|
استفسار السلام عليكم ورحمة الله ناوي اسافر ان شاء الله الى اندنوسيا 20 اغسطس لمدة 15 يوم الرحة ل شخصين عزاب ما هي افضل الجزر في اندونيسيا واهم الفعاليات ؟ التوزيع المناسب ل عدد الايام في كل جزيرة هل ممكن استئجار سيارة في التنقل ؟ التكلفية اليومية التقريبة للمواصلات والسكن والمعيشة والمزارات ؟ بدون تذاكر سفر الجو بشكل عام في شهر اغسطس وبداية سبتمبر ؟ هل هو مثل رطوبة جدة والشرقية ؟ وشكرا لكم |
عليكم السلام يمكنك زيارة جاكرتا و بونشاك و بالي والفعاليات مختلفة ويوجد الكثير منها توزيع الايام 6 بونشاك و 6 بالي و 3جاكرتا اما السيارة يمكتك ايجار سيارة مع السائق فقط ولا يمكنك القيادة واسعارهم بشكل تقريبي في بونشاك 500- 600 الف اما في بالي من 350 - 450 الف اما جاكرتا التكاسي في كل مكان والتعرف بالعداد وباسعار زهيدة السكن في بونشاك توجد الكثير من الفلل لكن موعد سفرك في ذروة الموسم السياحي لذلك الاسعار تخضع للعرض والطلب ولا يمكن تقديرها الان وبشكل عام تراوح 350 الى 600 ريال حسب النظافة والمكان اما في جاكرتا وبالي يمكنك تتطلع على الاسعار في بوكنق الجو ثابت عندهم المتغير هو كمية الامطار في بونشاك الجو معتدل ومناسب لنا اما في جاكرتا وبالي فهو حار بعض الشي في النهار وتصل درجة الحرارة الى حدود 33 درجة بالتوفيق |
شكرا لك على تجاوبك السريع بخصوص التكلفه اليومية كم تقريبا ؟ كيف الانتقال بين الجزر هل عن طريق الطيران او السفن ؟ |
اقتباس:
التكلفه اليوميه في الجبل 700 ريال شامله السكن والسائق واذا كاسرتوهم أو فاصلتوهم في الاسعار راح توفرون الكثير اتوقع الدراجه الناريه تغنيكم عن السائق اما بالي مدري كم التكلفه ماعمري زرتها اتوقع جوها حر الاخوان بيفيدونك أكثر فاصلوهم في الاسعار بلا ملل تسافرون وترجعون بالسلامه |
بالنسبه للتكلفه علئ حسب اذا انتم مسرفين او العكس بس بعطيك حسبه تقريبيه السكن تقريبا من 150 الئ 250 ريال المواصلات 150 ريال في الجبل و 114 في بالي الاكل والشرب خذوا عزبتكم من معكم للمده الي بتسكنون فيها في الجبل وتاخذون شغاله ب 40 ريال يوميتها المزارات في الجبل ماراح تتعدا 30 ريال يوميا ماعادا سفاري 80 ريال للشخص المزارات في بالي هي الاغلئ بعطيك اسعار تقريبيه للنشاطات الرافتنج 80 ريال للشخص اذا خذتها من الاكشاك الي في منطقة كوتا وب 300 ريال اذا رحت لهم مباشر الدبابات ب 160 ريال للشخص من الاكشاك النشاطات البحريه تاخذ لك اربع العاب للشخص تقريبا 150 بس هذي الاسعار كلها بعد المكاسر ثم المكاسر ثم المكاسر تقدر تاخذ بكج من مكتب بافقيه في الجبل لبالي للشخص تقريبا 1200 ريال شامله سكن وتذاكر طيران ومواصلا بس انا مو مع هذي الفكره احجز بس التذاكر ولو حجزتها من النت افضل هذا مافي جعبتي الان |
شكرا لكم ماا قصرتو بالنسبه للجبل ما فيه مطاعم ؟!! للأسف مب راعين طبخ حنا :32: |
اقتباس:
مايحتاج تعرفون للطبخ الشغاله تطبخ لكم طبخ لايعلى عليه الشغاله تكلف عشرين ريال في اليوم فيه مطاعم وأنصحكم بمطعم كنتاكي ومطعم ياهلا ومطعم الجزيره مطعم كمننا ماهو نظيف أبتعدو عنه |
| الساعة الآن 06:12 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO