|
فندق دوست ثاني ( ابوظبي ) السلام عليكم و رحمة الله و بركاته مرحبا باعضاء و زوار منتدى العرب المسافرون ساضع بين ايديكم تجربتي في احد فنادق مدينة ابوظبي فندق دوست تاني اللي يدخل الفندق لاول مرة بيحس بدوار و دوخة من المنظر اللي راح يشوفه كراسي للراحة و الضيافه و هذا اللوبي صورة من المصعد السريع اللي فيه ضغط نصيحه ما يركب هالمصعد و هاي المصاعد العادية الممر بين الغرف غرفتنا في الطابق 27 بسم الله دخلنا الميني بار و الضيافة و الغلاية و مكينة الكوفي كلهم في هذا الكبت الصالة |
رد: فندق دوست ثاني ( ابوظبي ) تابع الصالة و الباب على اليمين هو باب الشقة مكينة الاسبريسو :(60): الشيبس غير مجاني و الشاي و القهوة التلفزيون و المكتب في الغرفة غرفة النوم الستارة مغلقة الستارة مفتوحة الماي مجاني و كل يوم يحطون دبتين / بطلين / قارورتين تكرمون الحمام الدش البانيو اللاسلكي في الحمام بصراحة ديكور الحمام و الرخام فخم عيبنا واااااااااااايد |
رد: فندق دوست ثاني ( ابوظبي ) الروب و الكواية و طاولة الكوي اطلالة الغرفة صلينا و على طول صعدنا باتجاه المسبح هاي حمامات المسبح كل شيء متوفر البخار و الستيم و الساونا المسبح كبير جدا و يقع اعتقد في الدور 33 مسبح الاطفال و كان فيه طفل افريقي مع امه و شوفوا ورا المزهريات هناك حوض سباحة خاص للساكنين لانه الفندق فيه مبنى اخر يتكون من شقق سكنية و شقق لملاك الفندق و هذا ثاني يوم الصبح المصاعد و الاستقبال ليلا من الاعلى عجيبه الثريات عندهم جزء اخر من الاستقبال للاسف في الجهة الثانيه و هي يمين المدخل في بار صغير و انواع المشروبات المحرمة البيانو توجهنا للوحدة مول و تعشينا في واجهة المطاعم و خلص يومنا و القاكم بكرة باذن الله |
رد: فندق دوست ثاني ( ابوظبي ) شكرا لك مره يعني المصعد يخوف حلو المسبح والاطلاله جميله |
رد: فندق دوست ثاني ( ابوظبي ) اقتباس:
و الله بصراحة العيال استانسوا و كل شوي بيركبون المصعد بس انا و زوجي حسينا انه قلبنا بيوقف من سرعة المصعد و الضغط الشديد و الافريقية كانت ما شاء الله حامل و عادي ركبت ويانا في المصعد بس اعتقد انه خطر للحوامل المسبح جميل و فيه جاكوزي صغير و الماي فيه حار تسلم عَل المرور |
رد: فندق دوست ثاني ( ابوظبي ) ما شاء الله فندق فاخر في كل تفاصيله وإطلالته غايه في الإبهار بالعافيه عليكم يا أختي |
رد: فندق دوست ثاني ( ابوظبي ) فندق فخم وراااااااااااائع ويستحق الزيارة تسلم الأيادي على الصور الرائعة والتقرير الموفق |
رد: فندق دوست ثاني ( ابوظبي ) اقتباس:
الله يعافيك مشرفنا تسلم |
رد: فندق دوست ثاني ( ابوظبي ) الله يسلمك بو عبدالله :(39): تسلم |
رد: فندق دوست ثاني ( ابوظبي ) السلام عليكم و رحمة الله و بركاته اليوم الثاني لنا في الفندق صحينا و توجهنا الى بوفيه الفطور و الفطور غير شامل سعر الغرفة بس قلنا بنجرب وصلنا للبوفيه و المكان فاضي ما فيه غير الطباخين العصاير و الفواكه http://www.arabtrvl.com/vb/picture.p...ictureid=25826 و هذا ما اذكر شو كان http://www.arabtrvl.com/vb/picture.p...ictureid=25827 الخبز و الكيك http://www.arabtrvl.com/vb/picture.p...ictureid=25828 المكان كئيب من كثر ما هو فاضي http://www.arabtrvl.com/vb/picture.p...ictureid=25829 الاجبان و الزيتون و السوالف البارده http://www.arabtrvl.com/vb/picture.p...ictureid=25830 اللبنه http://www.arabtrvl.com/vb/picture.p...ictureid=25831 الروب او الزبادي بنكهات مختلفة http://www.arabtrvl.com/vb/picture.p...ictureid=25832 هذي جلسات المطعم متنوعه http://www.arabtrvl.com/vb/picture.p...ictureid=25833 فطورنا http://www.arabtrvl.com/vb/picture.p...ictureid=25834 خلصنا الفطور و توجهنا الى المسبح يتبع |
رد: فندق دوست ثاني ( ابوظبي ) مثل ما شفتوا فطورنا كان شوية و الحمدلله حسبولنا لشخصين بس بعد ما خلصوا العيال سباحه نزلنا الغرفة و خذنا شاور و اليوم كان الجمعة قعدت انا و العيال و زوجي سار المسيد يصلي خليت عيالي يلعبون في الصالة و قلت لهم انا بدخل بصلي و اقرا قرآن ما ابغي اسمع صوت عالي دخلت الغرفة و سكرت الباب بس كنت اسمع صوتهم واضح جدا كانهم ويايه في الغرفة شكيت انهم قاعدين عند باب الغرفة طلعت ما حصلتهم كانوا في الصالة يلعبون بس صوتهم واضح جدا عاد هني استويت المحقق كونان و قلت ابغي اعرف ليش صوتهم واضح جدا عندي :yolks00590: اكتشفت السر اخيرا شوفوا هاي الصورة http://www.arabtrvl.com/vb/picture.p...ictureid=25493 شفتوا الستارة ورا التلفزيون المنطقة هذي مفتوحة على الصالة ما قدرت اصورها لاني ما كنت ابغيهم يكتشفون المكان تعرفون اليهال اذا شافوا الممر بيلعبون رايحين و رادين و طبعا المكتبة موجوده و التلفزيون و هذا خطر عليهم بعدها طلعنا نتغدى و امس يوم كنا نتمشى عند الوحدة مول لمحت مطعم و قلت لازم نجربة و سرنا المطعم و هو سفرة اسطنبول موقعه في شارع محمد بن زايد http://www.arabtrvl.com/vb/picture.p...ictureid=25835 المطعم فيه مثل كباين بس مب مغلقة بالكامل http://www.arabtrvl.com/vb/picture.p...ictureid=25836 و هني الكبينه الاخيرة http://www.arabtrvl.com/vb/picture.p...ictureid=25839 المطعم دورين الارضي فيه المطبخ و ركن للحلويات الفريش مثل الكنافة و البقلاوة و الدور الاول فيه الجلسات و الكباين و هذا المنيو http://www.arabtrvl.com/vb/picture.p...ictureid=25837 صحن المقبلات اعتقد كان باذنجان مع حمص لذييييييييييذ http://www.arabtrvl.com/vb/picture.p...ictureid=25838 طلبنا كان اسكندر دجاج و كباب اعتقد كان اسمة الملكة او السلطانه نسيت :(7): و باستا بيضاء للعيال http://www.arabtrvl.com/vb/picture.p...ictureid=25840 عصير ليمون بالنعناع و اعتقد فراولة http://www.arabtrvl.com/vb/picture.p...ictureid=25844 الحمدلله الاكل كان لذيذ و عيبنا و اخيرا حلينا بطبق كنافة و لازم تركيش كوفي http://www.arabtrvl.com/vb/picture.p...ictureid=25841 هذي اللوحة فيها ايات قرآنيه http://www.arabtrvl.com/vb/picture.p...ictureid=25842 خلصنا و طلعنا من المطعم و اول اشارة ناخذها يمين يكون الوحدة مول يتبع |
رد: فندق دوست ثاني ( ابوظبي ) و شوفوا اهني احنا عند المطعم و فندقنا يبين http://www.arabtrvl.com/vb/picture.p...ictureid=25843 نسيت اراويكم هاي الاطلالة من الصالة ستاد محمد بن زايد http://www.arabtrvl.com/vb/picture.p...ictureid=25845 و هني المبنى البيج اللي بالعرض هذا الوحده مول http://www.arabtrvl.com/vb/picture.p...ictureid=25846 سرنا الوحدة مول و تسوقنا و لعبوا العيال و بعدها رجعنا الفندق بعد المغرب و على طول للمسبح مع انه كان ظلام و باقي يمكن نص ساعه http://www.arabtrvl.com/vb/picture.p...ictureid=25847 طبعا بعد السباحة كنا تعبانين و ما نقدر نطلع فقررنا الاكل يكون تيك اوي طلع زوجي و حصل مطعم عنده بروستد http://www.arabtrvl.com/vb/picture.p...ictureid=25849 و خذ 4 عصاير تخيلوا ب 70 درهم :yolks00100: http://www.arabtrvl.com/vb/picture.p...ictureid=25848 و هذا البروستد وياه حلقات بطاط و حمص http://www.arabtrvl.com/vb/picture.p...ictureid=25851 بصراحه الاكل ما كان وايد حلو كله زيت و البطاط مقلينه في نفس الزيت حق البروستد حسينا بطعمه و خلص يومنا اليوم الثالث تريقنا من مطعم زهرة لبنان و هذا مطعم معروف في مدينة ابوظبي و عندهم فروع وااااااايد في بوظبي ريوقنا كان فول و فلافل مع احلى فتة بالحمص بصراحه كانت لذييييييييييييييذه عمري ما كلت مثلها http://www.arabtrvl.com/vb/picture.p...ictureid=25852 تقييمي للفندق جيد جدا لكن الركن في الاستقبال ما كان يليق بالمسلمين لوجود المشرب الشقة كانت واسعة جدا و خاصة الصالة و تقدرون تحطون سرير اضافي في الصالة و المفروض يكون فيها اريكة تتحول سرير موقع الفندق ممتاز في قلب ابوظبي و كل شيء متوفر عدال الفندق اتمنى ان التقرير نال على اعجابكم و انتظروني في تجربة اخرى قريبا |
رد: فندق دوست ثاني ( ابوظبي ) روووووووعه شكرا لك على الطرح الرائع مشرفتنا هولمز |
رد: فندق دوست ثاني ( ابوظبي ) ماشاءالله عليكم بالعافية يام علي الفندق جمييل والاحلى حمام السباحة لليهال يستانسون على السباحه وما يملون شكراا للتقرير اللي يشوق لزيارة بوظبي |
رد: فندق دوست ثاني ( ابوظبي ) ما شاء الله الفندق فخم والإطلالة جميييلة http://www.arabtrvl.com/vb/picture.p...ictureid=25495 آلة القهوة هذي Nespresso الكل يمدحها ويحبها تقرير جميييل الله يعطيك العافية |
رد: فندق دوست ثاني ( ابوظبي ) روعه الفندق مرتب وهادي |
رد: فندق دوست ثاني ( ابوظبي ) اقتباس:
العفو حياك الله |
رد: فندق دوست ثاني ( ابوظبي ) اقتباس:
الله يعافيج الغالية السباحة اهون انا عيالي يتخبلون على الدراجات كل أسبوع يبغون يركبون تسلمين عَل المرور |
رد: فندق دوست ثاني ( ابوظبي ) اقتباس:
تصدق ياخوي اول شيء ادوره في الفندق اللي بحجزه هاي المكينه اذا متواجدة على طول ااكد الحجز الله يعافيك تسلم عَل المرور |
رد: فندق دوست ثاني ( ابوظبي ) اقتباس:
الروعة مرورج الغاليه تسلمين |
رد: فندق دوست ثاني ( ابوظبي ) ياهلا فيك فندق لايعلى عليه ممتاز جدا سبق وشفناة مع احد الاعضاء من الامارات في المنتدى القديم فخم جدا ويثنون عليه |
رد: فندق دوست ثاني ( ابوظبي ) اقتباس:
صحيح اخونا عامر الزعابي الله يرده لنا سالم كان عنده تقرير عن الفندق و انا بعد نزلت التقرير في المنتدى القديم تسلم عَل المرور |
رد: فندق دوست ثاني ( ابوظبي ) فندق فخم المسبح مساحتة حلوه وايد تسلم يدك |
رد: فندق دوست ثاني ( ابوظبي ) اقتباس:
الله يسلمك شكرًا عَل المرور |
| الساعة الآن 09:29 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO