فزعتكم لاهنتم
 

سلام عليكم ورحمة الله وبركاته
مساكم الله بالخير
ابي فزعتكم ومساعدتكم
عندي سفرة للامارات دبي اول مره اروح عوائل أنا والمدام و وطفل
تم حجز التذاكر بتاريخ 22/10 هجري لمدة ثلاث ايّام
وتم حجز فندق في فلورا البرشاء وابي جدول سياحي وأفضل المطاعم العربية ابي شوركم
ووش رأيكم الفندق وكيف
أحجز بالمترو كيف في درجة العوائل
وابي نصائحكم ويعطيكم الف عافية

وعليكم السلام ورحمه الله وبركاتو

مساك الله بالنور

حياك الله بيننا اخوي وباذن الله الاخوان ماراح يقصرون

الفندق ممتاز جدا من حيث الموقع والنظافه والفخامه

دبي فيها مطاعم عربيه كثيييره بمواقع مختلفه

المترو مافي درجه للعوائل تقدر تدخل موضوعي المثبت بالبوابه كل شي مشروح بالتفصيل الممل

يوم الوصول حسب ساعه وصولك
زيارة الامارات مول المول تروحه مشي من الفندق وتقضي وقتك هناك يوجد القريه الثلجيه والسينا والتسوق والمطاعم منها الحلاب والحلبي وغيرها الكثير

اليوم الاول
دبي مول وقضاء النهار هناك تدخل الاكواريوم والسينما واذا حاب تدخل برج خليفه وفيه مطاعم كثيره على النافوره وممكن تمشي الى سوق البحار الموجود بالجهه الاخرى من النافوره وتوجد مطاعم ايضا

وبالليل التوجه الى مرسى دبي والجي بي ار وممكن تحجز رحله عشا بقارب او تتعشا انصحك بمطاعم مرسى دبي لانك تبي عربيه ومنها ريم البوادي كمثال وتوجد سينما

اليوم الثاني
اختيار احد المولات لقضاء النهار مثل الوافي مول او فيستيفال سيتي او المردف سيتي سنتر

وبالليل التوجه الى السيتي ووك والعشاء هناك او اختار مطعم على بوليفاد الشيخ محمد بن راشد او شارع الشيخ زايد او على شارع الملك سلمان (شارع الصفوح سابقا)



اليوم الثالث
العوده للوطن

طبعا اسعار المطاعم العربيه في دبي قد تكون اهلى من مطاعم السعوديه فلا تتفاجأ لذلك انصحك بالتنويع



تم الإرسال من SM-G935F باستخدام Tapatalk