تكفون فزعتكم يا اهل الخير والخبره
 

وعليكم السلام والرحمه الله وبركاتو

مرحبا اخوي منور المنتدى

راح ارد على استفساراتك حسب خبرتي البسيطه

1- اجار السياره اذا كنت بتجي بالطياره فاغلب اللي اعرفهم ينصحون بتاجير السياره من مكتب خارج المطار لان السعر بيكون لرخص وتلقى مكاتب تاجير السيارات منتشره بدبي وخاص على امتداد شارع الشيخ زايد
اما اذا كنت بتستخدم الموصلات العامه فاذا كانت اقامتك قصيره فانصحك فيها بتغنيك خطوطا المترو واذا سكنت قدام المحطه راح يكون ممتاز والمشاوير البعيده مثل المطار القريه العالميه والسوق الصيني استخدم التكسي

2- بالنسبه للسكن افضل المناطق هي البرشا ومنطقه الجي بي ار ومنطقه شارع الشيخ زايد وحسب ميزانيتك تحدد فخامة السكن وممكن تحط تاريخ السفر الميزانيه وعدد الاشخاص وبننصحك بافضل الفنادق او الشقق ضمن ميزانيتك


3- وافضل الاماكن في هذي الفتره هي القريه العالميه وحديقة الزهور بدبي ويوجد بازار في حديقه زعيبل بالهواء الطلق بعد جميل وممكن زيارت الجي بي ار وحديقة الخور وعروض الدلافين القريبه من هذي الحديقه وممكن زياره اتلانتس وممكن جوله في القارب بالمارينا او جوله بالخور

واذا كنت حاب تتسوق فيوجد عندك سوق نايف وسوق مرشد (الجمله ) وسوق التنيني(السوق الصيني )

وبالنسبه للمجمعات عندك مجمع دبي مول من اروع مجمعات دبي وفيه الاكواريم وفيه كيدزينيا اذا عندك اطفال والنافوره الراقصه وفيه مطاعم ومقاهي تناسب جميع الاذواق وممكن زيارة برج خليفة
والامارات مول تلقى فيه سكاي دبي (القريه الثلجيه)
و مجمع ابن بطوطه ومجمع وافي ومجمع فيستيفال سيتي سنتر ومجمع سيتي سنتر وسوق الجميره

4- الجو بصوره عامه وحده بالخليج كله الجو حلو وممتاز للسفر لدول الخليج يعني بيكون نعتدل بالنهار بارد بالليل


وحياك الله بيننا واي استفسار بالخدمه والاخوان والمشرفين ماراح يقصرون

السبت رجعت من دبي...

الأجواء جميلة جدا وبعض الايام كان فيه هتان خفيف مع شوية هوا...

راح تنبسط ان شاء الله

أستأجرنا سيارة من خارج المطار وبدون فيزا... لف على المكاتب وبتحصل....