|
سعودي يستثمر في بونتشاك من ظهرك يالخليجي العرب المسافرون اندونيسيا السلام عليكم ورحمة الله وبركاته أعتذر منكم على العنوان ولكن مادفعني إلى كتابة ذلك أثناء عودتي الصيف الماضي من أندونيسيا قابلت سائح سعودي من منطقة الرياض وكان لوحده وبادرته عن سبب وجوده لوحده وكيف يمكن له الاستمتاع بالسفر فقال أنا مستثمر في الفلل في منطقة بونتشاك الجبل ولدي عامل أندونيسي براتب ونسبة على كل فله وهو يأجرها على الخليجيين بضعف المبلغ وقال أنه يستأجر الفيلا بالسنة بمبلغ لايزيد عن 12 ألف ريال سعودي ويتم تأجيرها في اليوم الواحد بـ 1200 حتى 2000 ريال فقلت أنك تستغل أبناء بلدك قال اللي ماعنده فلوس ماطلع من دولته يعني كلهم شبعانين المعذرة على الكلام ... بصراحة انزعجت منه ومن حديثه فحاولت أن أتجاهل وجوده وأنجز جوازي سريعاً لأغادر |
رد: سعودي يستثمر في بونتشاك من ظهرك يالخليجي التجاره شطارة هذا شي مفروغ منه اما عن انه ياجرها للخليجيين فقط فهذا تحيز واستغلال بشع خاصه ان كانت الفلل لاترتقي للمستوى المطلوب او المبلغ المحدد للإيجار ! اما اذا كانت فخمه ويناسبها السعر ولم يشترط جنسيه من يؤجرها عليه فهذا شي عادي جدا ومن حقه كسب رزقه بهذه الطريقه التي اعتبرها شريفه جداً وذكيه ايضاً المبلغ المدفوع هو مدفوع على اي حال والسائح يهمه مكان جيد وسعر مقبول وماتفرق هالمبالغ وين تروح دامها لجهات غير معاديه لنا ك إسرائيل ولو السواح المستاجرين عنده شايفين ان الفلل هذي ماتستحق ماكانو استاجروها شكراً لك |
رد: سعودي يستثمر في بونتشاك من ظهرك يالخليجي أكيد بيأجرها لفترات المواسم السياحيه فقط وتظل مغلقه فترات طويله ليست سياحيه فلكي يأتي بإيجاره وأرباحه لازم يكون السعر في هذه الحدود لأنه لا يؤجرها بالسعر هذا طول العام |
رد: سعودي يستثمر في بونتشاك من ظهرك يالخليجي وعليكم السلام ورحمة الله وبركاته حياك الله اخوي ونحن بدورنا نحب النقاش في الامور اللي تهم السائح بشرط ان ما يكون هناك تعدي على اي شخص ... مو واقع تجربة لفترتين زمنيتين في اندونيسيا قبل ما تكون غالية وبعد ذلك دخول المستثمر السعودي له إيجابيات وسلبيات الايجابيات : خيارات السكن من الفلل اصبحت اكثر الفلل انظف من قبل والاثاث باستمرار يتغير ( كل سنة يتغير وبعض الفلل كل ستة اشهر ) مراعاة خصوصية واحتياجات العائلة السعودية من حيث الخصوصية وتوفير المستلزمات الضرورية السلبيات بعض اصحاب الفلل هداهم الله رفعوا الاسعار لأرقام فلكية وبالتالي تبعهم الاندونيسيين برفع اسعار فللهم ( على الرغم من ان اثاثها قديم ولا يجددونه الا نادراً ) اخي العزيز الموضوع عرض وطلب فأنت ان كنت تبحث عن الفلل النظيفة ذات الإطلالة اكيد بتدفع زود فلوس والخيارات امامكم كثيرة يعني ما وقفت على فلة السعودي حتى تستأجرها |
رد: سعودي يستثمر في بونتشاك من ظهرك يالخليجي اوافق الاخوان وخاصة مشرفنا القدير ـــــــــــــــــــــــــ العرب المسافرون هولمز |
رد: سعودي يستثمر في بونتشاك من ظهرك يالخليجي شكراً ع المعلومه ماقصرت أنا مع الإستثمار وهو حق مشروع الكل لكن كلنا نعترض على الإستغلال المبالغ فيه تحياتي لك... |
رد: سعودي يستثمر في بونتشاك من ظهرك يالخليجي مع رأي مشرفنا تعال لجده بالأعياد أو الشرقيه بالأعياد واليوم الوطني وشف الاسعار كيف ترتفع |
رد: سعودي يستثمر في بونتشاك من ظهرك يالخليجي مثل ما قلت انت هو مستثمر يعرض بضاعته انا و انت و غيرنا مو مجبورين نشتري من عنده و مع ذالك انا ضد الجشع الإستثماري شكراً لك :(95): |
رد: سعودي يستثمر في بونتشاك من ظهرك يالخليجي هي وقفت على ها السعودي ؟؟ طيب فيه عراقيين ،، فيه سوريين .. فيه اندونيسيين ..! حتى السواق يستاجر ويؤجر ..! وجعلهم بخير وزياده ،، |
رد: سعودي يستثمر في بونتشاك من ظهرك يالخليجي بغض النظر عن جنسيته سواء سعودي او غيره انا الومه في جشعه .. ولكن التجارة شطارة .. هو اتبع طريقة استثمارية والبلا في الناس الدفيعه الي مايفرق معاهم بكم يستأجروا انت لك الخيار .. تشوف الفلل وتاخذ بالسعر الي يناسبك |
| الساعة الآن 08:14 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO