ساعدوني بجدول لرحلتي
 

والقريه العالميه لها ايام تغلق ولا مفتوحه ان شاء الله بالاجازه؟؟

الله يجزاك الجنه ويحرم وجهك من النار

طيب المواصلات كيف راح تكون للعلم اني من مطار الشارقه راح الاقي سهوله بالمواصلات ولالا
ايضا دبي وش تنصحوني فيه التاكسسي ولا المترو والمترو كيف طريقته؟؟

الباص يتم حجزه مسبقا ولا كيف؟؟
لاني بجلس اليوم الاول بالشارقه ولا تنصحني اروح لدبي ع طول؟؟

أنصح ايجار سيارة. .

والسكن احجز لما توصل وشوف واحجز. ..

السلام عليكم ورحمه الله وبركاتو الاخوان ماقصرو بكل شي

واولا راح اتكلم عن المواصلات انصحك بان تاجرون سياره وقبل ماتروح دبي حمل بجوالك برنامج للخرايط وحط فيه الامكن اللي بتزورها قبل امتروح دبي

واذا حاب تستخدمين المواصلات العامه التكسي مكلف جدا والاوفر لك الباص والمترو لكن راح تتقيدين بوقت الرجوع لان اخر رحله للمترو هو 11ونص يعني قبلها تركبين المترو اذا بتستخدمين المترو الافضل تسكنين في شقق او سكن قريب من المحطه حتى ماتضطرين تمشين للمحطه

هذا موضوع انا مسويته عن المواصلات بالتفصيل

http://www.arabtrvl.com/vb/t13856.html


ثانيا بما ان وصولكم بيكون في الشارقه وتسكنين هناك يوم واذا كانت الرجعه بنفس المطار اجري سياره من الشارقه وخليكم حرين بنفسكم
مع ان المساقه من دبي للشارقه قريبه يعني ماراح يرهقكم الطريق من الشارقه لدبي فلكي الحريه اذا تبين تكتشفون وتجلسون بالشارقه وثاني يوم تروحون لدبي


ثالثا بالنسبه للسكن انصحك حجزي قبل ماتروحين لانك رايحه وقت اجازه السعوديين وراح يكون زحمه وتختارين موقع مناسب قريب من المترو اذا بتستخدمينه وتختارين النظيف مايضيع وقتك ومالك على التكسي وانتي تتنقلين


رابعا بالنسبه للضرايب في دبي هي

10% ضريبه المدينه +10% ضريبه الخدمه وهذي الرسوم تخصم مع الحجز من بوكينج ومثلا اذا حجزك

1000 ريال راح تكون ضريبه (10+10=20) *1000=20000 \ 100=200 ريال ومجموع السكن مع الرسوم 1200ريال

ويوجد ايضا الدرهم الاماراتي هذا تدفعينه للفندق عند وصولك عن كل يوم 10 دراهم ويصل الى 20 درهم لليوم حسب درجه الفندق يعني اذا الفندق 5 نجوم 20 درهم واذا مكان شقق فندقه او 3نجوم او 4 نجوم يكون 10 دراهم وطبعا راح تشوفين في بوكينج تحت الغرفه مكتوب الرسوم الضرائب 10 % خدمه و10% لللمدينه و10 دراهم درهم سياحي

طبعا الحجز في بوكينج او اي موقع للحجوزات يكون بالفيزا اما اذا تبين تحويل يوجد شركه سياحيه اماراتيه مجربه ممكن تتواصلين معاها وتحولين لهم من السعوديه


خامسا عندي استفسارات حتى اساعدك في ترتيب الجدول واذا احبه ارشح لكم سكن


عدد الاشخاص وهل بينكم اطفال


قراركم في الموصلات هل اجار سياره وهو الافضل وراح ارشح لك برنامج خرايط مجرب وطريقه استخدامه


هل توجد اماكن تحبون تزورونها وهل في مخططكم ان تتسوقون في دبي او مجرد سياحه وتمشيات


اذا كنتي حابه ارشح لك سكن كم ميزانيتكم لليله الواحده


وبما انك سفرتك في وقت اجازه ياليت تحجزين بسرعه حتى يكون عندك خيارات كثير وتختارين المناسب منها


بالتوفيق

خلاص خجزت فندق اتانا من تاريخ١٥_مارس الى ٢١ مارس
انا وزوجي وولدي عمر ٤سنوات
طبعا ماراح نقدر ناخذ سياره راح يكون باص ومترو؟؟
وبجلس يوم ١٤ بالشارقه وبعده بطلع لدبي
شايله هم الجدول والمواصلات��������

سعر الفندق 3265 يعني خلاص ماراح يزيدون بالسعر ولاشلون
عجزت افهم هذه النقطه مكتوب غير مشمول الضرائب10 و الخدمه غير مشمول 10 والخدمه السياحيه تضاف الى السعر 15

انتي من وين حجزتي
اذا من بوكينج يطلع عندك السعر من غير الخمه حطي في بالك انه ذا تم السحب من فيزا راح يسحب مبلغ 3265 +653 للرسوم واذا وصلتي الفندق راح يطلب منك الفندق مبلغ يسمى الدرهم الاماراتي (15×6=90 درهم )وهذا زياده على اللي فوق

انتي من وين حجزتي
اذا من بوكينج يطلع عندك السعر من غير الخمه حطي في بالك انه ذا تم السحب من فيزا راح يسحب مبلغ 3265 +653 للرسوم واذا وصلتي الفندق راح يطلب منك الفندق مبلغ يسمى الدرهم الاماراتي (15×6=90 درهم )وهذا زياده على اللي فوق

اما المواصلات الله يعينك لان المترو لازم ترجعين بدري للسكن او انك ترجعين بالتكسي خلي في بالك استخدام المترو والتكسي وراح اشرح لك الطريقه مع الجدول باذن الله

لنسبه للفندق ممتاز وقريب من اهم الاماكن لكن بعيد عن محطة المترو يعني 5 دقايق مشي

بالنسبه للجدول بكره باذن الله احطه لان اجازه ومشغوله شوي

مشكوره ياقلبي اتعبتك معي
يعني المترو بعيد :49::49::49: عبالي قريب منه الله يعين
اوك :49:استنى الجدول

مشكوره ياقلبي اتعبتك معي
يعني المترو بعيد :49::49::49: عبالي قريب منه الله يعين
اوك :49:استنى الجدول

السفر راح يكون اكتشاف الاماكن وسياحه اما التسوق راح يكون السوق الصيني فقط

اليوم الاول 15 مارس

تاخذين تكسي من الشارقه الى دبي لان معاك عفش حاولي تطلعين الساعه 10 الصبح حتى تستفيدين من اليوم ساعه الا ربع بالكثير وانتي بدبي باذن الله وطبعا راح يكون في تكلفه اضافيه لانك بتنتقلين من دبي الى الشارقة لكن ماعندي فكره عن التكلفة

بعد ماتستقرين بالفندق وتخلصين الشيك ان

تتوجهين لمحطه المترو القريبه منك وتركبين المترو والمحطه القريبه منك Dubai Internet City Metro Station 1 دخلي موضوعي وخذي فكره عن طريقه البطاقات وانصحك بطاقه النول الفضيه وطبعا ولدك مايخذون عليه لانه اصغر من 5 سنوات وتنزلين بمحطه DAMAC Properties Metro Station2 وتنزلين من المترو رح تلقين جسر مشاه مكيف تمشين فيه وتوصلين الى محطه الترام الخاصه لمرسى دبي طبعا هنا ماراح تحتاجين تركبين الترام بس بتمرين فيه مشي وتطلعين منها وتلقين نفسك في مرسى دبي تقضين النهار هناك وبعد كذا تطلعين من نفس الطريق اللي جيتي منه الى ان تصلي الى محطه المترو DAMAC Properties Metro Station2 وتتوجهين الى محطة الامارات مول Mall of the Emirates Metro Station 2

وتنزلين بالمحطه راح تلقين مول الامارات امامك مباشره بس يفصلك عنه جسر المشاه المكيف ويوجد في الامارات مول ويوجد في المول القرية الثلجيه ومطاعم ومقاهي ويوجد محل ابل الجديد

وبكذا يكون انتها يومكم اما ترجهين الشقه بالتكسي اذا كان وقت خروجك متاخر او اذا خروجك قبل 11 ونص تركبين المترو والى محطه Dubai Internet City Metro Station والى الفندق مشي


اليوم الثاني 16 مارس


تركبين المترو وتنزلين في محطه مول ابن بطوطه وتنزلين هناك طبعا المول تحتاجين تمشين مسافة على رجولك حتى توصلين له اول ماتنزلين من المترو بتشوفينه قدامك لكن لازم مشي وتتغدين فيه وتمشيه وتاخذين تاكسي الى القريه العالميه و تقضين باقي اليوم هناك وبالتكسي الى الفندق


اليوم الثالث 17 مارس
تركبين المترو الى محطه مركز برجمان وتاخذين الباص السياحي ياخذك بلفه الى اهم معالم دبي ويوديكم المتاحف وبرج العرب والاتلانتس مدته 4 ساعات من الساعه 9 الى الساعه 2 الظهر المهم تروحون بدي وممكن تحجزون من النت وهذا اوفر لك

https://www.cobone.com/ar/deals/duba...d-ticket/42493

ولما تخلص الجوله تركبون بالمترو لكن هنا بوضح لك نقطه يوجد خطين للمترو خط احمر وهو الاساس واللي دايما تستخدمينه ويوجد خط اخضر وهو اللي راح تسالين عنه الان اسالي عن محطه برجمان الخط الاخضر وركبي المترو والى محطه Dubai Healthcare City Metro Station 1 ونزلي راح تلقين مول الوافي مول نزلي وتغدي فيه واقضي وقت جميل الى المغرب وركبي المترو الى محطة Al Fahidi Metro Station 1 وركبي التكسي والى حديقه الخور وممكت تحجزين عرض الدلافين وتدخلين العرض يبدأ الساعه 6 مساءا ممتع جدا مدته ساعه كامله وبعد كذا اذا فيكم قوه امشي الى قؤية البوم وهي ملاصقه بالحديقه لكن مدخلها ثاني او بالتكسي وتتعشون في سفينه داخل البحر وممكن تحجزينها من هنا اوفر لك
وترجعين الفندق بالفندق لانه كان يوم حافل وفلابد من الراحه


هذا العرض الاول

https://www.cobone.com/ar/deals/acti...e-aed-70/43114

وهذا العرض الثاني

https://www.cobone.com/ar/deals/duba...-dhow-39/43289



ليوم الرابع 18
تركبين المترو والى محطه Rashidiya Metro Station 1 وهي اخر محطه تنزلين وتاخذين تكسي الى فيستفال سيتي سنتر يوجد فيه مطعم اماراتي (الفنر ) ممتاز جدا وبعد ماتخلصين تكسي الى المردف سيتي وتتمشين فيه وممكن تدخلين سينما وبالتكسي الى محطة الراشديه والى محطه Noor Bank Metro Station 1 وبالتكسي من المحطه الى كايت بيتش مطاعم ومقاهي على البحر شي حلو ولما تخلصون تكسي الى المحطه Noor Bank Metro Station 1 وبعدين تنزلن في محطة الخاصه لفندقك


اليوم الخامس 19


تركبين المترو وتنزلين في محطة برج خليفه وتاخذين تكسي الى السيتي ورك وتفطرين هناك وبالتكسي لى سوق مدينة الجميره ومن هناك بالتكسي الى دبي مول

عندك الاكواريوم والنافوره واذا حابين تزورون برج خليفة حجزي من النت حتى تحصلين موعد مناسب واوفر لك واذا رحتي النافوره راح تلقين امام مول دبي مول سوق البحار مول صغير وجميل وفيه مطاعم مطله على النافوره منظر ولا اروع طبعا انصحط بالعشا في احد المطاعم المطله على النافوره سواء في دبي مول او سوق البحار والعوده للسكن ممكن العوده بالتكسي لان اخر رحله للمترو راح تكون الساعه 11:30 ليلا يعني قبل هذاالوقت تكون بالمحطه طبعا المحطه ماراح تكون مثل الامارات مول هنا لازم تمشين مسافه وهي عباره عن جسر مكيف يربط بين دبي مول والمحطه يعني تقريبا 7 دقايق تمشين بالجسر وانتي قي المحطه وترجعين الفندق

تركبين المترو وتنزلين في محطة برج خليفه وتاخذين تكسي الى السيتي ورك وتفطرين هناك وبالتكسي لى سوق مدينة الجميره ومن هناك بالتكسي الى دبي مول

عندك الاكواريوم والنافوره واذا حابين تزورون برج خليفة حجزي من النت حتى تحصلين موعد مناسب واوفر لك واذا رحتي النافوره راح تلقين امام مول دبي مول سوق البحار مول صغير وجميل وفيه مطاعم مطله على النافوره منظر ولا اروع طبعا انصحط بالعشا في احد المطاعم المطله على النافوره سواء في دبي مول او سوق البحار والعوده للسكن ممكن العوده بالتكسي لان اخر رحله للمترو راح تكون الساعه 11:30 ليلا يعني قبل هذاالوقت تكون بالمحطه طبعا المحطه ماراح تكون مثل الامارات مول هنا لازم تمشين مسافه وهي عباره عن جسر مكيف يربط بين دبي مول والمحطه يعني تقريبا 7 دقايق تمشين بالجسر وانتي قي المحطه وترجعين الفندق


اليوم السادس 20

هذا ايوم راح تستخدم التكسي ايضا تركبين التكسي والى حديقه الزهور وتتمشين فيها مقاهي ومطاعم وجبات سريعه وبعد ماتخلصين تتوجهين الى حديقه الفراشات هم قراب من بعض ممكن تطلعين ومشي 5 دقايق اني في حديقة الفراشات وبعد ماتخلصين ممكن تاخذين تكسي اذا لقيتي تسالين عن الباص وتستخدمينه في التوجه الى السوق الصيني وبعد ماتخلصين تخاذين تكسي الى الفندق وتنزلين الاغراض وتركبين المترو الى محطه Jumeirah Lake Towers Metro Station ومنها جسر مكيف الى محطه الترام تركبين الترام اللي يوص الى محطة جميرابيتش ريزيدنت 1او 2 كلهم قراب من بعض وتقضين السهره في الجي بي ار (طبعا الجي بي ار ومرسى دبي قراب من بعض لكن انا حبيت اشكل لكم حتى تستفيدين من الوقت خصوصا ان ماعندك سياره



اليوم السابع 21

العوده للوطن

ملاحظات حابه انوه لها :

اولا ك المترو بالبدايه شحني 100 او 50 وجربيه وذالك ببطاقة النول الفضيه

ثانيا :انا استبعدت الباص لاني احس انه مرهق عليكم ومعاكم طفل

ثالثا انصحك خذي عربية اطفال الخفييفه جدا

رابعا :انتي بتلاحظين انك بتنزلين من المترو وتركبين التكسي ؟؟ راح تسالين ليه مااركب تكسي وارتاح لانك راح تختصرين الوقت اولا والمال ثانيا لان اللي بياخذ التكسي عليه 90 درهم تدفعين 12 للمترو و10 للتكسي لان المشوار راح يكون قصير

خامسا: عند استخدام المترو اسالي الى وجهتك اي باب خاص فيها لان يوجد للمترو مسارين واحد رايح وواحد جاي فلابد ان تسالين السكيورتي اى جهه تروحين تعطينه اسم المحطه اللي تبين توصلينه لها ويعلمك

بالتوفيق اتمنى يكون كل شي واضح حاولت ارتب لكم الجدول قد مااقدر وانوع لكم واي استفسار او ملاحظه او حابه تضيفين او تعدلين او اي توجييه بالخدمه

يازينك بس الف الف الف شكر لك ياقلبيي ����
طيب العربيه اخذها من دبي والمترو مايعقدني فيها يعني اخاف
اشري ويرفضون يدخلونها المترو؟؟

العفو اختي احنا خوات وبالخدمه

بالنسبه للعربيه عادي يدخلونها المترو انا دخلت معاي عربة ولدي قبل سنتين وكانت النوع الثقيل اما انتي بما انك بتجين بالطياره فالافضل اشتري العربيه الخفيفه اللي تلقينها برد تاغ تلقين سعرها 99 ريال مره خفيفه مثل عربية العاب الاطفال وكيسيها بالبيت باكياس وغلفيها وشحنيها بالطياره خذيها خفيفه حتى مايزيد عليك الوزن العفش بالطيارة


مثل هذي

http://www.arabtrvl.com/up/uploads/a...7870179311.jpg