|
اول موضوع لي .. ممكن افادة السلام عليكم واسعد الله اوقاتكم بكل خير وسعادة اخر مره كتبت بالمنتديات من عام 2006م (( ايام الاسهم والسقطه الكبرى)) مالكم بالطويله ربي يحفظكم انا من زوار دبي وعاشق لها .. غالبا استاجر سيارات من هناك ورحلاتي طيران .. الان تذاكرا دبي نار للاسف و هالمره مع العائله وصارت اكبر شوي ربي يصلحهم ويبارك فيهم ولنا ولكم ناوي اروح خط من الرياض .. اخر مره رحت خط عام 1999:7: مع سيارة عائليه يوكون .. السؤال ؟ افضل خط سير بدون توقف الى المنفذ؟ بعد المنفذ هل اكمل لدبي او اوقف بمنتجع سمعت الناس يتكلمون عنه (( اللي يقدر يفيدنا عن تجربته فيه)) ابوظبي هل تستاهل الزيارة ؟ وكم يوم البنزين انا 91 هناك وش يناسب لليوكون؟ الرحله عائله ومخصصه بشكل كبير للعيال ( اعمارهم اقل من 11 سنه )) الاماكن الجميله والمناسبه لهم الفنادق اللي فيها مسابح ومحتشمه شاكر لكم واسف على الاطاله ,,, |
الذهاب بيكون بعد شهر تقريبا اجازة اليوم الوطني ان شاء الله |
وعليكم السلام حياك يابو نواف بيننا أجل من أهل المواشي وبيشة :32: 1000 كلم رايح + 1000 كلم راجع ما يستاهل بسيارة اذا على اجازة اليوم الوطني |
ابوظبي العاصمة فيها كل شي والابهار في دبي ومثل ماتعرف المولات وغيره خط سير سلوى البطحاء اتوقع احسن طريق بدون توقف المنتجعات كثيره قبل ابوظبي وفي ابوظبي كذلك انصحك بزيارة ابوظبي و العين في الشتاء ضع في الاعتبار ان البنزين غالي جدا ومسالة توفير التذاكر بالذهاب بسيارة ممكن مايصلح الموضوع |
و عليكم السلام و رحمة الله و بركاته .. حياك الله أبو نواف ... دام خبرك بالمنتديات من عام 2006م و طيحة الأسهم أجل كنت من هوامير منتديات أعمال الخليج للأسهم :17::17: شف يا غالي .. الذهاب بالسيارة إلى دبي من الرياض هناك طريقين: طريق حرض - البطحاء = 528 كلم من الرياض إلى المنفذ 6 ساعات طريق الرياض - الهفوف = 600 كلم من الرياض إلى المنفذ 6:30 ساعات و بما أن معاك عائلة أنصحك بطريق الهفوف لأن طريق حرض أغلبه شاحنات نرجع للفترة (أجازة اليوم الوطني) أنت معاك بيكون 4 أيام فقط و أنت عاد قرر هل تستحق العنوة لأن الصافي بس يومين لو أستبعدنا يومي الوصول و المغادرة ... بالنسبة للبنزين بالأمارات اللى يقابل بنزين 91 عندنا هو بنزين 95 خصوصي 3.92 درهم للتر بالتوفيق |
اذا المدة أسبوع توكل على الله ورح دبي على طول الله يعينك على الخط وعلى البنزين تم الإرسال من SM-N960F باستخدام Tapatalk |
اذ تبي نصيحتي لا تروح من خط حرض رغم انه يختصر لك تقريبا ساعه ولكنه خطر افضل رح مع طريق الهفوف تمشي وانت مرتاح زمان كثير اروح بالسياره وكان قله من الاصدقاء يقولون ليه ما تروح مع حرض اسرع لك .. ومره وانا راجع قلت بجربه .. طريق خطر وعلى اعصابك وكله مركز |
| الساعة الآن 03:41 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO