شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة الامارات (https://www.arabtrvl.com/vb/f63.html)
-   -   تقرير : رحلتي الى الامارات الحبيبة 8 / 2022 م (https://www.arabtrvl.com/vb/t51064.html)

عبدالرحمن الصلال 18-08-2022 09:24 PM

تقرير : رحلتي الى الامارات الحبيبة 8 / 2022 م
 
كانت الخطة من البداية تقسيم الاجازه بين الامارات
والشمال التركي وبالاول نزور الامارات سياره من المنفذ
البري وبعد اكثر من اسبوع تكون رحلة الشمال التركي
من مطار دبي برحله جويه مباشره الى طرابزون
المهم الموضوع هذا بيكون عن الامارات دار عيال زايد

وبسم الله نبدا ...

بن قوت 18-08-2022 09:47 PM

حياك الله اخ عبدالرحمن
دايما مبدع في تقاريرك في السعودية
والان تقرير خارجي
مرحبا بك وبتقريرك

عبدالرحمن الصلال 18-08-2022 09:49 PM

الابداع مرورك بن قوت .. خلك قريب تراني رحت لتركيا وبنزل تقريره بعد تقرير الامارات بموضوع جديد

عبدالرحمن الصلال 18-08-2022 10:13 PM

ج 1

8 / 2022 م

الرحلة 4 أشخاص عائلة ... معنا كبير سن

طلعنا من الرياض وعلى منفذ البطحاء
من الوناسه مادرينا عن الطريق وتعبه

https://www.arabtrvl.com/up/uploads/...491016961.jpeg
ومع الطريق الى منفذ البطحاء في حلول الساعة التاسعة
مساء وصلنا المنفذ ولله الحمد خصوصا انا ابغا اتمشى
بـ الامارات عمري ماجيته الا ترانزيت ...

قبل دخول المنفذ تأخرنا شوي تقضية مواد غذائية
وبنزين وصلاه ...

https://www.arabtrvl.com/up/uploads/...496015061.jpeg
ودخلنا المنفذ ولله الحمد وبعد اجراءات عبرنا
للمنفذ التالي اللي هو منفذ الامارت - الغويفات
ولقينا الترحيب وياهلا وسهلا نورتونا خذو تامين بسيط
على السياره وعدينا كانت الاجراءات سهله وسلسه
...

تنبيه ..
اذا كانت السياره من لازالت شركة تمليك لازم تجيب تفويض
من البنك عشان تدخل السياره وهذا شرط المنفذ السعودي
لأي دولة خليجية


يتبع ...

IbrahimKSA 19-08-2022 12:54 AM

الطريق الان افضل من اول سواء من الجانب السعودي او الإماراتي

متابعين معاك نبي نعرف وش الجديد في الامارات



عبدالرحمن الصلال 19-08-2022 01:47 PM

اقتباس:

المشاركة الأصلية كتبت بواسطة IbrahimKSA (المشاركة 579763)
الطريق الان افضل من اول سواء من الجانب السعودي او الإماراتي

متابعين معاك نبي نعرف وش الجديد في الامارات



صحيح وشكرا لك على مرورك ...

عبدالرحمن الصلال 19-08-2022 02:22 PM

ج2

في الدخول مباشره الى ابو ظبي وهذا بداية شهر اغسطس
بعد الدخول للمدينة صدفنا فندق اسمه ميلينيوم وتبدا اسعار
الغرفه الواحده 614 درهم من البوكينق وكنا مليانين تعب وجعلناها نوم الى اليوم الثاني ...

https://www.arabtrvl.com/up/uploads/...670698941.jpeg
هذا هو الفندق ...

وصراحة من عادتي اول شيء اسويه في السكن اطلب
التطبيق اللي اهل البلد شغالين على طلبات خصوصاً
طلبات الطعام والبقالة ولقينا تطبيق talabat وبحط
لكم رابط التطبيق اخر التقرير ان شاء الله

امضينا يومين في ابو ظبي كله من مولات ونرجع للفندق
تخللها زياره للخور ولمسجد الشيخ زايد رحمه الله

وتوجهنا الى الوحدة مول بأبو ظبي

وهذا موقعة ...

https://goo.gl/maps/brSJ2jtZKiSThwLR6

ونظره عامة على الاسعار وصراحة مافية فرق بينها وبين
الاسعار بالسعودية تقريباً واقرب مثال مول العرب بجدة

ملاحظة عشان ماتواجه مشاكل في الانترنت والاتصال
فعل انترنت البلد اللي انت رايح له انا من نفس الوحده
مول بأبو ظبي فعلت اتصالات الامارات وكانت عملية التفعيل
سريعه جداً 10 ايام بلا حدود وطلبوا مني هويتي او الجواز
وعطيتهم الجواز ...

https://www.arabtrvl.com/up/uploads/...799543251.jpeg
من هذا الجهاز اختاروا لي واي فاي راوتر عشان الشريحة
فيه عشان نسوي بث لجميع جوارتنا لو واجهتنا مشكلة
من التجوال ...

https://www.arabtrvl.com/up/uploads/...799547822.jpeg
ومن هنا فعلوا لي الشريحة بأسمي على الجواز .

يتبع ...

عبدالرحمن الصلال 19-08-2022 03:15 PM

ج 3

الاماكن السياحية كثيره في ابو ظبي وانصح بالخروج لها قبل
غروب الشمس خصوصا خور ابو ظبي او مايسمى بخور المقطع
ومعه اماكن اخرى ممتازه جداً اذا كان معك عزبة قهوه

اما المتاحف ياكثرها واهم الاماكن الاثريه قصر الحصن ابو ظبي والحدائق كثيره
والمعالم كثيره اهما مسجد الشيخ زايد رحمه وابو ظبي تحتاج
لأكثر من اسبوع لتغطيتها بس للاسف جدولنا فيها يومين
فقط ورايحين لدبي

https://www.arabtrvl.com/up/uploads/...024738041.jpeg
مسجد الشيخ زايد رحمه الله . تحفه معمارية عجيبه

https://www.arabtrvl.com/up/uploads/...024743032.jpeg
سعادته هههه متكي على السور ..

صراحة الاماكت تحتاج ارشاد خصوصاً لمعرفة وقت دخولها
يااما من الموقع الاليكتروني واسرع طريقة من مراسلة الرقم
المباشر من قوقل ماب

اذا كنت من محبي المتاحف والاماكن الاثرية اليك
هذا الجدول .


1 - قصر الحصن ، موقعه ..
https://g.page/QasrAlHosn?share

2 - متحف اللوفر ابو ظبي ، موقعه ..
https://goo.gl/maps/ed514JdFpixvbPru6

3 - قصر الوطن ، موقعه ..
https://goo.gl/maps/1mAuygcS3TPBLxSG8

اماكن اخرى يجب عليك زيارتها ..

1 - عالم فيراري ابو ظبي ، موقعة ..
https://goo.gl/maps/EphNVd5xNYAvz7Qf9

2 - عالم وارنر براذرز أبوظبي ويصلح للي معه عائله واطفال
موقعه ..
https://goo.gl/maps/YAFmmeUX8hB3JWRi6

الرسوم يجي عليها خصومات اغلب الاحيان

يتبع ...

عبدالرحمن الصلال 19-08-2022 09:26 PM

ج4

التطبيق المستخدم في حجز الفنادق بالامارات هو ..

https://www.arabtrvl.com/up/uploads/...3141191251.png
رفيق الدرب بوكينق ...

انا من كثر مااحجز في السعودية عن طريق البوكينق عطوني
خصم 20% وافادني صراحة طلع فيه فرق عن السابق وللي
ماوده يحجز عن طريق البوكينق ووده يوفر شوي يحمل تطبيق
Airbnb ويدعي لي وبحطه لكم رابط التطبيق في اخر
التقرير ان شاء الله ..

واللي بيوفر ايضا يحط خيار بيوت وشقق بيطيح عليه نص المبلغ
خصوصاً في البوكينق .. اللي بيوفر خصوصاً غسيل الملابس يوديها المغسلة
واللي هي اسمها عن اخواننا الاماراتيين المصبغة

الفنادق متفاوته بالاسعار وخدماتها فيها شيء من الغلاء
اسعار الطعام مناسبة جداً وفيه مايناسب جميع الاذواق وكل هذا في تطبيق طلبات .

سيارتنا فادتنا كثير ووفرت علينا كثير في التنقل

للي يحبون التسوق هذ قائمة لكم ..

1 - ابو ظبي مول ، موقعه ..
https://goo.gl/maps/R9XSXJaE9SaqD3p76

2 - الوحده مول ، موقعه ..
https://goo.gl/maps/PvF3WkiBPnM7TyzFA

وفيه مولات كثيره فيها اثنين جا عليهن مدح
اللي هو ياس مول و مارينا مول

اما الاسواق الشعبية هذي قائمه منها لك ..

1 - السوق ، موقعه ..
https://goo.gl/maps/hesL6JtytQdQAHs79

2 - سوق قرية البري ، موقعة ..
https://g.page/SoukQAB?share

يتبع ..

عبدالرحمن الصلال 19-08-2022 10:12 PM

ج5

بعد يومين قضيناها في ابو ظبي توجهنا الى دبي ..

كان مقصدنا السكن اول شيء وطول الايام اللي قضيناها
في دبي كانت بالقرب من برج خليفة في برجين جنب بعض
وكنا حاجزين فيها طول الايام اللي بنجلسها في دبي حتى رحلتنا
الى الشمالي التركي ..

اسمها بوليفارد 29 برج 1 و 2 وهذا اسمها الفعلي في بوكينق
باللغة الانجليزية وتقدر تبحث في قوقل ماب بالاسم الانجلش
هذا يطلع لك على طول .

BellaVista Apartments - 29 Boulevard Downtown Burj Khalifa


وكان عليها عرض في السعر وهي غرفتين وحمامين وصالة وبلكونه اطلاله وكان الطابق في
البرج الاول 28 والبرج الثاني طابق 18 وكانت اجمل تجربه
سعر كل هذا لليوم الواحد 540 درهم المجموع لسته ايام
فوق ثلاثه الاف ريال اهم الخدمات داخل الغرف عنك
غسالة ملابس مجهزه

https://www.arabtrvl.com/up/uploads/...567233271.jpeg
اطلاله من السكن على برج خليفة

الاماكن الاهم كلها قريبة منك خصوصا برج خليفة
والمطاعم اللي اسفل منه والنافوره نافورة برج خلفية ودبي
مول كلها تقدر تروح لها على اقدامك لو بغيت ..

الله رزقنا بالعرض المقدم لمستخدمي الموبايل عبر بوكينق
ولاكان بتصير اليومية فوق 1000 درهم ويمكن 1200
الى 1500 درهم .
.

وانصح بالتمشية بالسيارة داخل دبي لو ساعتين

https://www.arabtrvl.com/up/uploads/...627084551.jpeg

ولفه بالسياره للإكتشاف خصوصاً المطاعم ههههه

https://www.arabtrvl.com/up/uploads/...627089052.jpeg
ورايحين نتعشى في مطعم الا نشوف هالصوره
الشيخ زايد رحمة الله عليه

يتبع ...


الساعة الآن 08:03 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO