احلى سفرة الى اندونيسيا
 

العرب المسافرون اندونيسيا

السلام عليكم و رحمة الله وبركاته

بجد هذه اول سفره الى اندونيسيا اسافرها بصراحه وكنت خايف بشكل مو طبيعي لدرجه كنت شكاك في كل شي والحمدلله تسهل لي كل شي بعد الله

حاب اخبركم بالتفصيل الممل عن السفر ويارب ما أكون ممل

اول شي // عملته اني حجزت الى اندونيسيا وقيمة التذكرتين ذهاب و عوده بدون ترانزيت في تاريخ 28/09/2015 وقت الحج يعني بتاريخ 15/12/1436هـ كانت قيمة التذكرتين ذهاب و عوده 5580 ريال وكنت حاجز من شهر شوال اعتقد عشان اخذ افضل سعر بالتذاكر

ثاني شي // دخلت على البوكينق عشان اشوف افضل الفنادق بعد ماعرفت ان الجبل الأخضر أو ( بونشاك )احلى منطقه وطلع لي فنادق كثيرة لكن الأفضل لكم جميعا كـ(متزوجين جدد) او (عوائل) فندق بيسونا عالم وهذا رابط الفندق (http://pesonaalamresort.com/) وهذا رابط من اليوتيوب على جمال الطبيعه وجمال فندق بيسونا عالم (https://www.youtube.com/watch?v=ysNa9TaWK54)و للمعلوميه الفندق يحتوي على غرف و سويتات و شقق وقمت بالحجز لان كان سعر يناسبني وانصحكم لوجه الله كنتم شباب او عوائل لا تحجزوا بفندق سيروني لان العيب الوحيد اللي كان فيه هوا ان بالغرفه كان دود وذر عند السكر وسخان المويه وغير كذا مافيه شي للاستمتاع فيه غير الفطور بس واكتشفت هذا الشي بعد ما سكنت فيه يوم واحد وندمت وحبيت ارجع لـ (بيسونا عالم)لاكن كان مليان ما في غرف فاضيه ابد حتى شقق

ثالث شي // شريت العملة بعد ما امنت نفسي و عملت احتياطاتي في الأشياء الأولى و المهمة اللي ذكرتها وكان سعر العملة في السعودية في جده خصوصا ( 1 ريال سعودي = 3770 روبيه ) وفي بونشاك ( 1 ريال سعودي = 3850 روبيه وهذا افضل صرف اخذته من بونشاك ) وفي جزيرة بالي وكذلك جاكرتا ( 1 ريال سعودي = 3450 روبيه وكان غالي الصرف عندهم )


رابعا شي // الفنادق اللي من تجربه خاصه امدحها بجد (للمتزوجين الجدد) او (للعوائل) او (للشباب اللي يحبوا الهدوء والروقان) هيا :

1// فندق بيسونا عالم في بونشاك
https://www.youtube.com/watch?v=ysNa9TaWK54)
2// فندق اوستون بوقور في مدينه بوقور
(https://www.youtube.com/watch?v=zFFTSyxKZLM)
3// فندق اوستون مارينا في جاكرتا
( https://www.youtube.com/watch?v=DuqvxR2-Ofo)
اللي خايف من الأماكن او الامن او أي شي او امنتهم فـ والله كل شي احلى عندهم (الامن - الامانه - الطيبه - بساطتهم )


خامس شي و اخر شي //

الأماكن اللي زرتها هيا :
1// ( حديقة سفاري اللي فيها الحيوانات -اكرمكم الله- والألعاب المائيه وعروض 4D والتصوير مع الفيل والنمر والعرض الأمريكي وعروض الدبابات وعروض الدلافين واشياء كثير ما اتذكرها بصراحه وتحتاج يوم كامل وبصراحه ما ينمل منها ابد )

2// (حديقة الزهور تحتاج يوم كامل للي يحب يتصور ويجلس و حديقة الفراولة بعد حديقه الزهور لان 15دقيقه كثيرة فيها واحلى لمن شربنا عصير الفراوله وهو بارد)

3// (اسمع كثير عن حديقة الفراشات بس بصراحه ما زرتها لخوف الزوجة من الفراشات :yolks00740:)

4// بعد كذا رحنا لمكتب سفريات و حجوزات وحجزنا على جزيرة بالي وكان المبلغ اللي دفعته (سته مليون و.................) ما اذكر المبلغ بالضبط لاكن شامل الطيران و الفندق اللي بداخل كل غرفه مسبح والفطور والسائق وبعد ما ركبنا مع السائق توجهنا على الفندق وافادونا با ان الغرفة تجهز على الساعة 2 ظهر والوقت كان الساعة 9 صباحا وبعد كذا توجهنا للحديقة المائية بصراحه كان جووونان بمعنى الكلمة وكان احلى يوم بصراحه ولا تسمعون كلام الناس في ان بالي كذا و كذا بصراحه اللي يبغى الفلة بيلقى واللي يبي غيرها بيلقى اهم شي النية في الاختيار :yolks00740:

واخر شي كانت سفرتنا 12 يوم + يوم رائحين لإندونيسيا+ يوم راجعين للسعودية = 14 يوم

بصراحه عملت كل شي تتوقعونه يمكن وشريت هدايا وعود من جاكرتا وعطور كان المبلغ المصروف غير التذاكر 9500 ريال / سعودي الى 10,000 ريال / سعودي

وتفصيل الرحله كان
بونشاك = 4 أيام

بوقور = يومين

بالي = يومين

جاكرتا = 4 أيام

واي احد محتاج سؤال انا بخدمتكم واعتقد هنا في اخ بالمنتدى اسمه أبو تركي الله يسعده استفدت منه كثير ماراح يبخل عليكم ابد

شكرا علاء لمشاركتنا تجربتك الجميله في اندونيسيا

اختيارك لفندق بيسونا عالم كان موفق

شنو الاشياء المميزه في بوقور ؟ هل تستحق يومين ؟