|
مساعدتكم لسفره مفاجئه السلام عليكم و اسعد الله ايامكم http://www.travelzad.com/vb/images/smilies/smile.gif استفسارات ومساعده بترتيب سفره مفاجئه انا وزوجتي وطفله صغنونه (: جدول 8 ليال ببلاد الاندومي اندونيسيا مع السكن لاهنتوا وكم المصروف اليوم المتوسط من غير الفنادق وتذاكر الطيران وشكرا للكل مسبقا |
عليكم السلام عطنا تاريخ الوصول والمغادرة وما يكون خاطرك الا طيب |
الله يعطيك العافيــه ان شاء الله 29 مارس - والمغادره 6 ابريل 8 ليال http://www.travelzad.com/vb/images/smilies/biggrin.gif |
أهلاً بك أحمد .. عدد الليالي قليل جداً لبلد سياحي يمتلك جغرافيا مختلفة كإندونيسيا .. عموماً أرشح لك ( جاكرتا ، بونشاك ) أو ( جاكرتا ، بالي ) بحيث تجعل لجاكرتا ٣ ليالي و ٥ ليالي لإحدى الخيارين السابقين .. طبعاً البونشاك ( الجبل ) يتميز بقربه من جاكرتا الانتقال بالسيارة أما ( بالي ) تتميز بمقومات سياحية أكثر وتحتاج طائرة للانتقال إليها .. والأحبة الخبراء ورواد البوابة ننتظر طرح آرائهم .. |
انا مع خبيرنا الرائع كتكات ان المدة قليلة جداً ورحله طويلة لدولة مثل اندونيسيا تحتاج عدد ايام اكثر لكن لكل واحد ظروفة انا اقتراح انك تروح الى بونشاك وجاكرتا فقط ويكون التقسيم 5 بونشاك و 3 ايام جاكرتا بونشاك اليوم الاول : حديقة تامان سفاري يوم كامل ولا يفوتك عرض الكابوي يوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة اهم و الشلالات السبعة (شلمبير) منطقة جميلة جداً وسهل الوصول لها (في جلسات اطلبوا منهم شاي بالنعناع ... خيال( اليوم الرابع: تروح منطقة قريبة من الجبل اسمها ساكابومي اليوم الخامس: تغادر الى جاكرتا المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها الفنادق فندق بنسيونا علم فندق راااااائع جدا ممكن تحجزه من بوكنق فندق سيروني 3 جيد بس عيبه انه ما له حجز من النت اما الفلل فيصعب حجزها بدون رايتها لأنها بعضها غير نظيف وبعضها متهالك وبعضها موقعها سيئ لذلك لازم تشوفيها بعينك قبل حجزها التنقل في الجبل (بونشاك) تحتاج سائق خاص واسعارهم جيدة 500 - 600 الف ربيه جاكرتا يوم الوصول :بقية اليوم تقضية تسوق اليوم الاول : زيارة منطقة انشول ويوجد بها الكثير من الفعليات تلفريك وعالم تحت الماء واشياء اخرى كذلك يوجد بها مطعم شهير جداً مطعم بندر جاكرتا اليوم الثاني: زيارة برج موناس والحديقة المجاورة له وبقية اليوم تسوق الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري , سنتر بارك) كذلك توجد اسواق رخيصة مثل منقادوا و شباكاماسا وغيرها كثير الفنادق في جاكرتا الكثير من الفنادق لذلك السكن حسب ميزانيتك اما التنقل فهو بالتكسي ولا تحتاج الى سائق خاص اي سؤال فريق المسافرون العرب في خدمتك اتمنى لك سفرة سعيدة |
أحسنت مشرفنا ... بارك الله بجهودك ورزقك من حيث لاتحتسب .. حبيبنا ( أحمد ) الرأي لك ... رغم أن إجابة مشرفنا تستحق الطباعة والسير على جدوله .. اسأل الله لك توفيقاً وسفراً ماتعاً وعوداً حميداً .. وأي استفسار صغيراً أو كبيراً .. نحن معك في هذا المتصفح الذي وضعته .. |
لله درك ياخبيرنا الردادي أعجبني جدولك من المطار الى بنشاك الله الله الي أول مره يزور أندونيسيا ويشوف جاكرتا يقول أنا وش جابني لأندونيسيا لاكن إذا شاف بنشاك تتغير وجهة نظره 180 درجه بل يمكن تصل الى الدبل أحلى سفره مفاجئه اللهم لاحسد ياحظك بالنسبه للمصروف اليومي تعتمد على أسلوبك معهم لاتغير العمله دفعه وحده كل يوم 200 دولار أو خمسئة ريال حاول تصرف قبل الظهر لاتصرف أيام الويكند تجنب عطلتهم في كل شي لاتاخذ سواق الا مرتاح له كلهم كويسين بس أنت صاحب الاختيار قابله بأبتسامه وودعه بأبتسامه خذ معك فكه للي يطلبون هديه تراهم يستاهلون أعمل نفسك صاحب ديره وماهي أول مره تزورهم بعد ذا الشرح لاتقهرني وتقول اني زرتها واذا زرتها من قبل ياسلام بتبدع في الصرف واذا مازرتها برضٌه ياسلام بفضل الله ثم المنتدى كأنك من روادها نسق مع حارس فله قبل تسافر وأترك المطاعم أقولك نصيحه بيني وبينك ولاحد يسمع خذ فله يوم واحد بالتنسيق مع حارسها يحجزها لك خذ عزبتك معك رز ومعجون طمام < مدري ليش ضحكت يوم قلت معجون طمام وبهارات الصحون والقدور قدامك ماينقصكم الا التويس الي يحبه قلبك ثم ياطويل العمر الفله غيرها اذا ما أعجبتكم عدد ألايام قليله خلك في بنشاك جاكرتا لاتقعد فيها ولا يوم خل أيامكم ربيع وأمطار والبراد الي يرد الروح وأترك الحر والرطوبه والزحمه سيده مثل ماقال الأ أمير الردادي لبنشاك ولايهون كتكات ومن بنشاك سيده للمطار واذا ع المجمعات والتسوق وشراء الهدايا عندك بقور قريبه فيها مجمعات حلوه وسكابومي الأسم مر علي بس ناسيها والله لاكن الردادي بيفيدك عنها أكيد أنها قريبه من بنشاك ساج عنها والله الله ييسر سفرتكم وترجعون بالسلامه :e444: |
كلام درر الله يعطيك العافية يا منصور ........... بس عاد جبتها على الجرح التيوس والفلة كلام ثاني متعه لا توصف وما يعرفها الا اللي جرب |
| الساعة الآن 10:50 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO