مساعدتكم برنامج سياحي 8 ليالي دبي وابو ظبي
 

السلام عليكم اخواني
اطلب مساعدتكم في برنامج سياحي في دبي وابو ظبي بحكم خبرتكم
لي انا والاهل
تاريخ رحلة الطيران 2 يناير 2019 الوصول لمطار دبي 6:45 المساء
تاريخ العودة 10 يناير 2019 الاقلاع من مطار دبي الساعة 7:45 المساء
حجزت فندق في دبي ابراج الامارات 5 ليالي من تاريخ 2 الى 7 يناير
وفندق في ابو ظبي فندق كورنيش ابو ظبي من تاريخ 7 الى تاريخ 10 يناير

وابغى مساعدتكم في جدول سياحي بالاماكن القريبة لاني اول مرة اروح الامارت والله يجزيكم الخير

رحلة سعيدة أخوي

وراح يفيدونك باذن الله المختصين :e030:

وعليكم السلام والرحمه

ياليت تذكر وسيله للمواصلات

وهل معكم اطفال

وهل ترغبون باماكن محدده لاضعها بالجدول

ماتقدر تغير بحجز الفنادق احس ان مرهق عليكم اخر يوم التوجه من ابوظبي الى مطار دبي مباشره المسافه من الفندق الى المطار ساعه واربعين دقيقه واحسب زحمة دبي ولازم تكون بمطار دبي قبل الرحله بساعتين ونص على الاقل
يعني من الساعه 1 الظهر تحرك من ابوظبي ومباشره على المطار

وتخلي اخر يوم بفندق بدبي مثل منطقه السيتي سنتر قريب منك اسواق ومطاعم والمطار قريب

تم الإرسال من SM-G935F باستخدام Tapatalk

تسلم على الرد
مدري ويش انسب وسيلة مواصلات؟
لا بدون اطفال
ما في اماكن محددة بس تكون اماكن مناسبة لعرسان
وبالنسبة لابو ظبي اقدر اغير الحجز الى ليلتين لانه حجز مو مؤكد واقدر اغير الفندق اذا في اقتراحات افضل
سوؤالي تكفي ليلتين في ابو ظبي؟

نعم يومين كافين في ابوظبي

واخر يوم خله في فندق البندر روتانا دبي كريك قريب من المطار وجديد وللعرسان ومطل على الخور و عندك سيتي سنتر قريب منك



تم الإرسال من SM-G935F باستخدام Tapatalk


تم الرد في الاقتباس

شكرا على الرد
خلاص بغير الحجز الى ليلتين ابو ظبي نفس الفندق
وبتكون ليلة في دبي فندق Carlton Palace Hotel ويش رايكم فيه
ممكن جدول للفعاليات بالايام بحيث انه ما يكون مضغوط خاصة يوم الوصول ويوم المغادرة
والله يجزيكم الخير

وسوال بعد لحين انا حجزت عن طريق موقع agoda هل السعر يشمل الضرائب او بدون الضرائب

على حسب اذا حاجز بالتطبيق فالسعر يظهر شامل الضريبه واما اذا عن طريق الكمبيوتر فيظهر سعر الليله الواحده غير شامل الضريبه ولكن عند الخطوه الاخيره وقبل تاكيد الحجز يضهر لك السعر شامل الضريبه

مثل الصوره ذاكر الضريبه المشموله وغير مشموله ايسر الصوره تحت السعر



https://www.arabtrvl.com/up/uploads/...3239336131.png

العفو


بالنسبه لفندق دبي ما عندي خلفيه عنه لكن قرأت في قوقل انه يحتوي على مرقص وبار في الدور الاول والمنطقه اللي فيها قديمه وكل شي حولك وقريب من المطار

عن نفسي مانصحك فيه



بالنسبه للفعاليات انت ماحددت وسيلة التنقل هل بتستخدم التكسي او بتستاجر سياره لان المترو موعلى الفندق الثاني والفندق الاول لم تذكره فلا اعلام هل قريب من المترو اولا لكن خياراتك لايخدمك المترو من خلالها

الوصول يوم 2 يناير الساعه 6:45 المساء وعلى ماتستلم الشنط وتلص الاجراءات ساعه ومن المطار الى منطقة الابراج في حدود عشرين دقيقه او اكثر شوي لان دبي زحمه

تقريباا تسجل الدخول الساعه 8 ونص تقريبا ممكن العشاء باحد المطاعم القريبه والراحه


اليوم الثاني 3 يناير


الامارات مول ثم الى الجي بي ار و مرسى دبي ممكن حجز رحله عشاء من المارينا على قارب


اليوم الثالث 4 يناير

حديقه الزهور ثم مطعم المزرعه (ذافارم ) يستحسن تحجز ثم القريه العالمية

كلهم على طريق احد القريه العالميه تفتح الساعه 3ونص ممكن تكنسل حديقه الزهور وتطلع متاخر من الفندق تتغدا وتروح للقريه

اليوم الرابع 5 يناير

السيتي ووك ممكن تدخل السينما والغداء باحد المطاعم ثم الى دبي مول وقضاء باقي اليوم هناك


اليوم الخامس 6 يناير


لاميرا بيتش والغداء هناك ثم الى سوق مدينة الجميره يوجد ممرات بحريه تستاجر فيها قوارب تنزهك مطل على برج العرب ثم لك الحريه في اختيار المكان ممكن العشاء باحد مطاعم شارع الصفوح مثل مطعم صمد العراقي او ريم البوادي او التوجه الى مول الوافي

اليوم السادس 7 يناير


المغادر من دبي الى ابوظبي الاستقرار في الفندق والراحه ثم التوجه الى مول ابوظبي قريب منك والتمشيه على الكورنيش القريب منك




اليوم السابع 8 يناير


التوجه الى جزيرة ياس وزيارة عالم فيراري اذا حابين وبعد كذا الى مسجد الشيخ زايد رحمه الله ثم العشاء باحد المطاعم القريبه من الفندق

او التوجه الى مسجد الشيخ زايد رحمه الله ثم الى مول جلوريا وبعدها الى احد المطاعم للعشاء


اليوم الثامن 9 يناير

المغادره الى دبي والاستقرار بالفندق بعد الراحه والتوجه الى شاطئ السيف


اليوم التاسع 10 يناير

تسجيل الخروج ووضع الحقائب في امانات الفندف ثم الى الفيستفال سيتي سنتر وقبل الرحله ب 4 ساعات التوجه الى الفندق والتوجه الى المطار




توجد اماكن كثيره لم اذكرها لان لااعلم ميولك او ماذا ترغب او تكون في غير المسار مثل السوق الصيني وسوق نايف والمنطقه الاثريه و مول المرديف سيتي سنتر و دبي باركس




بالتوفيق

مشرفتنا عشقي السفر

ماقصرت بتصميم جدول منسق

رحله موفقه وننتظر التقارير والصور الحلوه

شكرا عالرد
اي نعم حجزت عن طريق التطبيق يعني شامل الضريبة

انا في بالي استخدم المترو ما ادري اذا اقدر اعتمد عليه في التنقلات او افضل استأجار سيارة
في ابو ظبي باستاجر سيارة

اشكرك جدا على الرد والترتيب
انا في بالي ازور دي الاماكن في دبي وابو ظبي
* برج خليفة
* نافورة دبي
* القرية العالمية
* دبي اكواريوم
* حديقة الزهور
* لا مير
* ملاهي للكبار اذا تقدرو ترشحو لي مكان
في ابو ظبي حاب ازور دي الاماكن ويا ريت ترشحو لي اماكن ثانية بعد
* عالم فراري
* جزيرة ياس
* حديقة حيوان اذا موجودة

والله يجزاكم الخير

رحلة ممتعة هل لكم ان تعطينا التكلفة بالاورو

الله يهديك سبق وسالتك بالبدايه عن الاماكن اللي تحب تزورها واذا في مكان في بالك

لكن رديت بان مافي شي معين ببالك


على العموم صار خير


برج خليفه +نافوره دبي + اكواريوم دبي كلهم موجودين في دبي مول تدخلهم من خلاله لذلك خليت له نص يوم يفضل الحجز قبل يوم او يومين لدخول برج خليفه وشراء التذاكر تجنب للزحام



بداية اليوم الخامس هو الذهاب الى لاميرا بيتش




بالنسبه للملاهي في دبي فالمناسبه لكم هي دبي باركس ممكن تحطها ثاني يوم بدال الامارات مول
ودبي باركس تتكون من 4 حدايق ثنتين ليغولاند وحده مائيه والثانيه ملاهي وهي للاطفال
والثالثه موشيجن بارك وهي ثيم الافلام هوليود
والرابعه بوليود بارك وهي ثيم الافلام الهنديه

كل بارك لها تذكره ممكن تشتري تذكره دخول لحديقه او حديقتين في يوم واحد والافضل تشتريها قبل ماتروح من موقعهك لانك مسافر موسم زحمه بدبي

وبعد الملاهي تتوجه الى الجي بي ار ومرسى دبي مثل ماهو واضح بالجدول




اليوم الثالث اوله الذهاب الى حديقه الزهور والقريه العالميه وبينهم مطعم المزرعه للغداء كلهم على خط واحد




بالنسبه لحديقه الحيوان يوجد سفاري بدبي ويفظل زيارتها الصباح قبل الزحمه لان عدد معين وتقفل التذاكر
ويوجد على الطريق بين دبي للى ابوظبي حديقه حيوان تروحها وانت داخل ابوظبي او وانت خارج منها

اذا حاب سفاري دبي ممكن تلغي السيتي ووك في اليوم الرابع وتروح سفاري بالصباح ومن سفاري الى دبي مول



عالم فيراري موجود على جزيرة ياس تقدر لما تخلص من الملاهي تتمشى بالجزيره وتزور مرسى اليخوت او ياس مول وتقضي باقي اليوم



برايي تستاجر سياره افضل واوفر لك خصوصا ان فنادقك بعيده عن المترو يعني تحتاج تمشي مسلفه للمترو او تاخذ تكسي للمترو وبكذا مافي فايده وغير كذا وقت سفرك في زحمه فمترو بيكون مزدحم اجانب


هذا اقتراحي لك ولك الحريه


تم الإرسال من SM-G935F باستخدام Tapatalk

مشكورة جدا مشرفتناا

شفت الجداول لي حطيتيها وعدلت عليها شوية ما قصرتي
بحط الجدول وابي رايكم فيه اذا مناسب او لا

اليوم الاول ٢ يناير: الوصول الى دبي المساء التوجه للفندق راحة ساعة بعدها التوجه الى شاطئ لي مار للتنزه والعشاء
اليوم الثاني ٣ يناير: الفطور في الفندق بعدها التوجه الى دبي مول وزيارة الاكواريوم وفي المساء زيارة برج خليفة والنافورة والعشاء في احد المطاعم القريبة
اليوم الثالث ٤ يناير: الفطور في الفندق بعدها التوجه الى حديقة الزهور بعدها الغداء في مطعم المزرعة
ثم التوجه للقرية العالمية في المساء
اليوم الرابع ٥ يناير: زيارة حديقة green planet ثم في المساء زيارة سيتي والك
اليوم الخامس ٦ يناير: زيارة دبي باركس
اليوم السادس ٧ يناير: المغادرة من دبي الى ابو ظبي وزيارة مول ابو ظبي والتمشي على الكرنيش
اليوم السابع ٨ يناير: زيارة جزيرة ياس وعالم فيراري وملاهي warner bros’ والعشاء في احد المطاعم
اليوم الثامن ٩ يناير: المغادرة الى دبي والراحة في الفندق والتوجه الى شاطئ السيف
اليوم التاسع ١٠ يناير: تسجيل الخروج ووضع الحقائب في امانات الفندف ثم الى الفيستفال سيتي سنتر وقبل الرحله ب 4 ساعات التوجه الى الفندق والتوجه الى المطار

هذا جدولي اذا تقدرو ترشحو تعديل او شيء

شكرا على ملاحظاتكم ما قصرت مشرفتنا ولا انتو لا هنتو

سؤال اخر
انا بستاجر سيارة هل يفضل الحجز اونلاين او اخذها من المطار
وسوال بخصوص التذاكر احجزها من الان اونلاين او نفس الشي اخذها من نفس المكان
ويا ريت تعطوني المواقع اذا احجز منها
والله يجزيكم الخير

تم الرد بالاقتباس

وهذا موقع اسمه كوبون ينزل كوبونات وعروض لدبي صراحه اوقات تلقى فيه عروض ممتازه مثل اسعار الرحله البحريه تكون فيه مخفظه وحتى دخول بعض الملاهي والفعاليات وبعض المطاعم




https://www.cobone.com/ar/deals/dubai




انا جربته اكثر من مره في الرحلات البحريه وجربت هذي الشركه لان تمر بقناة دبي المائيه الجديده عشاء ممتاز والجو الان حلو


https://www.cobone.com/ar/deals/acti...w-cruise/68613

انا جربت هذي لكن في شركات كثير لكن ماعندي خلفيه عنها هذي الشركه مقرها عند الفيستفال سيتي سنتر ومواعيدها مضبوطه وضروري جدا تتواصل معاهم قبل ماتشتري الكوبون وتبلغهم بيوم اللي تبي فيه الرحله وهل في مجال اذ في مجال اشتر الكوبون وتواصل معاهم بنفس اليوم واحجز الرحله حتى تظمن المقاعه ضروري هالخطوه التواصل عن طريق البريد او الهاتف والاثنين موجودين بالموقع ولازم تلتزم باليوم بعد الحجز لان مافي تعديل ولازم ترسل لهم نسخه من الكوبون وتطبعه وتاخذه معاك للرحله تسلمه لهم
وهذا ينطبق على باقي الشركات

ولازم تكون عندهم قبل الرحله بساعه لانه تحرك بوقتها ماتنظر احد واذا مشت عنك راحت فلوسك



وهذا موقع عليه مدح كبيير لكن لم تحصل لي فرصه احجز منه وفي عروض ممتازه


https://www.klook.com/city/78-dubai/






بالتوفيق

صراحه لم يسبق لي استاجار سياره لاني اروح نروح دبي عن طريق البر فالسياره معانا

لكن اللي اقدر انصحك فيه انك استاجر من الشركات العالميه والمعروفه حتى تظمن رجوع الوديعه في مشاكل كثيير من الشركات المحليه بدبي وعدم عودة التامين او الوديعه


وبنفس الوقت اول يوم انت بتوصل متاخر ماراح تستفيد منها كثير وبتحسب عليك يوم فرايي ابحث الان عن فروع الشركات العلميه في دبي وثاني يوم بعد الفطور توجه لوحده منهم واحجز وبتكون ارخص من المطار حسب علمي وتوجد في بعض الفنادق مكاتب خاصه لبعض الشركات مثلا مره سكنت في فندق كان في مكتب خاص لشركه هيرتز لتاجير السيارات

وتاكد من وجود سالك بالسياره وتوفر الشركه في السياره وهو ستيكر يوضع على السيارات الامراتيه لان في طرق تحتاج رسوم للسير عليها وهذا الطابع زي بطاقه مسبوقة الدفه لهذي البوابات




بالتوفيق

شكرا على ملاحظاتكم ما قصرتو