|
8 ساعات ترانزيت بعمان السلام عليكم اسعدكم الله اينما كنتم عندي ترانزيت بعمان لمدة 8 ساعات وحاب استفيد من هالوقت خارج المطار واحتاج اقتراحاتكم لاعدمناكم ... وقت الترانزيت من العصر الى 11 بالليل بنهاية الشهر وبيوافق يوم خميس العدد شخصان حبذا تزويدي بأفضل طريقة للمواصلات وهل يوجد تطبيقات مواصلات تكون آمنه وسعرها مناسب هل يوجد اي متطلبات على السعوديين لدخول الاردن |
وعليكم السلام وايامك بكل خير وحب 11 ساعة مشكلة هذي الى المنطقة الحية زي البوليفار يبي لك من 30 الى 40 دقيقة روحه ورجعة زيها مع ان وقتك يكون الطريق زحمة على قولة الاردنيين ( ازمه ) يعني باقي معك 10 ساعات يمدي تتمشى في البوليفار فيا مقاهي ومطاعم ومول بيروح عليك الوقت سريع هناك ولازم تحسب حساب الرجعة عطل حادث لا سمح الله وبنسبة للمواصلات عندك اول ما تطلع من بوابة ا لمطار التاكسي هناك يستقبلونك كل واحد تفضل تفضل سعرهم معروف الى وسط البلدي 22 دينار واذا بترجع من وسط عمان الى المطار عندك اوبر امن وكويس وسعره من 15 الى 17 دينار على العموم معك 7 الى 8 ساعات هي اللي تقدر تتمشى فيها وبعدها ترجع للمطار الرحلات الدولية لازم من ساعتين الى 3 ساعات قبل الرحله وانصحك اذا كنت في المطار تروح الى الاونجات (الصاله الملكية ) فوق في المطار بعد السوق الحره ياتدخلها بالفيزه او المستر كارد او تدفع 32 دولار جلساتهم جميله وهاديه وفيها مالذ وطاب من الاكل والمشروبات الساخنة والباردة لا يوجد اى متطلبات نهاااائي على السعودين والخليجين للدخول الى الاردن رحله سعيده وموفقة |
بيض الله وجهك وماقصرت طبعاً الترانزيت 8 ساعات وليس 11ساعة وانا بالفعل عندي دخول مجاني لصالة اللاونج بالمطار ولكن الفترة طويلة ولذا افضل الخروج وانا عندي تقريباً 4 الى 5 ساعات هي اللي ممكن اكون خارج المطار قبل العودة للحاق بالرحلة فهل الفترة تكفي لزيارة البوليفارد او هناك خيارات افضل واقرب للمطار ؟ ياليت ترشيح مطعم يكون مميز بالمنسف والمشاوي . محل بقلاوة مميز وممكن اخذ منه شي كاهدايا . لا استغني عن مشاركة باقي الاخوة لاثراء الموضوع شاكر ومقدر |
5 ساعات يمديك تروح تتغدا في مطعم ريم البوادي مطعم جميل واكله كله لذيذ مره وجلساته رااائعه مره وعندك مطعم جبران ومطعم حليمة هذي في البوليفارد والاثنين اكلهم جميل ورائع في المشاوي (( بس مطعم جبران يبي لك تراجع الفاتورة وطلبك اذا بتحاسب ذمتهم مدري وشهي قايله خساس شوي ) بس المنسف عند ريم البوادي اعطيه 9 او 8 من 10 وبعد ما تتغدا عندهم روح لحبيبه جنبهم ممشى 5 دقايق على شارع المدينة وهذا اشهر محل في الاردن لذيذ كل شي عندهم الحلويات راااائعه واذا انت من عشاق المناسف عندك مطعم دحبرها جنب البوليفارد هذا تخصصه مناسف للأمانه اجيته مرتين المره الاولى فل وجلسنا حولي نص ساعه ننتظر طاوله تفضا وطفشان ورحنا ورجعت له بسفره ثانيه وتغدية فيه لذيذ لذيذ مره المنسف عندهم [/SIZE][/COLOR][/FONT][/QUOTE] |
اوه يوم الخميس ! مانصحك تبعد عن المطار. . . عندك مشروع سياحي جديد جمب المطار اسمه (قرية الحجرة). . اكتب في (قوقل ماب): Hujrah Village, Amman, Jordan, 11104 : : وفي الانستا هذا حسابهم: hujrahvillage : عنّي مارحت له. |
اهلا وسهلا فيك في الاردن وبوابة الاردن ماقصروا الاخوة سكاي ومالها حدود الوقت جيد تطلع من المطار توصل شارع المدينة تتغدى في ريم البوادي وبنفس الشارع تشتري من حلويات حبيبة وبعدها ممكن تقضي ساعتين في البوليفارد تمشية ومعك ساعتين من المطار واليه حسب الازمة توصل بالسلامة ونتمنى لك اقامة سعيدة في عمان… |
اقتباس:
سلام عليكم القوه ما عطيتنا علوم الرحله وش صار معك |
اقتباس:
اشكرك على الرد وأسف لعدم التعقيب في حينه ولكن الظروف تحكم وبالفعل المواصلات الخميس تكون زحمة وهذا ما اخبروني به الشباب بالمطار ولذلك بقيت بالمطار |
اقتباس:
|
اقتباس:
ارحب يالله حيه عذراً على البعد الفترة الماضيه العلم طال عمرك اني بعد مانزلت المطار وسألت الشباب الاردنيين عن الدخول للاردن خلا 5 ساعات تقريباً والعودة للمطار فاتضح لي بأن هناك عدة عقبات بالموضوع 1. ذكرو لي بأني احتاج الحصول على تأشيرة سياحة او زيارة ناسي بصراحه اسمها وتكلف مبلغ ممكن 250 ريال او حواليها وهنا ذكرت لهم بأني سعودي والسعودي مايطلب منه تأشيرة فكان الرد بأن رحلتي ترانزيت بعمان وليست الوجهه النهائية عمان ولذلك يطلب تأشيرة وكان الخبر هذا مفاجئ لي . 2. عرفت بأن المواصلات من والى المطار بتكون مكلفة . 3. الطرق زحمة موت والفترة بسيطه وماتستاهل خوض هالزحمة . الخلاصة اني بعد ماحسبت التكاليف المتوقعه من تأشيرة ومواصلات وقارنتها بالفترة الزمنية شفتها ماتستاهل فبقيت بالمطار طبعاً المطار في عدد 3 لاونج وانا معي بطاقة استطيع الاستمتاع في اللاونج بالمجان فقضيتها بين اللاونجات اكل وقهوة واسترخاء والحمدلله |
| الساعة الآن 10:22 AM |
Powered by vBulletin® Copyright ©2000 - 2026, Jelsoft Enterprises Ltd.
Search Engine Friendly URLs by vBSEO