|
رحلة ابولجين الى البوسنة (هذي سيدي كل الحكاية) الاخوة والاخوات المسافرون الجميلين والمسافرات الماجدات ايها الشعب الكريم ... :7: ابدا بسرد القصه لكم من البداية لرحله يوم 28 مارس 2025 من الرياض الى سراييفو مرورا باسطنبول ... بداية من الفيزا .. لدي فيزا شنغن جديدة ( ألمانية ) .. لم تستخدم ..بستخدمها لدخول البوسنة ( مع اني بدأت اشك بسالفه الشنغن الجديدة ) لكن الله يستر **الاشكالية هي : لو قالوا بالمطار ان الفيزا الشنغن يجب ان تكون مستخدمه لدخول بلد اوربي قبل امكانية السفر بها الى البوسنة .. ان قالوا كذا انتهت حكايتنا بالرياض ولاطاروا ولا شي :32: اذا مشت الامور .. سأكمل لكم سرد الحكاية البوسنوية **ابحثوا عني صباح 29 مارس اذا كنت نايم بفندق بالرياض فالطيارة راحت والاجازه راح تكون بربوع بلادي وان حصلتوا السيارة واقفه عند مكتب يلو وانا ماني هنا اعرفوا اني تبوسنت اصطلاحا "تبوسن" الرجل اي ذهب للبوسنة :32: |
توصل بسلامة بو لجين الي اعرف لازم فيزة شنغن مستعملة واذا ماردوك هنا. هناك احتمال كبير يردونك ننتظرك جديدك وان شا الله امورك تسلك |
اهلا بالشيخ احمد وكل عام والجميع بخير ابولجين البوسني يحدثكم…. احدثك من مقهى صغير من قلب المدينه القديمه في سراييفو….. ولا احد سال الا عن وجود الشنغن جديده قديمه والله مادروا التامين الطبي يكتبون الناس انه الزامي ولا احد طلبه مني ولا تفتيش ولا تدقيق الامور سهالات…. استاجرت شقه من بوكنج وكان الدفع عند الوصول نقدا تواصلت معه قال انا باجازه ومسافر لامشيت ضع المبلغ فوق الطاوله هههههههه اي والله كذا بالنص…. قلت ابشر عالم رايقه / لمحه ادبيه : طلعت الساعه 9 وجانا مطر… شريت مظله ابي اعيش جو الادباء كوفي ومقهى عتيق ومظله لكن ( توقف المطر ) / \ |
ما شاء الله تبارك الله الحمد لله على سلامة الوصول يابو لجين استمع و :e20f:اصنع لك جو لكن لا تنسى وصيتي لك ؟؟؟؟؟ |
اقتباس:
الحمدلله على السلامة وانت بصحة وسلامة سبق ورحت البوسنة 2023 بس للاسف في اماكن كثير مارحتها هسنة مخطط اروح ثانية ننتظر تغطيتك :18: |
اقتباس:
ارحب يالامير الله يسلمك وكل عام وانت والجميع بخير سم ابشر :25: |
اقتباس:
الان العصر بانتظار الليل :e134::e134: |
اقتباس:
ابشر بالتغطيات والانطباعات عن البوسنه اليوم العيد اول يوم ( وصلت امس) …كثير محلات مقفله / العاصمه مبدئيا عاديه ماهنا شي مدهش الا اللهم الساحه في المدينه القديمه … جميله ومكان بعيد جميل لجوله مشي وكوفي بكره ان شالله باخذ السياره وتنظلق الجياد لاولى المحطات بيهاتش :14: |
اقتباس:
عطني خبر |
اقتباس:
جيت هنا امس والصراحه البرد والمطر حايسين كل شي حاولت اروح للشلالات المشهورة مدي وش اسمها لقيتها 30 km وبالسياره ساعه ( السواقه هنا شغل سلاحف حد اقصى 40 او 50 كان عندك شي مميز هاتوه :e134: |
** نصيحه لله ثم للتاريخ : اذا اردت السفر لبيهاتش من سراييفو اطلع من اول اليوم الطريق طويل جدا جدا ( و جدا ) والسرعه فيه 50-60 يعني خويك النشيط لو ينزل من السياره ويركض وصل قبلك ** واذا اظلم عليك الليل في وسط الطريق جبال وظلمه والخط سيد واحد وفاضي( ينقصك تشغل قصص جن ) ههههههههههههه |
لمحه مضحكة : وحدت تقارير لخلايجه يتحدثون عن معلم سياحي ( مسجد فتحيه ) مسجد قديم عادي ومغلق بعد تهاويل ربعنا هههههههههه ههههههههههه |
معلومه لاتفكر تجي للبوسنه الا من 1-5 مايو غيرها سيعوق البرد تحركاتك شوي خصوصا في الشمال |
اقتباس:
او تاخذ لك سكن في يايسي وبالمرة تزور شلال يايسي اقتباس:
ميزة شهر 4 لين نص 6 الخضرة في حلتها وجمالها شهر 4 من اخر شهور انكسار البرد لازم براد شوي |
من توقف المطر الى خويك النشيط هههههههههههههه باين انها رحله تاريخيه يبو لجين :1: نتمنى لك السلامه دائما |
والله ياشيخ عبدالرحمن ... سوالف السفر زينه لكن بعض الامور ماهي زي مايتوقعها الواحد ... / القيادة في البوسنه امنه لكنها تغثك تخيل مسافر مثل من بريده للرياض امشي خمسين ولحالي .. خلص اليوتيوب وختمت حلقات المديفر كلها وازدتت علما وانا لسا بالطريق .. لامشيت 60 حسيت اني طااااير .. / المطر سالفه .. الناس معهم مظلات قصيره اذا صفطها تصير حول 20 سم .. يمسكها بيده .. انا شاري مظله تقل عصا شايب .. سوداء مظلمه هههههههه ... ولاطلعت للسوق اخذتها ولافيه حتى السحاب ولا تركتها من يوم اتوسط الساحه وهي مسميه ماطر واحد الدعوى شخصنه ههههههههههه اخرتها ( والله ) لقيت مسجد فيه سطل للمظلات حطيتها فيه .. لاعندنا مطر ببريدة وش ابي بها .. خلها للذكرياااااات |
استاجرت شقه صغيره عند بوسني اسمه ميرزا .. المهم قلت له ابطلع ست المغرب قال اوكي ... ست وربع والدنيا مرثعه والجرس والحاله .. كنت نايم .. صحيت لقيت ( امه ) .. ياحيالله سلم الله .. اشارت للساعه قلت اوكي شوي وانا اضبط الشنطه واخذ اغراضي واقفه عندي تراقبني وانا اتعاطف معها بما انها عجوز واشير للكرسي اجلسي وهي ترطن بلغتهم بكلمات احسبها تتشكر وكل شوي تشيك الغرفه والمطبخ وتبترم .. وانا احدث نفسي عن ( حسن معامله كبار السن ) :24: المهم شوي وصلنا 6 و26 دقيقه تحديدا واذا بالولد جاي اثر العجوز كلماتها شكلها كانت تهديد هههههههههههه ههههههههههه وش العلم يامرزا .. واعطي العجوز نظره ... ياخساره التعاطف معك قال انت متاخر .. قلت يابن الحلال تراها ربع ساعه قااااال لااا 26 دقيقه .. لازم تدفع افاااا .. وانت اثرت علي وعندي عملاء بيجون ومن هالكلام .. طبعا لغته الانجليزيه اكثرها ( ايماءات ) المهم شديت نفسي قلت بيطلب مبلغ جامد ونبي نبتلش به هو وعجوزه اوما بيده واشار بقوة ( 10 ) قلت عشره بوسني قال ايه انت متاخر هااااااانت .. السالفه كلها 10 مارك .. يالسهالات .. عطيته العشره ويعطيني هكالابتسامه هو والعجوز بوقت واحد الحكمه من الموضوع ( ماكل عجوز حليلة ) حكمه اخرى لاتعاطف الا مع خالتك :24: |
هههههههه المهم. وين التغطية :17: |
عجيب بولجين تبوسنت :) كمل متابعين معاك الكل يمدحها بالربيع والصيف خصوصا واااي العيوز شدعوه عليها أثرت على العملا اللي عقبك |
اقتباس:
اهلا بزعيمة الرحالين في المنتدى .. والله ياسيدتي الفاضله .. البوسنه حفظها الله كبلدان شرق اوربا الباقيه مافيها اكشن .. بلدان عاديه جدا .. مافيها شي يمكن ان ( تتعجب ) منه او يسوي لك اثاره .. رحت هناك عدة ايام وتجولت كالمعتاد على (فرسي / سيارتي ) وجيتك راجع .. ولكن لأكون منصفا .. الطبيعة فيها جميله جدا وخاصة موضوع الانهار والشلالات ... مدهشه بحق .. / تشعر بالسلام هذا الانطباع عن البوسنة |
اقتباس:
صح اعتقد الكل يروح لها عشان طبيعتها يعني اللي يبي الهدوء والراحه مثل ما قلت مافيها إثارة ولويه |
"تبوسن" الرجل اي ذهب للبوسنة أول مرة اسمع هالمصطلح :32::32: |
لمحه مضحكة : وحدت تقارير لخلايجه يتحدثون عن معلم سياحي ( مسجد فتحيه ) مسجد قديم عادي ومغلق بعد تهاويل ربعنا اي والله هذه مشكلتنا بتهاويل ربعنا الله يهديهم ولما نروح نلاقي الشي عادي جدا مايستحق الزيارة |
عجوزهم قوية وقشره احنا عجزنا مساكين ويكسرون الخاطر |
| الساعة الآن 06:43 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO