|
تنظيم رحله السلام عليكم مسافره اندونوسيا اول يوم راحه جاكرتا و5 ايام بونشاك و 4 باندوق و4 ايام جاكترا ياليت تنضمولي جدول لزيارة الاماكن السياحيه والاسواق والمولات والحدايق وشكرا مقدما |
عليكم السلام 5 أيام بنشاك ممتاز 4 أيام باندونج كثير عليها 4 أيام جاكرتا انا اشوف ان جاكرتا مدينة صاخبة ويكثر فيها الزحام واذا كان هدفك الأول منها التسوق 4 أيام كافية مع العلم ان جاكرتا فيها مزارات سياحية كثير لكن بحكم التجربة شوفي هذا الجدول المقترح 5 أيام بنشاك 2 باندونج 3 أيام بالي او لمبوك 3 أيام جاكرتا اذا اعجبك الجدول راح نضع لك الترتيب بس يا ليت تذكرين يوم الوصول ويوم المغادر حتى يرتب لك الجدول بشكل جيد مع ملاحظة ان الأشخاص الكثيرين يكون التنقل بين المدن صعب عليهم شوي |
هل تم حجز الفنادق ام لا |
لا سيتم حجز الرحله باذن الله الاسبوع الجاي الذهاب يوم 8 يوليو والعوده 21 اربعه اشخاص زوج وزوجه وانستان بعد حجز التذاكر سنحجز الفندق وياليت وضع سوق شعبي زي السوق الصيني رخيص وشكرا مقدما |
لانريد بالي يحتاج لها طيران وصعب التنقل بطيران داخلي |
[CENTER] طيب يوم 8 راحه في جاكرتا بنشاك اليوم الأول : مزارع الشاي ومسجد التعاون ومطل البرشوت وبحيرة الألوان اليوم الثاني: حديقة تامان سفاري يوم كامل ولا يفوتك عرض الكابوي اليوم الثالث : حديقة شيبوداس و الشلالات السبعة (في جلسات اطلبوا منهم شاي بالنعناع ... خيال) اليوم الرابع : اقترح تروحوا منطقة اسمها سكابومي قريبه من بونشاك حوالي ساعتين بالسيارة فيها شلالات ونهر للتجديف واللعاب بحيريه واشياء أخرى اليوم الخامس : مزرعة الفراولة و مصنع الشاي و حديقة الزهور اليوم السادس تروحي باندونج راح يكون معظم اليوم في الطريق و الطريق ممتع جداً اذا كان عندك متسع من الوقت في بنشاك ممكن تزوري بحيرة الليدو ولو ان طريقها زحمه وما تستاهل المشوار لكن البعض يحب زيارتها كذلك ممكن تروحي حديقة متهاري حتى يعلب الصغار في الملاهي المطاعم المطاعم في الجبل عندك السندباد راااائع وعندك مطعم ريدان الفنادق فندق بنسيونا علم فندق راااااائع جدا ممكن تحجزيه من بوكنق فندق سيروني 3 جيد بس عيبه انه ما له حجز من النت اما الفلل فيصعب حجزها بدون رايتها لأنها بعضها غير نيظف وبعضها متهالك و% |
وبونشاك وين اروح؟ وجاكرتا الاسواق والمحلات |
وبالنسبه لشرايح النت بكم ؟ ونت مفتوح |
اقتباس:
في بونشاك المزارات معروفه وكل السواقين حافظينها لكن الاهم في بونشاك السكن لازم يكون مميز لانه في فلل في الداخل وصعب الوصول لها خصوصا في الليل الوضع يخوف لكن امان في مطعم جداااا مميز في بونشاك اسمه كمننا حقيقه بعد تجربتي لاغلب المطاعم في بونشاك اعطيه تقييم 10 ع 10 من كل النواحي النظافه والاكل والسلطات والقهوة والتمر حتى الشاهي الجميل في بونشاك الاجواء وبحيرة الالوان و حديقة شيبوداس تستاهل الجلسه هناك 4 ساعات ع الاقل مع القهوة والتمر والحلا روووعه وكمان السفاري حلوووة لان الحيوانات تتجول بحريه بدون اقفاص وحديقة الزهور تستاهل الزيارة لانها ممتعه من ناحية الالوان والترتيب أتمنى اني افدتك ولو بالقليل تحياتي |
باندونج اليوم الاول كان في الطريق اليوم الثاني زيارة موقع البركان والشلالات ومزارع الشاي وفي المساء التسوق في شارع الجنز اليوم الثالث : منطقة منتزه تمان جواندا و الكهوف اليابانيه والهولندية والعاب وملاهي ترانس استديو باندونق trans studio bandung اليوم الرابع : المغادرة الى جاكرتا الفنادق فندق سينسا رااااائع جدا ويوجد مول بجانب الفندق كذلك شارع الجنز يبعد عن الفندق حدود 100 متر المطاعم يوجد مطعم عربي اسمه قهوة لابأس به مطعم D'Seuhah Da Lada هذا المطعم تتغدوا فيه بعد زيارة البركان قريب من تلك المنطقة اما من البلد بعيد المطعم راااااااائع جدا العنوان Jalan Raya Lembang, Bandung, Bandung Barat, Jawa Barat 40391 الهاتف:+62 61 786325 جاكرتا اليوم الاول : ريارة منطقة انشول ويوجد بها الكثير من الفعليات تلفريك وعالم تحت الماء واشياء اخرى كذلك يوجد بها مطعم شهير جداً انه مطعم بندر جاكرتا بقية الايام تسوق ويمكن زيارة برج موناس والحديقة المجاورة له الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري , سنتر بارك) كذلك توجد اسواق رخيصة مثل منقادوا و شباكاماسا وغيرها كثير شرائح الجوال اول ما تخرجي من المطار تحصلي ناس كثير تعرض عليك شرائح فيه شركة اسمها سمباتي ممتازه اطلبي وحدها فيها نت سعرها زهيد في حدود 25 ريال |
| الساعة الآن 01:04 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO