|
سفرتي لاندونيسيا ... السلام عليكم انا وزوجي مخططين لسفرة ان شاء الله على 22 مارس مدتها عشرة ايام اخدت فكرة عن اجمل الاماكن هناك بس كيف ارتب جدول السفرة والاغلبية عندي مامدحوا جزيرة بالي من ناحية الامان ومو مريحة 😐 وكم المبلغ اللي ممكن يكفي معانا هناك :e04b::e04b::e04b: اتمنى تفيدوني |
عليكم السلام 10 ايام ما تشوفيها قليلة على بلد بعيد مثل اندونيسيا ؟؟ الجدول بسيط ترتيبه اهم شي اختاري المدن اللي تبغى تزوريها وبما انك ما راح تزوري بالي اقترح عليك تروحي بونشاك و باندونج وجاكرتا التقسم 4 ايام بونشاك 3 باندونج و 3 ايام جاكرتا وراح نفصل لك الجدول اذا عجبك التقسيم بس ياليت تذكري يوم ووقت وصولك الى اندونيسيا كذلك المغادرة تصحيح للمعلومة التي لديك عن جزيرة بالي لا شك ان الحافظ الله في كل مكان وزمان ومن خلاصة تجاربي اشوف ان الامان في بالي ممتاز جداً ولم ارئى في جميع زيارتي ما يخل بالأمن بتاتاً كذلك الحجاب لا احد يتعرض لك او يضايقك ابداً ناس متسامحه جداً ومتعودين على السياح بكافة اجناسهم وربما يتضايق البعض من كثرة التعرى في بالي خصوصاً على الشواطئ لذلك لا يفضل الذهاب لها وهذي حرية شخصية له لكن لا يعني هذا ان الجزيرة سيئة ودائماً في كل بلد وليس حكراً على اندونيسيا او جزيرة بالي يجب ان تتخذ انت احتياط امني خاص بك لا تخرج في الليل وخصوصاً في الشوارع الفرعية كذلك لا تحمل مبالغ مالية كبيرة ولا تلفت الانظار بالملابس الفاخرة وما الى ذلك |
وعليكم السلام ان لم تذهبوا الى بالي نصيحه لا تروحون فهي اجمل شي بالسفره اقتراحي 5 ايام بالي 3 ايام باندوق 2 يوم جاكراتا الميزانية من غير تذاكر طيران دوليه اتوقع من لا تزيد عن 1000 دينار كويتي شامله الفنادق 4 ال 5 نجوم و الاماكن السياحيه و المواصلات و الاكل و كل شيء زيدها 100 دينار و اخذلك فيلا في بالي و انصح بهذي الفيلا The Bli Bli Villas & Spa, Seminyak, Indonesia - Booking.com طبعا 1100 دينار كحد اقصى |
المغادرة يوم الاحد ٢٠ مارس العودة ٣١ مارس الوصول الى جاكرتا حيكون الساعه ٩.٥٥ كم ممكن اقدر اخلي الميزانيه |
طيب لو خليت الجدول كذا توزيعو لانو الاجازة محدودة مااقدر ازيدها ٣ بونشاك ٣ بالي ٢ باندونق ٢ جاكرتا |
اقتباس:
كثرة التنقل تتعب وتضيع جوا الرحلة انا انصحك انك تستغني عن بالي او باندونج يعني الجدول يكون بونشاك - باندونج - جاكرتا او بونشاك - بالي - جاكرتا الميزانية بمعدل 700-1000 ريال تقريباً شامل كل شي فنادق و سائق ومصاريف بدون تسوق وبدون التذاكر الطيران واذا ميزانيتك محدودة استغني عن بالي واكتفي بونشاك وباندونج وجاكرتا الجدول راح نرتبة اذا اختري المناطق |
اقتباس:
اختلف معاك في الغاء بالي هي متعة الرحلة و فيها ما يميزها من فلل بحمامات سباحه خاصه ادري ان الجل فيه نفس الفلل بس في فرق من ناحية الخصوصيه و الجو بارد فماراح تستفيد من السباحه انا اقترح عند الوصول الى جاكرتا الذهاب مباشرة الى باندوق ( صحيح المشوار راح يكون متعب من ساعتين و نص الى 3 ساعات باسيارة و يكلف المشوار اقريبا 700 الف ) بس عشان ما تضيعون وقت و تجلسون لمدة 3 ليالي و منها طيران الى بالي و 5 ليالي و منها طيران جاكرتا ليلتين لكن اذا تبون توفرون في المصروف الغوا بالي و حطو مكانه الجبل |
صباح النور استاذي الكريم ان شاء الله لا يوجد خلاف بيننا كل ما في الموضوع وجهة نظر وعلى العكس انا متفق معك تماماً فيما يخص بالي والغاء بالي جاء لتوفير المصروف و الوقت فقط |
شاكرة لكم ردودكم طيب انا اخترت وجهتنا بونشاك باندونج جاكرتا وعندي ميزانيتي 8000 ريال سعودي من غير فلوس التذاكر |
شاكرة لكم ردودكم طيب انا اخترت وجهتنا بونشاك باندونج جاكرتا وعندي ميزانيتي ٨٠٠٠ ريال سعودي من غير فلوس التذاكر |
اقتباس:
أختيارك موفق بعون الله عدد الايام قليل وإن شالله الامير الردادي أو الخبراء يضبطون جدول رائع بقور قريبه من بنشاك فيها مجمعات حلوه وحديقه مائيه أسئلو عنها والوناسه الحقيقيه في حديقة حيونات تمان سفاري رحله ممتعه بأذن الله تعالى |
المعذرة على التأخير في الرد هذة الفترة امر بعارض صحي والحمد لله على كل حال التقسيم راح يكون 5 بونشاك 3 باندونج 2 جاكرتا بونشاك اليوم الاول : حديقة تامان سفاري يوم كامل ولا يفوتك عرض الكابوي اليوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة اهم و الشلالات السبعة (شلمبير) منطقة جميلة جداً وسهل الوصول لها (في جلسات اطلبوا منهم شاي بالنعناع ... خيال( اليوم الرابع: تروح منطقة قريبة من الجبل اسمها بوقور حلوة فيها العاب مائية وحدائق والقصر الرائسي وغيرها كثير اليوم الخامس: تغادر الى الى باندونج المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها الفنادق فندق بنسيونا علم فندق راااااائع جدا ممكن تحجزه من بوكنق فندق سيروني 3 جيد بس عيبه انه ما له حجز من النت اما الفلل فيصعب حجزها بدون رايتها لأنها بعضها غير نظيف وبعضها متهالك وبعضها موقعها سيئ لذلك لازم تشوفيها بعينك قبل حجزها التنقل في الجبل (بونشاك) تحتاج سائق خاص واسعارهم جيدة 500 - 600 الف ربيه باندونج يوم الوصول : كان جزء منه في الطريق الجزء المتبقي منه تسوق اليوم الاول: زيارة موقع البركان والشلالات ومزارع الشاي وفيه مزارع فروله اذا ما زرتها في بونشاك ممكن تزورها في باندونج وفي المساء التسوق في شارع الجنز اليوم الثاني : منطقة منتزه تمان جواندا و الكهوف اليابانيه والهولندية والعاب وملاهي ترانس استديو باندونق trans studio bandung اليوم الثالث : المغادرة الى جاكرتا الفنادق فندق سينسا رااااائع جدا ويوجد مول بجانب الفندق كذلك شارع الجنز يبعد عن الفندق حدود 100 متر فندق ذه ترانس لوكسري باندونغ هذا الفندق السكن فيه سياحه في حد ذاتها المطاعم يوجد مطعم عربي اسمه قهوة لابأس به مطعم D'Seuhah Da Lada هذا المطعم تتغدوا فيه بعد زيارة البركان قريب من تلك المنطقة اما من البلد بعيد المطعم راااااااائع جدا لا يوفتك العنوان Jalan Raya Lembang, Bandung, Bandung Barat, Jawa Barat 40391 الهاتف:+62 61 786325 جاكرتا يوم الوصول : بقية اليوم تقضية تسوق اليوم الاول : زيارة منطقة انشول ويوجد بها الكثير من الفعليات تلفريك وعالم تحت الماء واشياء اخرى كذلك يوجد بها مطعم شهير جداً مطعم بندر جاكرتا اليوم الثاني: تسوق ويمكن زيارة برج موناس والحديقة المجاورة له الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري , سنتر بارك) كذلك توجد اسواق رخيصة مثل منقادوا و شباكاماسا وغيرها كثير ملاحظات جاكرتا التنقل في جاكرتا بالتكسي وسعارهم رخيصة جداً والتسعيرة بالعداد وانصحك بالتكسي اللي لونة ازرق (البلوبيرد) المطاعم العربية متوفرة بكثرة في جاكرتا مثل الجزيرة وابو نواس والسندباد وغيرها كثير وفيه مطعم جيد اسمه قنصلات اذا حصلت لكم فرصة لا يفوتكم اتمنى لكم سفرة سعيدة |
يعطيك العافيه اخوي ماقصرت طيب انا ميزانيتي ٨٠٠٠ ريال من غير التذاكر تكفيني هناك او ازيدها ؟ الاغلبيه اللي راحوا قالوا ماتكفي اتمنى الافادة :e310: |
انتي خلي 8000 ريال ميزانيتك وخذي فلوس احتياط لو نقص شي تأخذي منها والان احجزي الفنادق من هنا راح تبين معك تكلفة السكن وافضل انك تحجزي من بوكنق وابتعدي عن المكاتب السياحية السواق احسبي 150 ريال في اليوم في الجبل ويأخذك من جاكرتا للجبل في حدود 180 الى 200 ريال كذلك يوديك باندونج في حدود هذا السعر في جاكرتا التنقل بالتكسي بالعداد ما يكلف عليك شي تذاكر الدخول اغلى شي السفاري والباقي أسعار زهيده |
يعطيك العافيه اخوي بسأل معليش كيف المساج في فندق بيست ويسترون في جاكرتا بالنسبة للنساء والرجال هل هو كويس ؟ |
اعتذر منك اختي هذه الاشياء معظمها فيها تجاوزات شريعة لذلك يجب الابتعاد عنها |
| الساعة الآن 06:18 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO