الله يجزاك خير أختنا العزيزة الله يصلحك لك أولادك ويكتب لك برهم. استفدت جدا من التقرير. |
الله يجزاك خيير ع ذكر تجربتك حبيت استفسر منك اذا فيه معاهد توفر فصول نسائيه خاصه هناك اولا ؟ |
ياليت احد يفيدني |
اقتباس:
اعتذر عن قلة دخولي للموقع لانشغالي بترتيب السفر للصيف الجاي اتذكر معهد الريجنت ببرايتون كانو مجموعه بنات يبغون مع بعضهم وشارطين يدرسونهم نساء وفتحو لهم فصل لان العدد مكتمل بالتوفيق |
| الساعة الآن 12:59 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO