|
الفزعة يالأجاويد بطلع اطور المحادثة وين اروح ؟؟؟ السلام عليكم كيفكم يا اخواني عساكم طيبين والله تقريبا لي شهر ابحث عن مبتعثين او ناس سافرو للخارج لغرض دراسة اللغة لبريطانيا ومالقيت احد يفيد او يساعد سواء بتويتر او مواقع وكلي أمل ان هذا المنتدى راح اجد فيه المساعده وماراح انساه من الدعاء الخير باختصار يااخوان انا درست اللغة في معهد داخل السعودية يعني الاساس عندي ماعمري سافرت خارج المملكة ومخطط أخذ اجازة (( 3 شهور )) على بريطانيا (هدفي) فقط تطوير مهارة المحادثة والاستماع خلال 3 شهور مااحتاج معهد عشان مايضيع وقتي في اشياء مابستفيد منها لأني مو طالب اكاديمي وايضا المدة 3 شهور مو كافية اجلس ادرس كل المهارات الزبدة أنا جتني فكرة عشان اطور مهارة المحادثة يلزمني اسكن مع عاائلة يساعدوني خلال 3 شهور بالتحدث والاخذ والعطاء والسواليف والسياحة والتنزه بعيد عن قروشة المعاهد والالتزام الصباحي والنوم المبكر (( طبعا انا مو كسول )) بس جاي بفلوسي المتواضعه وباجازة قصيرة يعني لازم اتمشى واركز على المحادثة لذلك جا في بالي (بريطانيا) أيش رأيكم ؟؟ بما ان المدة 3 شهور كل شهر اجلس بمنطقة في بريطانيا شهر بويلز وشهر بانجلترا وشهر باسكتلندا أكون كذا مختم نص بريطانيا :17: بس وين أروح في بريطانيا ؟؟ وكيف احمل الفلوس معي ؟؟ هل افتح حساب عندهم ؟؟ وكم تاخذ الفيزا وقت ؟؟ وهل الفيزا سياحية أو دراسية ؟؟ الزبدة ياجماعة الخير ابيكم تساعدوني وتنصحوني بعايلة أو مدينة حلوة او مكان المهم ساعدوني حاس نفسي ضااايع |
شوف تقارير اخر فرصه وابو مشاري عن الدراسه هناك والمعاهد المختصه شوف التقرير المثبته واي استفسار اكيد بيردون عليك https://www.arabtrvl.com/vb/f21.html |
اقتباس:
لكن انا شايب 😄 محتاج شي بعمري لذلك لازال موضوعي يحتاج الى الردود والفائدة وانا بالانتظار |
لا اظن ان في عايله فاضيه تعلمك وتجلس معاك علي هواك انصحك علبي الاقل تاخذ دراسه بارت تايم ومساىي مو شرط صباحي . وتستفيد من الجهتين وكرت الفيزا حق البنك سوا الراجحي او اي بنك ثاني ممكنت تستعمل الكرت فاي صراف هناك بالتوفيق |
اقتباس:
بما اننا ساكنين بنفس البيت نقدر ننسق وقت للتعلم لو ساعة وحده تكفي واساسا انا ايش ابتعلم ؟! محادثة يعني سواليف فيه عوايل صدقني بس محتاج احد جرب هذي التجربة ويفيدني ماني عارف ليه محد من مسافرين بريطانيا يساعد أو يقدم اقل شي نصايح عن حمل الفلوس :11: ونصيحتك حلوة بخصوص بارت تايم وانا بعد فكرت فيها قبل كذا اذا مالقيت احد يفيدني فيه احتمال انسق مع معهد بارت تايم والله يعين على المصاريف الي مالها لزمة عارف جو المعاهد غير مناسب لي لأني مو طالب اكاديمي او متخصص انا بتعلم لغة كهواية كتحدث مع الناس فقط مو اكثر خصوص ا ان المدة 3 شهور |
انصحك لا تسافر عشان المصاريف |
اقتباس:
مابنتظرك ولا بنتظر غيرك بنطلق وبدعمر والله الحافظ بروح للسفارة هناك وان شاءالله بحصل الاجاويد الي تساعد وباذن الله راح انزل تجربتي بالتفصيل وبالصور لمساعدة الآخرين والمصاريف الي كنت اقصدها هي (( المصاريف الزايدة)) مدري تسمع بالادارة المالية او لا ؟ لكن عموما ماني من النوع المغفل الي يصرف وبس عشان الامور تمشي |
السلام عليكم و رحمة الله و بركاته ... أخي الفاضل W18B أتمنى أنك تأخذ الأمور من ناحية أنك ذاهب للتعلم .. و لكل طريق أسلوب تمشى عليه و تتبعه فإذا كنت ترغب في تعلم أو تطوير لغتك الأنجليزية في الخارج فلابد من الأنضمام إلى أحد المعاهد المتخصصة في تدريس اللغة في الدولة اللى تنوي التعلم فيها .... أما فكرتك أنه تسكن مع عائلة و هم يعلمونك .. لم يسبق أن مرت علىنا أو على الأقل على أنا شخصياً ... و للمعلومية أنا عشت في بريطانيا فترة من الزمن و تعلمت اللغة فيها في معهد و سكنت لدى عائلة و كان دور العائلة في ذلك الوقت محصور في نطاق لا يتعدى تأمين المسكن و المأكل و المساعدة في التخاطب القليل ... الذي لم تتجاوز الأستفادة منه 10% .... بينما المعهد كان هو الأساس ... لدرجة أن المعهد كان ينضم لنا زيارات إلى المحاكم و الغرف التجارية .. للأستماع إلى اللغة الرسمية التى تستعمل في البزنس و في القانون .... و أيضاً كان من البرامج التى أعتبرناها في ذلك الوقت من المتميزة ... نزولنا إلى ساحات المدينة و مقابلة السكان و الكلام معهم بعد تعرفهم بالهدف من مقابلتنا لهم .... أجمالاً الشعب البريطاني ليسوا شعب ودود و لطيف .. هم شعب منغلقين قليلاً و لا يتقبلون الأجانب بشكل جيد ... و طبعاً هذي وجهة نظري الشخصية ... نقطة أضافية ... التأشيرة التى ستتقدم للحصول عليها .. يجب أن تكون أما سياحية أو دراسية و لكل تأشيرة متطلبات لابد من توفرها و تقديمها مع طلب الفيزا .... في الختام تمنياتي لك بالتوفيق ... و أن يتحقق ما تصبو إليه ... |
اقتباس:
مشكور يا ابو معتز نصايح طيبه من شخص طيب وكلامك فعلا سليم الشعب البريطاني غير ودود غالبا شكرا لك على الرد والفائدة بقلب الامور وادرس الموضوع من الممكن اغير الدولة وممكن لا على حسب ما اتوصل اليه عموما جزاك الله خير |
هلا يا غالي قد تبحث عن شي مثل هذا سكن مع المدرس مع محادثة يومية بمقدار 4 ساعات يوميا https://www.homestayenglish.uk.com/ |
اخوي درس ببريطانيا شهرين وعند عائله واستفاد كثييير قبل ماكان يعرف للغه ةويس الحين اشوف انه فرق عن قبل والتكلفه اتوقع بحدود٢٤الف |
طبعاً سكن مع عائله ودرس بمعهد وقتها كان يبغى يتعلم اللغه بقوه والي ساعده بعد الله المعهد لإنه يقول حتى انا حاولت ادخل واتكلم مع الي مو عربيين واتعلم فكره المعهد مرره كويسه بس اهم شيء انت وقتها تشتغل ع نفسك انك تتعلم |
اقتباس:
هذا الي كنت اقصده بحذافيره انا كل هدفي تقوية التحدث والاستماع في خلال 3 شهور وبالضبط الرابط هذا هو مطلبي وهدفي اذا جربت اخوي هذي التجربة ياليت تعطينا تجربتك ورأيك عموما ابيض وجه ماقصرت اسال الله ان يرزقك من حيث لاتحتسب شكرا ياصاحبي :3: |
اقتباس:
بالنسبة لي المعهد مابستفيد منه كثير انا كل هدفي السكن العائلي فقط وباذن راح اشتغل على نفسي واستفيد وانقل لكم تجربتي بالصور + والاسعار + والاماكن |
اقتباس:
هلا يا غالي ما جربت الطريقة لكنها معروفة ومفيدة جدا لمن يرغب بتطوير المحادثة لكنها تحتاج تركيز و ممارسة يعني تجلس مع نفس المدرس/ـة 3 شهور و بنفس الوقت تبحث عن احد تمارس معاه اللغة بعد الدرس ممكن في كوفي شوب او الحدائق العامة وفيه طريقة مبتكرة وهي انك تشوف مقاطع افلام او مسلسلات قصيرة وتعيد المقطع 50 مرة مثلا لدرجة انك تكرر الكلمة قبل ما يقولها الممثل وبكذا ترسخ تمام وهنا مثال للمقاطع اكتب في اليوتيوب Learn English Conversation وتلقى مقاطع كثيرة من هذا النوع وممكن برضه تاخذ مقاطع من مسلسل friends الشهير |
اقتباس:
والله كلامك مشجع وباذن الله بجتهد خلال ال3 شهور بركز عليها بشكل كبير بالنسبة ل الموقع الي ارسلته لي واضح انه مفيد جداا بس فيه شغلة ماعرفت لها شوف على سبيل المثال https://www.homestayenglish.uk.com/h...ers-in-sussex/ هنا في قائمة بالاساتذة وكل واحد كاتب وصف او معلومات عنه من ناحية سكنه وموقعه وخبراته بالتدريس تخصصه في تدريس مهارة معينة هواياته ومكونات منزله غرفة كبيرة - صغيرة صاله - فناء للمنزل يربي حيوانات او لا او الحمام عنده مشترك - خاص << وانتو بكرامه يعني تفاصيل توضيحية تخليك تعرف قبل ماتجيهم وتنصدم :58: الشغلة الي ماعرفتها وتمنيت يكتبها (( السعر )) للسكن + التدريس !!! اتوقع الموقع يطلب مني أولا اسجل بياناتي وبعد كذا يتواصل معي او يخيروني بأ ساتذة على نفس مستواي |
السعر حسب البرنامج مثلا هذا البرنامج يبدا من 830 باوند للاسبوع يعني الشهر 3320 يعادل 16300 ريال يشمل الدراسة السكن والاكل واتوقع عليه تخفيض 10% وممكن تتواصل معهم https://www.homestayenglish.uk.com/e...ns-for-adults/ برضه ابحث عن مواقع اخرى تقدم نفس الفكرة ممكن تلقى ارخص ممكن تحدد المدينة كبداية وتبعد عن اللي فيها طلبه عرب كثير وبعدين تبحث عن سكن بسعر مناسب hostel او عن طريق airbnb وبعدين تبحث عن مدرس خصوصي english tutor بنفس المدينة وتختار ساعتين يوميا وبكذا راح توفر اكثر |
:e20c: |
مااصنحك تسافر الا تدخل معهد على حسب ماسمعت من اقاربي وبعدين المصاريف غالية جدا الا اذا كان لك هدف متأكد من نجاحه |
متابع لك اتمنى لك التوفيق حماسك وحبك لتعلم الإنجليزي مثل حماسي لكني اعتقد اني اكبر منك سنا ومازلت اتعلم لكن عن طريق النت والأفلام والأغاني لكن لاتغني عن المخالطة لمتحدثي اللغة |
أكثر شي استطيع افادتك به أكتب بقوقل homestay هذي عوائل ممكن تسكن معاهم وتتحدث المهم اطلع على الموضوع وفقك الله |
بالتوفيق يارب |
| الساعة الآن 03:06 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO