|
استفسار لعيون الوالده :( لسلام عليكم حابه اسافر انا والوالده لدبي لأول مررررره بنت وامها بدون رجال معانا من باب ان دبي مو المكان اللي يخوف او شي يعني نقدر نصرف نفسنا المهم استفساري الان ابي جدول لمدة 4 ايام تقريبا او 5 من فنادق ومن كل شي ما ابي الوالده تقول اول مره وآخر مره 😭 وهل نعتمد على اوبر والا تكاسي من الفندق والا وشو ؟! انا ودي بجهة المارينا هناك احس هناك كل شي موجود مطاعم تحت والفيو حلو بس محتاره بالفنادق غاليه مره والوالده تقول المارينا احسها بعيده عن كل شي، فبليز ابي منكم جدول حلوووو ومرتب وخفيف وأماكن جميله ابي اغير جو الوالده |
أهلا أختي ... الله يحفظ لك الوالدة ويطيل بعمره على عمل صالح وعافية دائمة .. الأجواء مازالت جيدة الآن في دبي .. منطقة المارينا جميلة ومخدومة كما ذكرتي ... لكن أفضِّل منطقة الداون تاون .. لتوسطها وقربها من أغلب المعالم .. المقصود بالداون تاون المنطقة المحيطة بدبي مول .. دبي ليست بتلك المدينة التي تحتاج إلى تخطيط وجدولة بشكل دقيق ... وذلك لقرب المسافات .. يمكنك الاطلاع على استفسار الأخت ( salotibi ) بعنوان ( رتبوا لي الجدول ) متأكد بأنك راح تستفيد منه كثير .. لتشابه عدد الليالي بينكما ... بين معالمها ... |
اقتباس:
بالنسبة للفنادق ... هذه مجموعة من الفنادق بمنطقة الداون تاون مختلفة المستويات .. ابحثي عن المناسب .. https://uploads.tapatalk-cdn.com/201...7618caa6ce.jpg أرسلت بواسطة iPhone بإستخدام Tapatalk |
وعليكم السلام ورحمه الله وبركاتو حياك الله وربي يخيليك الوالده مبدأيا ياليت تذكرين ميزانية السفر بدون التذاكر وعدد الايام بالضبط ياليتك مقدمه سفرك اسبوع كان لحقتي على القريه العالميه وبعد في اماكن معينه ودكم تزورونها او اسواق والمواصلات حسب ممكن المترو مع التكسي اذا صحة الوالده تسمح |
الفنادق اخذي اللي بشارع الشيخ زايد وخاصه اللي تكون على الجهة اليمين اذا انتي جايه من المطار واللي بصف فور بوينتس الطريق هنا ما فيه لف ودوران على ما توصلون لدبي مول فبيكون الطريق دايركت للمول ب١٠ دراهم اخذي اوبر او تاكسي تحت الفندق بتلاقين وايد تكاسي ومافيهم غش على العداد وشوفي التقارير واعملي لج جدول منها ما يحتاج الا تعرفين وين بتروحين |
ارشح لك السكن في شارع الشيخ زايد الموقع ممتاز وفي الوسط وقريب من كل المعالم يوجد شقق فندقية ممتاز وعائلية 4 نجوم وسعرها ممتاز شقق جلوريا الاثاث متوسط ولكن الموقع جميل واختاري الدور 36 و اعلى موفقين |
الاخوان ما قصروا بخصوص الفنادق ، و فعلا اذا سكنت في شارع الشيخ زايد بتكونين قريبة من معظم الاماكن المهمة، ما عدا الاماكن التراثية مثل سوق نايف ، لكن اذا مش مهتمة بالاماكن التاريخية امورك بتكون تمام ان شاء الله. بخصوص الاماكن اللي بتزورونها ، بما انكم اثنين كبار بس يعني ما تهمكم اماكن الالعاب فإذا تحبون التسوق ، دبي مول جنة التسوق ، روحوا منطقة السوق القديم ، فيه بضائع وايد حلوة من سكارفات و جلابيات و عبي. و فيه وايد مطاعم و كافيهات راقية مقابل الشلال الداخلي، و اذا تحبون الجعدة في الهواء الطلق مقابل النافورة الراقصة فلين الحين الجو مناسب بس حاولوا ع العصريات او في الليل احلى. ممكن بعد اتسيرون الجي بي آر ، مكان وايد حلو مفتوح و فيه وايد كافيهات و مطاعم حلوه. ممكن لا مير ، منطقة حلوه كافيهات و مطاعم مقابل البحر او حتى سيتي ووك ، الحلو فيه انه فيه منطقه مسكرة "مكيفة" و في اماكن مفتوحة نصيحة اقري تقرير الاخت توبليرون ، وايد مفيد ، ذكرت و صورت كل هاي الاماكن بالتفصيل. رحلة سعيدة و يا هلا و يا مرحبا فيكم،،، |
الكل ماقصر ولكن في فترة الصيف رايح تكوني مقيدة وعليك بالمولات والاسواق او خور دبي وحديقة الخور ومدينة مدهش والكثر ورحلة سعيدة |
| الساعة الآن 10:20 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO