|
أول مره أسافر دبي السلام عليكم ورحمة الله وبركاته الله يسعدكم افيدوني أن شاء الله الميزانية 15000 أو أقل عدد أفراد الأسرة طفلتين انا وزوجي المده أسبوع بعد شهر السفر طبعا جات السفره هاذي بعد 7 سنوات الحمدلله افيدوني بجدول الله يسعدكم ودي بأماكن غير مخله بالآداب وين تنصحون السكن ياليت سعر حلو وفيه مطبخ صغير ودي بgbr معرف هل ينفع للأطفال مابي عري متعودين على الحشمه اخاف ينصدمون بغض النضر ع الأسواق عادي لبسهم لكن شبه عارية لا تنصحونا نستاجر سياره ولا تكسي كيف سعر الأسواق لو ابي هدايا او شي لي افيدوني باللي تعرفونه لاحرمكم الله الاجر |
نسيت أفضل خطوط طيران؟ ؟ ؟ |
ماشاء الله ميزانية كبيره تكفيكم تروحون تركيا اكثر من اسبوع و دبي كذالك افضل خطوط الطيران طيران الامارات الخطوط السعودية طيران الخليجية ترانزيت الخطوط الكويتية ترانزيت طيران الاتحاد باص الى دبي طيران العربية طيران فلاي دبي طيران ناس |
ياهلا و مرحبا بيك ينقل الى استفسارات الامارات عشان يفيدونك الخبراء |
جزاكم الله خيرا |
وعليكم السلام ورحمة الله وبركاته أفضل منطقة لسكن العوائل هي منطقة البرشاء جنب مول الإمارات |
اهلا بك اختي .. بحاول افيدك باللي اتذكره من رحلات سابقة فيه عدة اماكن عجبتني وانصحكم فيها واعتبرها أماكن لطيفة ... القرية العالمية / حديقة ميركل للزهور / النافورة الراقصة في دبي مول / كيدزاينا للاطفال في نفس دبي مول / سكي دبي للثلج ( غالي بس تجربة لابد منها كأول مرة ) ما اعرف مكان انطلاق رحلتكم ولكن بشكل عام من السعودية لدبي خيارات كثير في الطيران ويفضل تدخلي موقع ( فلاي ان ) وتحطي المعلومات وبيعطيك كل شركات الطيران ومرتبة بالأسعار ولكن ما انصحك تتعاملي مع هذا الموقع إلا لو متاكدين من سفركم لأن اسعاره تنافسية ولكن أي تعديل أو الغاء بتدفعي مبالغ كبيرة بالنسبة للمواصلات انصحكم تستاجروا سيارة وتسوقوها بانفسكم فهذا اوفر واريح ولكن لازم تقرأوا شروط الاستئجار مثل المبلغ الائتماني وكذا .. وانصحك تدخلي موقع ( رينتال كار ) بيساعدكم في الاختيار وسبق جربت شركة بدجت وكانت تجربة جيدة والله يوفقكم |
فلاي دبي فيها عروض والشنط مجانا 20 ك لكل مسافر السكن في البرشا افضل |
أن شاء الله الميزانية 15000 أو أقل اعتقد بأنها مناسبة، بشرط اختيار التوقيت والمكان الأنسب. بعد شهر السفر لا أنصح بالسفر في نهاية يناير، لمصادفة معرض الصحة العربي، وخلاله ترتفع أسعار السكن. افيدوني بجدول الله يسعدكم انصحك بالاطلاع على بعض التقارير، وزيارة موقع دبي السياحي الرسمي لأخذ فكرة. ومن الأماكن التي لابد من زيارتها: - دبي مول والنافورة وبرج خليفة. - ممشى الجي بي آر - سيتي ووك - مدينة جميرا ودي بأماكن غير مخله بالآداب عدا المسابح وبعض الشواطيء، فإن جميع الأماكن العامة يمكنك زيارتها. وين تنصحون السكن ياليت سعر حلو وفيه مطبخ صغير هناك الكثير، لكن الاختيار يعتمد على الميزانية. أنصح بالبحث في مواقع الحجوزات أولاً لأخذ فكرة، ثم وضع الخيارات للترشيح من بينها. ودي بgbr معرف هل ينفع للأطفال مابي عري متعودين على الحشمه اخاف ينصدمون الجي بي آر منطقة كبيرة، وبإمكانك الابتعاد عن الشاطيء إذا رغبتم. وعموماً، فالوضع ليس كما تتصورين، لأن المنطقة مقصد للعائلات. تنصحونا نستاجر سياره ولا تكسي السيارة أوفر وأفضل من ووجهة نظري. كيف سعر الأسواق لو ابي هدايا او شي لي الأسعار متفاوتة مثل اسعار أي دولة أخرى. |
بيض الله وجيهكم الله يسعدكم ويعطيكم العافيه |
| الساعة الآن 04:00 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO