|
ياجماعة انا اعتزمت اسافر لأول مرة بحياتي وسفرتي بتكون لاندونيسيا بإذن الله ( أرشدوني) السلام عليكم واخيراً قدرت اوفر مبلغ تضمن لي سفرتي بعطيكم نبذه بسيطه عني انا موظف بسيط في وزارة الثقافة والإعلام راتبي 5 آلاف ريال تقريباً متزوج واعتزمت اسافر لحالي ( بحكم ان الميزانية ما تسمح ) فعشان كذا احترت ما بين شرم الشيخ وماليزيا ودبي واحد من زملاي في العمل عطاني رايه في نوع السفرية اللي ابيه انا ( راحه / استجمام / سياحة ) قال لي رح اندونيسيا - جاكرتا اذا لحالك وسفرتي ان شاء الله الاسبوع القادم مدة السفر : 5 ليالي بالكثير كلمت اكثر من شركة سياحة واسعارهم غالية لكني كلمت شركة اخر شي قال لي : 6200 ( شامل التذاكر والفندق 4 نجوم + 5 ليالي ) السؤال هنا يا جماعة بتكفيني 15 ألف ريال في هالمدة؟ وتتوقعون كم ثمن تكاليف السياحة من حيث شراء : كماليات + شريحة جوال وانترنت جوال + وملابس = كل هذا في اول يوم وهل يقبلون عملة ( الريال السعودي ) ؟؟ --اذا لا ، كيف استبدل العملة؟ ---وهل ياخذ رسوم استبدال؟ ----اذا الجواب نعم فكم الرسوم؟ شركة السياحة رشحت لي فندق 4 نجوم اسمه ( Pullman Jakarta ) وش رايكم في هالفندق؟ وكيف اتاكد ان عندهم ساونا ومسبح ومساج؟ وماهي الأماكن اللي فيها طبيعة خلابه تكفون يا جماعة الخير اول مرة اسافر ومحتاج مشورتكم ( ملاحظة ) من ناحية : حجز التذاكر والفندق إلى الآن ما حجزت عشان كذا ياليت توجهوني تكفون علماً ان جواز سفري تم اصداره اليوم ، والاستلام خلال 3 ايام |
ينقل لقسم الاستفسارات |
عليكم السلام قبل ان اجيبك على اي استفسار اقولك 5 ايام الى اندونيسيا ولا حق المشوار ما انصحك تروح اذا تقدر تزيد المدة 10 ايام اقل شي ممتاز هذا شي الشي الاخر بما ان ميزانيتك محدوده اجل السفره الى بعد اسبوعين راح توفر الكثير من المال الحجوزات لا تشيل همها بسيطه راح نشرح لك كل شي بس يفضل يكون عندك بطاقة فيزا حتى تحجز فنادق |
اقتباس:
والمشكلة اني وقعتها من رئيسي المباشر وتم اعتمادها يعني صعب التأجيل معقوله مستحيل اسافر جاكرتها بهالميزانية؟؟ وفي 5 ليالي؟؟ |
15000 ريال كثيرة مرة وما تحتاج كل هذا المبلغ انت حدد لي وقت وصولك ومغادرتك راح نحسب تكلفة تقريبه باذن الله راح اجاوبك اليوم كل شي الان وقتي ضيق ما يسمح اعتذر منك |
بسافر اما من 11 مارس إلى 15 مارس او من 12 مارس إلى 16 مارس في جاكرتا |
الله يهديكم بس للأمانة انا ندمان اني كتبت موضوع في منتدى مُهمل زيكم ( عدم توفر خبراء - عدم استجابة رد - عدم تقدير الحاجة ) اعانكم الله |
اقتباس:
الله يهديك انت بعد نحن هنا نحاول قدر المستطاع مساعدة الجميع بدون استثناء و بلا مقابل مجاناً لوجهه الله ومع هذا لا نسلم من الانتقاد وفي النهاية نحن لدينا ظروف واشغال وعملنا تطوعي وليس كل وقتنا مخصص للمنتدى ............... والله يوفق الجميع لما يحب ويرضى |
اقتباس:
الله ييسر امرك |
وعليكم السلام ورحمة الله وبركاته بيض الله وجه مشرفنا alradadi على رده وسعة صدره ... اخي الكريم انت كتبت استفسارك الساعة 6:17 مساءً ورد عليك مشرفنا الساعة 6:30 مدري وين الاهمال بعدم الرد ؟ اخي الكريم لن اطيل بالموضوع 5 ايام (بعد حذف يوم الوصول والمغادرة ) لا تكفي ابداً وجاكرتا ليس فيها سياحة بالشكل اللي صوره لك صاحبك فهي عاصمة تغلب عليها الزحمة باختصار اذا ما قدرت تاخذ اجازة اكثر من 5 ايام فنصيحة الغي فكرة اندونيسيا |
| الساعة الآن 12:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO