مساعده و استفسار ضروري
 

السلام عليكم ورحمة الله وبركاته

الله يسعدكم عندي رحلة لدبي ولكن اجهل كل شي اول رحله لي .. شخصين ( عائله )
وصولي ان شاء الله ع الشارقه بعدها بتوجه دبي

وصولي الساعه 10 ونصف صباحاً بتوقيت الإمارات
يوم الوصول بتاريخ 2 و يوم المغادرة الساعة 4 ونصف تاريخ 7

يعني الايام 5 أيام

الله يسعدكم عطوني برنامج ما اعرف اي شي نهائياً

طبعاً السكن بالبرشا



جزاكم الله خير ❤

يامرحبا

ياليتك مخلي استفسارك بموضوع واحد

قصدك خمس ليالي وست ايام

لي عوده بالجدول لكن الان مشغوله مع رمضان اول مااتفرغ برد عليك باذن الله قبل السفر اتوقع سفرك ب يوليو صح او تقصد عيد الفطر اكد التاريخ


انت اكدت انك حجزت سياره ولكن لم تذكر الفندق ياليت تذكره

وباذن الله راح ارشح الاماكن المناسبه حسب قربها من الفندق وارتب خط سير يوفر وقتك


بالتوفيق

تم الإرسال من SM-G935F باستخدام Tapatalk

كيف مخلي استفساري بموضوع واحد؟

يعطيك العافيه
اي بشهر يوليو بإذن الله

ذكرت السكن بالبرشا بالتحديد ( فندق رامادا تشلسي البرشا )

انتظر ردك و الجدول ، جزاك الله خير

عذراً على المداخلة ...
موضوعك السابق اللى في الرابط أدناه تم الرد عليك فيه و على أغلب أستفساراتك !!!

تكفون ي أهل الخبره ابي شوركم ��

https://www.arabtrvl.com/vb/t34680.html

الموضوع السابع ما فيه اي اماكن تم الاشاره اليها

الموضوع السابق كنت اسأل عن افضل مكان لسكن .. ايش افضل سياره اجار او اوبر .. و سألت عن القريه العالميه هل بتكون مفتوحه او لا



هنا اسأل عن برنامج او جدول اقدر امشي علي

����‍♂️����‍♂️����‍♂️

Up

Up

كل عام وانت بخير

ادري طولت عليك لكن رجعت مثل ماوعدتك


اليوم الاول 2
الوصول مطار الشارقه على ماتخلص وتمشي دبي وتوصل الفندق تقريبا توصل على 1ونص تقريبا تحت الفندق خدمات كثيير مطاعم وبقالات وغيره اختار لك مطعم وخذ غدا سفاري وارتاح

المغرب بعد الراحه
الامارات مول ومدينة الثلج



اليوم الثاني 3
دبي مول وقضاء النهار هناك الى نهاية العصر قبل الغروب التوجه الى السيتي ووك وزيارت جرين بلانت ويوجد معرض حريم السلطان للمسلسل التركي الشهير اذا تحبون الموجود فيه والعشاء هناك
او في دبي بوكس باركس قريب من السيتي ووك
او في شارع الملك سلمان (شارع الصفوح سابقا ) توجد خيارات كثير


اليوم الثالث 4
بعد الفطور التوجه الى اللي ام جي ادفلنشير

بالليل الى مارديف سيتي سنتر


اليوم الرابع 5
بالنهار اختار احد المولات مثل الوافي مول او فيستسفال سيتي او ميركاتو مول صغير جدا على الطراز الايطالي
بالليل التوجه الى سوق مدينه الجميره قبل الغروب ثم العشاء في منطقه المارينا والجي بي ار

اليوم الخامس 6

اذا حاب تتسوق تروح السوق الصيني وسوق نايف الشعبي
وبالليل مول

او اذا ماتبي اسواق شعبيه في مولات مثل الوافي مول او فيستسفال سيتي او غاليريا مول وبالليل اذا الجو حلو ومافي رطوبه مايمنع تزور احد الشواطئ مثل كايث بيتش او لاميرا بيتش انصحك فيه

اليوم السادس 7
التوجه الى الشارقه باكرا تجنب للزحام رايي تمشي الصبح وتروح الشارقه لاحد المولات لين قبل الرحله بثلاث ساعات تتوجه للمطار




بالتوفيق ورحله سعيده


ان اصبت فمن الله وان اخطأت فمن نفسي


تم الإرسال من SM-G935F باستخدام Tapatalk

عشقي السفر الله يسعدك كفيت و فيت ..

فيه كذا استفسار الله يسعدك
الباص البرمائي من وين احجز به هناك ؟
+
سمعت ان فيه زي السفينه مدت ساعه تقريبا بالبحر ب قرية البوم .. التذاكر من وين اخذهم

وهل لازم احجزه قبلها؟