|
عدنا أليكم بتخطيط رحلة القادمة الى دبي 3 سلام عليكم اعضاءنا المبدعين اليوم ان شاء الله راح اسدح لكم تخطيط رحلتي الى دبي راح تكون في شهر 11 او 12 قبل راس السنه طبعا الأسعار شيكت عليه غاليه نوعا ما ولكن ما تعوق ان شاء الله وراح تكون من يوم السبت الى الجمعة طبعا السفر لوحدي أفضل :) تقريبا اغلب الاماكن بدبي زرتها مسبقا راح أسدح لكم الأماكن لي راح أزورها ان شاء الله : الأماكن لي زرتها مسبقاً : مول الامارات + ابن بطوطة + سوق الصيني + ميركاتو + تايم سكوير + القرية العالمية+ مارينا مول + جي بي ار + ممشى المارينا + مقهى ثلجي + جولة باليخت على المارينا وبوفية مفتوح + أكواريوم - دبي مول + دبي مول + حديقة الخور وحضور دلافين + ذا لوست تشامبرز + أكوافنتشر مائية اتلاتنس +بوليفارد محمد بن راشد + شاطى جميرا + وايلد وادي + برج خليفة +قرية ثلجية بالامارات مول مطاعم : شيك شاك + غورمية + ميلسنا + فايف قايز + صمد عراقي + صدف + حلاب + فلافل سلطان +برج الحمام + ريم البوادي + الفنر + زعتر وزيت + مطعم بحري بسوق البحار حلويات : نابلسية ------------------------ نجي عندنا الأماكن لي راح ازورها ان شاء الله برحلتي القادمة ومحتاج مساعدتكم في بعض الاماكن نبدا :(37): مطاعم: مكسوف العراقي + مطعم بحري دلوني ع مطعم حلوو + مشاوي ابن بطوطة + مطعم باتو +مركب الداو الخور + كرم بيروت الحلى : ابي افضل محل ايس كريم و كيك بدبي مول كوفيات : دايم ما اوفق باختيار كوفيات ع مستوى ابي كوفي رايق وحلو و يعطني ويكون جوهـ حلو باي مكان بدبي مو لازم داخل مول الاماكن سياحية : حديقة جميرا + مدينة الجميرا + حديقة الزهور + IMG الالعاب + بوليفارد محمد بن راشد + سوق الصيني 2 + كايت بيتش + سيتي وك + لاست اكزت + بوكس مارك + باركس آند ريزورتس+ حديقة الحيوان هالمرة راح اخذ سواق خاص مدة يوم الى يومين لان في مناطق مثل كايت بيتش معزول شوي وانا جربت شارع الجميرا بالموت يوقفون تكاسي ابي اسمع أرائكم واقتراحاتكم ركزو ع مطاعم وكوفيات الحلوة ابي اجواء استكنان :(39): ما احب الازعاج:mad: حجز تذكرة ع طيران الأمارات + والأقلاع من مطار البحرين ان شاء الله |
وعليكم السلام ورحمه الله وبركاتو اهلا بعودتك اخوي كشكول استمتعنا بمواضيعك الجميله عن دبي بالنسبه لا ستفساراتك برد عليها اولا : بالنسبه للسوق الصيني 2 سمعت ان المنتجات اللي فيه اغلبها ملابس واكسسوارات نسائيه لكن تميز بوجود مطاعم ودار للسينما ثانيا ممكن اذا زرت حديقه الزهور زور حديقه الفراشات وهي مقابله للاولى وبنفس اليوم ممكن تروح مطعم ذا فارم ( مطعم المزرعه ) لانه بنفس المنطقه قريب من القريه العالميه وبعدهم تتوجه للسوق الصيني اذا عزمت عليه ثالثا بما انك هالمره ماراح تستخدم التكسي ليه ماتاخر لك سياره اوفر لك من السواق وانت سوق بنفسك صراحه النتقل بدبي ممتع بالسياره اهم شي شغل الجوجل ماب وتوكل على الله رابعا من الاماكن الجديده بدبي وممكن تزورها منها 1- الحديقه المطاطيه الجديده في منطقه دا بيتش الجي بي ار 2- ممكن تجرب السكاي دايف دبي سعره 1999 درهم وهو القفز بالمضله اذا تحب المغامره 3- وايضا ذا غرين بلانت الغابه الاستوائيه الجديده في الستي ووك 4-ممكن تفكر تزور نادي جبل علي الرمايه في جبل علي خامسا من المطاعم مره شفت تغطيه عن مطعم بحر الامارات مطعم بحري قريب من مطار دبي وشاطئ الممزر مطعم ابن حميدو في البرشاء شارع خليفه جربته قبل سنتين سعره معقول ونظيف واكله عادي انا مو من عشاق البحري مطعم مطعم بوطافش جميرا شارع الهديبا مطعم بن عيد الشعبي في ابو هيل وله فرع في الراشديه مطعم بوقطير جميرا شارع جميرا مطعم سي ورلد في شارع خليفه مطعم السمك الطازج له فرعين واحد في المارينا وواحد في شارع المظينة السابقه مطاعم بحريه سادسا بالنسبه ل img انصحك تحجز من موقعهم الالكتروني تحصل خصم 10 % من سعر التذكره IMG Worlds of Adventure | World’s Largest Indoor Theme Park in Dubai, UAE – MARVEL, Cartoon Network, Lost Valley – Dinosaur Adventure, IMG Boulevard بالتوفيق وسامحنا على القصور |
اقتباس:
|
بنسبه لمدينه الالعاب img ادفانشر قريبه من القريه العالميهمثل ماهو وضح بالصوره http://uploads.tapatalk-cdn.com/2016...2adfed1920.jpg طبعا بالصوره نجمتين وحده موقع القريه العالميه والثانيه واضحه واذا دققت شوي بتشوف الشارع راسم دائره في جزء منها معووج هنا مكان العوجه يوجد مطعم ذا فارم اما بالنسبه للكافيهات ومحلات الحلا ما اقدر ارشح لك لانه عددها كبير وتختلف حسب الاذواق في منها الغالي والرخيص والشعبي والعالمي واللي بالمولات واللي على الشاطئ ومنها اللي يكون الحلو حلاته معتدله والمحلات اللي يكون حلاها طاغي والمحلات اللي تعتمد على الشوكليت بشكل اساسي وكل نوع له عشاقه ورواده اخاف ارشح لك مقهى وذوقي ما يناسب ذوقك بالتوفيق أرسلت من SM-G935F بإستخدام تاباتلك |
اقتباس:
يعطيك العافية شوفي تخطيط وعطيني رايك يوم الاول : الستي ووك + بوليفارد محمد بن راشد + بوكس مارك( كلها قريبه من بعض ) يوم الثاني : باركس آند ريزورتس + لاست أكزت يوم الثالث : حديقة جميرا + مدينة الجميرا + كايت بيتش + جي بي ار + حديقة المطاطية ( خط واحد ) يوم الرابع : حديقة الحيوان + سوق نايف + سوق الصيني . ابي اسئل حديقة الحيوان وين موقعه بدبي مافيه الا وحده بس ؟ السوق صيني الجديد 2 وين موقعه |
الله يعافيك اخوي بالنسبه لليوم الاول احس ان بيكون في عندك وقت حر الا اذا كان هو يوم الوصول فراح يكون مضبوط علشان ترتاح اما اليوم الثاني ممتاز اما اليوم الثالث بعد ممتاز بالنسبه لمدينه الجميره هو سوق مدينه الجميره بياخذ منك من ساعتين الى ساعتين ونص خصوصا اذا ركبت القارب اللي فيه عندي ملاحظه عليه خذت من السوق تذكارات وتفاجأت لما رحت سوق البحار لقيتها ارخص بنص السعر فانتبه اليوم الرابع بالنسبه لحديقه الحيوان الدخول ب 5 دراهم لكن صراحه مره متواضعه نفس حديقه الحيوان اللي بطريق الجبيل كانك تعرفها اعتقد اذا زرت ذا غرين بلانت بيغنيك خصوصا ان مالها الا شهر ونص فلتح تقريبا وسمعت ان سفاري دبي احتمال يفتح اخر هذالسنه الميلاديه لكن الله اعلم بالنسبه للسوق الصيني 2 بجوار السوق الصيني القديم بمبنى مستقلةحسب علمي ياليت احد ياكد هذي المعلومه بالتوفيق أرسلت من SM-G935F بإستخدام تاباتلك |
اقتباس:
فكرت يوم الخامس اروح ابوظبي اتمشى فيها ازور عالم فراري مول ياس والسادس اقضيها بدبي مول والسابع العودة |
ممتاز بلانسبه الى ابو طبي ففكره حلوه وتغيير عن دبي خصوصا انك لحالك يعني خفيف في رحلات تسويها شركات سياحيه بدبي توديك باليوم وترجعك وتوديك عالم فيراري وجزيرة ياس ومسجد الشيخ زايد الله يرحمه وممكن تلقى عروض مميزه في موقع كربون او في مكتب الكونسيرج الموجود في مكان سكنك لك الخيار بالتوفيق |
اقتباس:
وياك يارب فكرة حلوووة ابشوف شركات سياحية اريح لي من تاكسي وغير كذا تكلفة حدود 250 غير رجعة |
حصلت https://www.cobone.com/ar/deals/duba...l-pickup/44946 بس مشكلة عالم فراري بس من برا تتضمن الجولة زيارة الأماكن التالية: - جامع الشيخ زايد الكبير - قصر الإمارات - قرية التراث - مول المارينا - عالم فراري (في الخارج) |
| الساعة الآن 01:21 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO